Jeremiya 47
47
Dipswi ngu mhaka ya Vafilista
1Dipswi da Mkoma di nga ta ka mprofeti Jeremiya, do wukela Vafilista, Faro a sanzi kupeka Gaza.
2 Mkoma a khene: Ndiya ma guleka mati a Wuphemba,
ma na maha mnambo wu khulungako ni kuthekelela,
ma na talela ditiko ni wungi wa sotshe si kuho ka dona,
didhoropa ni votshe va zumbako ka dona;
vavamna va na peka huwa,
ni votshe va ku ditikoni va na dila.
3Ngu mhaka ya diguwa da mahantxhi akwe a mtamo,
ni diguwa da sikotxikani sakwe
mbimo yile madangarita a kona ma rindilikelako;
vaveleki kha va na mbi xayisa vanana vawe,
ngu kukarala ka mawoko awe;
4ngu mhaka ya Ditshiku dile di tako
da kuxaselwa ka Vafilista,
ku ta wila ka Tiro ni Sidhoni, votshe vale va nga ti salela ku va vhikelwa;
nguko Mkoma a na hasamula Vafilista
vale va nga sala txitondoloni ka Kafitori.
5Ku na vaho kuyolwa ka hombe ka Gaza,
kuloviswa ka Askaloni ni misalela yakwe mkovani;
u na ti kuvelela kala yihi mbimo kani?
6Awe ditxhari da Mkoma!
U na humula yihi mbimo kani?
Tshumela u txi nga humula msavani kwako, u txi malala.
7U nga humulisa kutxani
na u ti ningilwe mlayo ngu Mkoma,
wo wukela Asloni, ni ku vhinganyisela mabambe ka linene kani?
Ngumo u nga rumwa kona.
Okuqokiwe okwamanje:
Jeremiya 47: BEC2016
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
A Bíblia em Txitxopi © Bible Society in Mozambique, 2016.