मट्टि मिःक्म खानावाँ
मिःक्म खानावाँ
ग साब्चिरा मट्टि लोमॆ येसु टिङ्खुबाऎ साब्मिम्पा हाङ् नुऎ खानावाँमि साब्चिरा यो। गुबि याॽलऎ चुमॆक्सङ् रक्न याॽमिचि हिङ्वाबाङ् फाक्खुबा चाइ येसुन लोमॆ साब्डा। आरेॽऎ लःबि निवाँहाङ्ऎ एक्क फाक्खुबा पाहाङ्कुङ् कामानुङ् खोम् याॽमि याहुडिचि नुङ् चुप्लाङ् हिक्मिम्पा लॆटु हाङ् खोसॆ येसु बाखाटेम्पि पाहाङ्मानुङ् खोसॆ यामुमिम्पा खानावाँ चाइबान कामानुङ् खाङ्मिटु। ग नुऎ खानावाँऎ लोमा यकुवॆ खानावाँ चाइ येसु याहुडि जाटिचिबि जान्म लिसा हाङ्स खो याहुडिचिमि लागि टेःॽन हॆॽनॆ, टर बाखाटेम्पिहा चोब्न याॽमिचिमि लागि टामिम्पा लोमॆ यो।
मट्टिऎ साब्मिम्पा नुऎ खानावाँबि येसु जान्म लिमिम्पाबाङ् खो सिखॆम्पा हाङ् खो फेरि हिङ्पॽमिम्पा खानावाँ टङ्से नुःर साब्डा। हाङ् येसुमि जान्म, बाप्टिस्मा हाङ् खो ठाःग्चामा खॆयाङ्चाडॆ खानावाँ हाङ् खोसॆ गालिलबि नुऎ खानावाँ फुबक्मिम्पा हाङ् टुक्खुबाचि नुबक्मिम्पा खानावाँ ग साब्चिराबि चु। खो यरुसालेम खॆडॆ हाङ् आक्कुबि खो डॆङ्पिऎ हाप्टा पेन्डॆ, कुरुसाबि सिखॆडॆ हाङ् खो फेरि सिखॆॽमिम्पाबाङ् हिङ्पडॆ खानावाँ साब्डा।
ग साब्चिराऎ येसु यायेॽमा हाङ् पारुमि हाङ्डाम्मि चुमुऎ खानावाँ हेम्बॽमॆ ढुप्पाट्ट टक्चाखुबा ढ्या चिन्खुबा कामानुङ् खाङ्मुडु। हाङ् आक्खा चिन्मिम्पा खानावाँ चाइ इघान यो।
पङ्पङ्माबि येसुऎ पारुमि हाङ्टेम्पिहा याॽमिचिबि लिमा लॆऎ नुऎ खानावाँ ५-७।
हिपङ् टिङखुबाचि नुऎ खानावाँ फुबकानॆ कामानुङ लोमिम्पा १०।
पारुमि हाङ्डाम्पिहा खानावाँ १३।
टिङ्खुबा लोमॆ माल? १८।
आच्चेलाऎ लः नुङ् येसु ऎन्टाऎ खानावाँ २४-२५।
गुबि चुहा खानावाँ
येसुमि सामॆक नुङ् खोम् जान्म १:१; २०:२३
बाप्टिस्मा पिक्खुबा युहान्नामि योम्पक् ३:१-१२
येसुमि बाप्टिस्मा हाङ् खो ठाग्मिम्पा ३:१३; ४:११
गालिलबाङ् यारुशलेमढारि १९:१; २०:३४
खोम डॆङ्पिऎ हाप्टा यारुशलेमबि २१:१; २७:६६
येसु सिखॆम्पाबाङ् हिङ्पडॆ हाङ् टिङ्खुबाचिम् लुम्पि खाङ्मुमिम्पा २८:१-२०
Okuqokiwe okwamanje:
मट्टि मिःक्म खानावाँ: LBR
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2023, Wycliffe Bible Translators, Inc. and Nepal Bible Society