Rom 5
5
Jeju laj nooj nat kï Luwah
(Oo 1 Pie 1:3 teen 9; 1 Jã 4:9 teen 10)
1Tit kan jî kï kørrtadøt kïtakul kadkam ye, tajigla kï ndïn kï lapia kï Luwah kïtakul Bïraþe loj Jeju Krist. 2Kïtakul kadkamj Jeju la kï ngahn lo kand kam kamkët lo Luwah, lot'n kï ðat bijir tajigla ye. Na kï ndï kï gaburo kï kamkïndahdø majt kï tøitøi lo Luwah. 3Na î nõ kïðabe al, na kï ndï kï gaburo dø kamkølt'n ða sej kad kï ndoo høtøgbá. 4Lon kï høtøgjbá, j'a kï tee dø nyaðat kïro, nyaðakïro tø a adj kamkïndahdøt. 5Kamkïndahdøt ndï goolj al, kïta Luwah ü tar lon ngarkamjt kïtakul Ndil kïkunjðang'n adj. 6Kïtø lon tøgj goto þaitø ye, Jeju ðe oi kïtaj jî ngéðamajalg, kï kaglo'n Luwah î kïþe øj. 7Lo gang lam kad de mad oi kïta de kïdenesew. Na maja de mad a ire kamïn ndang kad n'oi kïta de kï ngeðamaj mad. 8Luwah øj'j tar lon kï ngãi kï ðob 'nten lon jî'n ngéðamajalg þaitø la, Krist oi kïtatøj ye. 9Tajigla, jî kï kørrtadøt nõ Luwaht kïtakul mosï Krist, kïtai 'nten j'a kï j'ajïn ta wongt lo Luwah kïtakula ho.
10Maði lon jîn madngétaa Luwah þaitø la, Luwah laj nooj nat sen kïtakul koi ngonïn ye, ad tajigla jîn kï nooj kï la nat sia, kïtai 'nten ndï kï j'ajïn kam tøg ndï kï dø dõt'n Jeju ndïn nõ ho. 11'Nten hã kïðabe al, na kï ndï kï gaburo kam Luwaht kïtakul Bïraþe loj Jeju Krist ngelaj-nooj nat kï Luwah tajigla.
Ta lo Adam kï Krist
(Oo 1 Kor 15:21 teen 22,45 teen 49,56 teen 57)
12Kïtø 'nten, tit'n hã majal ðe døningt kïtakul de kïða ye, koi tø ðe kïtakul majal, titbe koi ørr go degt tube, kïta deg tube ðan majal. 13Kete lon mberkïnda lo Moij goto þaitø ye, majal i døningt woi. Na Luwah tïda majal kï dø ngéðamajalgt al kïta mberkïnda mad goto þaitø. 14Titbe la, koi õþe gong Adamt mbã teen dø Moijt, ad deg'n tøin dø ta tit Adam al kaa ne, koi õþe dødt.
Adam i þakumta ngeðe ad i Krist
15Na kadkari kï go kamkët lo Luwah i tit kï tøidø ta lo Adam al. Rota kïtakul majal lo de kïkïða'n non la deg ngãibe oin ne. Na kamkë lo Luwah tøi majal lo Adam ngãibe, titbe la kadkari lo Luwah'n ad deg ngãi kïtakul kamkë lo de kïkïða, ad i Jeju Krist tøian ngãibe tø ye. 16Kadkari lo Luwah i nya kïmaj, i tit majal kï ða al. Majal în de kïkïða'n non ða i dang tø. Luwah gangta dø det kïta majal'n non, na kadkari'n Luwah øjïn kamkë lon deg kïtakul koosï majalg lod ye, i kørrtadøt, kad takïgang hød kï ta nõ Luwaht al. 17I rota, kïta tøidøta lo de kïða la koi õnþe dø degt ye, kïta 'nten de mad kïða, ad i Jeju Krist ðakïla kïbo ngãi tøia, na deg'n Luwah øjd kamkë lon kï ngãi, na ad'd telïn deg kïdenesew ye, ngahn kumkajir kï mbãkïnõt ho, a õnþe kïtakul Jeju Krist ho. 18Tit'n, tøidøta lo de kïkïða ad takïgang lo Luwah høn deg tube ye, titbe tø, kïtakul nyaða kïdenesew lo de kïkïða ndï ørrïn ta dø degt tube, na ndï ad'd kumkajir tø. 19Tit'n maði, kïtakul telrogotat al lo de kïkïða deg ngãibe în ne ngéðamajalg ye, titbe tø tajigla telrogotat lo de kïkïða, deg ngãibe telïn ne deg kïdenesew nõ Luwaht. 20Mberkïnda ðe kïtakad tøidøta lo deg bïlan. Na lon majal lo deg bïlat ngãi a ne, kamkë lo Luwah tot mbujmbuj kï tøi ta køl. 21Tit'n maði majal õþe de degt kïtakul koi ye, titbe tø tajigla kamkë lo Luwah ndï õþe dø degt ad'd telïn denesew, ad ngahn kumkajir kï mbãkïnõt kïtakul Jeju Krist kï Bïraþe loj.
Okuqokiwe okwamanje:
Rom 5: MB80
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
BIBLE MBAÏ © 1980 Alliance Biblique du Tchad.