Rom 13
13
La dø girr tøg ngékõþegt
(Oo 1 Pie 2:13 teen 17; Terr 24:21 teen 22; Luk 20:20 teen 26)
1Kï dekïðen la døn girr tøg ngékõþegt kïta tøg kõþe kïðang goto na tøg kõþe'n ðe kokïro Luwaht tã. Ngékõþeg tube nõ, Luwah la ndahd ye. 2Kïtø 'nten de'n ndï taaðøø ngekõþe a ne ndï taaðøø tøg kõþe'n Luwah ndah. Na deg'n ndï taa'n ðøø titbe ye ndï ørrïn takïgang kï dødt. 3Ngékõþeg în nya kïtootþool al ro degt kï ngéðamaj, na ro degt ngéðamajal la în nya kïtootþool ye. I ndig kad i ndï kïkanj þool de'n ndï kï tøg kõþe e? I titbe a ne, i hø ða maj, na a i ngah hit roat. 4Ngekõþe i ngekïlaþer lo Luwah kïtø maj loi. Na îla i ndï i ða majal a ne, sumba kad i þool, kïta i kï ndang hã to'n nyakat al, na i kïta nda ngïra lo Luwah, kïta køj kuma ngéðamajalg. 5Kïtø 'nten sumba kad i telïn rosï go ngékõþegt kïta þool wong lo Luwah hã koon al, na kïtakad kamsï høsï kï ta al tø. 6Kïtø 'nten tø la i ndï i ban ne lambo, ngéðakïla taa lambo lo ngékõþeg ndï ðan kïla lo Luwah ho. 7Adïn dekïðen nya'n sumbaa: Adïn lambo de'n lambo sumbaa, adïn nyatirr de'n nyatirr sumbaa, i þoolïn de'n sumba kad i þoolïna. Øsïngon de'n køsïgon sumbaa.
Sumba kad ngékad kamd Krist tarïn na
(Oo Mat 22:35 teen 40; 1 Jã 3:11 teen 23)
8Ot kadïn girra nya lo de mad to døsït, na girra tar kïðabedo tã kad i tarïn na. Kïtø de'n ndï tar madþe'n a ne, ndï telron go mberkïndat lo Luwah kïtaagbe. 9Mberkïnda lo Luwah la ten: A i sah dekïdë kïðang al, a i sah ngaw al, a i tøl de al, a i þog al, a i ða kumndà al, kï ndeg mberkïndag tube ndand nat kam tat 'nten: A i tar madþei tit roi be. 10De'n ndï tar madþen ndï ðaa majal al, kïta 'nten tar i tølta mberkïnda lo Luwah.
Ða ro woi kïta tel Krist
(Oo 1 Tes 5:4 teen 10; Ep 5:3 teen 18)
11I ðan titbe kïta i gerïn kaglo kï titbãi jînt: Kád asï woi kad i ndoolïn døþit, kïta kaj i rojt nderrbe tøi kï kaglot kï dasa'n j'adïn kamj Krist. 12Lo kï ndø ndï sah ti, lo kï gang i nderrbe. Kïtø 'nten ad kï tørrïn kïlag'n deg ndï ðan kam tilt kø, na kï lan nyakat rojt kïðøøn kam kunjt. 13Ad ðob nyaðaj î kï goðobat, kï sumba lo deg kï ngendïa kàda na kï ndandom kï kasï kï ða al, kï sah ngaw kï ða dekïdëg al, kïyerr kï ro al, kï køl kï nî al. 14Na maj kad i lan nyakatg lo Bïraþe Jeju Krist rosït na ot soolïn kïta dãro kad i tølïn kon nyurkõg loa.
Okuqokiwe okwamanje:
Rom 13: MB80
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
BIBLE MBAÏ © 1980 Alliance Biblique du Tchad.