मात्ति छेप्ताप चिनातोक
छेप्ताप चिनातोक
ना मात्तिङा छेप्तुना नुसाला ओम॥ मात्तिङा ना छेप्तापपे ओन्दाङ् नाहाङ्तो बाचा चोगाना पाप पाहाङ् फोङ्खुबा येसुमाङ् ओमभोङ् छेप्तुक्सु॥ येसु तामाहाक्निङ् प्याक ओन्दाङ् निङ्वाफुमाङा उका याॽमि याहुदिचि पाप पाहाङ् फोङ्मागा एको पाप पाहाङ् फोङ्खुबा पाक्स्वाङ्ना भोङ् बाचा पिक्साचि॥ न्ना बाचा च्हेन उङा येसु कायुङ्लेनबे पाक्सुहोङ् पुरा चोगु॥ ना नुसाला याहुदि जातिचिगा लागि से मेन्ना, ङ्खाॽनिङ्गो घाक कायुङ्लेनबेॽहा याॽमिचिगा लागि ओम॥
मात्तिङा ना नुसालागा छेप्तापपे घाक चेॽया इमिन लेक्सा, ङ्खा घाक तोक्सुहोङ् छेप्तुक्सु॥ उङा येसुगा वाम, स्याना न्हाङ् उङ् फेरि हिङ्गिलिक लेक्साना चेॽयागा उतुम्बे छेप्तुक्सु॥ नाबे येसुगा बाप्तिस्मा, जाच नुङ् उङा गालिल लिङ्खाम खाबे पार्चार चोगुहा, उङा चिन्दुचिहा चेॽया नुङ् आच्चाम्मा तारिकाङा याॽमि नुमेतुचिहा चेॽया चा छेप्तुक्सु॥
ना छेप्तापपे छोक्ताहा चेॽया
येसु खिरिस्टका छोङ्ताप्लिक (बाङ्सावालि) नुङ् वाम १:१–२:२३
बाप्तिस्मा पिखुबा युहान्नागा काम ३:१-१२
येसुगा बाप्तिस्मा नुङ् जाच ३:१३–४:११
येसुङा गालिलबे चोगुहा काम ४:१२–१८:३५
गालिलभाङ् यारुसालेम सोम्मा १९:१–२०:३४
यारुसालेमबे उका आखेरि लेन २१:१–२७:६६
येसु स्यानाभाङ् हिङ्गिलिक लेक्साना नुङ् चेलाचिबे ओताना २८:१-२०
Okuqokiwe okwamanje:
मात्ति छेप्ताप चिनातोक: YAKH
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2023, Wycliffe Bible Translators, Inc. and Nepal Bible Society