मत्ती 28
28
यीशु मसीह कर जी उठई
(मरकुस 16:1-8; लूका 24:1-12; यूहन्ना 20:1-10)
1बिश्राम कर दिन कर बाद सप्ताह कर पहिला दिन पौ फटत ही मरियम मगदलीनी अउ दूसर मरियम कबर ला देखे बर अईन। 2अउ देखा, एक बड़खा भूईडोल होईस, काबर कि प्रभु कर एक दूत हर स्वर्ग ले उतरिस अउ लिघे आए के ओहर पखना ला लुड़काए देहिस अउ ओकर मे बईठ गईस। 3ओकर रंग रूप बिजली नियर अउ ओकर कपरा पारा जईसन उज्जर रहिस। 4ओकर भय ले पहरूवा मन काएप उठिन, अउ मरल मन कस होए गईन। 5स्वर्गदूत हर महिला मन ले कहिस, झिन डरा, मैहर जानथो कि तुमन मन यीशु ला जेहर क्रूस मे चड़हाल गए रहिस खोजथा। 6ओहर हिया नी है। लेकिन अपन बचन कर अनुसार जी उठिस है। आवा ये जगहा ला देखा, जहा प्रभु ला रखल रहिस, 7अउ जल्दी जाए के ओकर चेला मन ले कहा, कि यीशु मसीह हर मरल मन ले जी उठिस है, अउ ओहर तुमन मन ले आगू गलील परदेस जाथे, हुवा तुमन मन ओकर दर्शन पईहा, देखा मैहर तुमन मन ला कह देहे हो।
8अउ ओमन मन भय अउ ढेरेच खुशी कर संग मे जल्दी फिर के यीशु कर चेला मन ला समाचार देहे बर कुईद गईन।
महिला मन ला यीशु मसीह कर दर्शन
9तब यीशु हर ओमन मन ले भेटईस, अउ कहिस, “सलाम” अउ ओमन मन लिघे आए के अउ ओकर गोड़ ला धईर के ओके ला जोहारिस। 10तब यीशु हर ओमन ले कहिस, “झिन डरा, मोर भाई मन ला जाए के कहा गलील परदेस चईल जाए, ओहिच मोला देखही।”
पहरा दार मन कर खबर
(मरकुस 16:14-18; लूका 24:36-49; यूहन्ना 20:19-23; प्रेरित मन के काम 1:6-8)
11ओमन मन जात ही रहिन कि पहरूवा मन हर कुछ झन नगर मे आए के पूरा हाल प्रधान याजक मन ला कह सुनईन। 12त ओ पुरनिए मन कर संग मे जमा होए के सलाह करिन अउ सिपाही मन ला ढेरेच अकुन चांदी दे के कहिन। 13ये कईहा कि राएत मे जे घनी हमन सोवत रहेन, त ओकर चेला मन आए के ओला चोराए ले गईन। 14अउ अगर ये गोएठ पिलातुस हाकिम कर कान मे पहुच गईस त हमन ओला समझाए लेहब, अउ तुमन ला मुसीबत मे ले बचाए लेहब। 15तले ओमन मन रूपया ले के जेकस सिखाए गए रहिन, ओहिच कस करिस, ये गोएठ हर आएज ले यहूदी मन मे प्रचलित है।
चेला मन ला दर्शन अउ आखरी हुकूम
16अउ ग्यारह चेला मन गलील परदेस कर ओ पहार मे गईन, जेला यीशु हर ओला बताए रहिस। 17ओमन हर ओकर दर्शन पाए के ओला जोहारिन, लेकिन कोनो-कोनो मन ला शंका होईस। 18यीशु हर ओमन मन जग आए के कहिस, “स्वर्ग अउ पृथ्वी कर सबेच अधिकार मोला देहल गईस है। 19एकरे बर तुमन मन जावा, सबेच जाएत कर लोग मन ला चेला बनावा, अउ ओमन मन ला दाऊ अउ बेटा अउ पवित्र आत्मा कर नाव ले बपतिस्मा देवा, 20अउ ओमन मन कर सबेच गोएठ ला जेला मैहर, तुमन मन ला हुकूम देहे हो, माने बर सिखावा, अउ देखा, मैहर जगत कर अन्त तक हमेसेच तुमन मन कर संग रहू।”
Okuqokiwe okwamanje:
मत्ती 28: SGJNT
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.
