U-Eksodusi 33:18-23

Wayesethi: “Ake ngibone inkazimulo yakho.” Wathi: “Ngiyakudlulisa phambi kwakho ubuhle bami, ngilimemezele igama likaJehova phambi kwakho, ngibe nomusa kuyena engithanda ukuba nomusa kuye, ngibe nesihe kuyena engithanda ukuba nesihe kuye.” Wathi: “Awunakubona ubuso bami, ngokuba akukho muntu ongangibona, aphile.” UJehova wathi: “Bheka, nansi indawo kimi; uyakuma edwaleni. Kuyakuthi isadlula inkazimulo yami, ngiyakukufaka ofantwini lwedwala, ngikumboze ngesandla sami, ngize ngidlule. Besengisusa isandla sami, ubone umhlane wami, kepha ubuso bami abuyikubonwa.”