होशे 8
8
इस्राएल का विधियाँ ताहीं छोड़ देणा
1अपणे मुँह म्ह नरसिंगा लगा। वो उकाब की तरियां यहोवा के घर पै झपटैगा, क्यूँके मेरे घर के माणसां नै मेरा करार ताेड़या, अर मेरे नियम-कायदे का उलंघण करया सै। 2वे मेरे ताहीं पुकारकै कहवैंगे, “हे म्हारे परमेसवर, हम इस्राएली माणस तेरे ताहीं जाणा सां।” 3पर इस्राएल नै भलाई ताहीं मन तै उतार दिया सै; दुश्मन उसकै पाच्छै पड़ैगा।
4वे राजयां नै ठहरान्दे रहे, पर मेरी इच्छा तै न्ही। वे हाकिमां नै भी ठहरान्दे रहे, पर मेरे अनजाणे म्ह। उननै अपणा सोन्ना-चाँदी लेकै मूर्तियाँ बणाली जिसतै वेए नाश हो जावैं। 5हे सामरिया, उसनै तेरे बाछड़े ताहीं मन तै उतार दिया सै, मेरा छो उनपै भड़क्या सै। वे निर्दोष होण म्ह कद ताहीं देर करैंगे? 6यो इस्राएल तै होया सै। एक कारीगर नै उस ताहीं बणाया; वो परमेसवर न्ही सै। इस कारण सामरिया का वो बाछड़ा टुकड़े-टुकड़े हो जावैगा।
7वे हवा बान्धै सै, अर वे बवण्डर बटोरैगें#8:7 वे हवा बान्धै सै, अर वे बवण्डर बटोरैगें वे काटैगें, “जिसा उननै बोया सै”, पर एक भयानक वृद्धि कै गैल। उननै मूर्खता अर व्यर्थता बोया, अर सिर्फ खाल्लीपण अर निराशा ए न्ही, बल्कि चाणचक, खतरनाक विनाश काटैगें।। उनकै खात्तर किमे खेत रहवैगा ए न्ही ना उनकी फसल तै किमे आटा होवैगा; अर जै हो भी तो परदेशी उसनै खा लेवैंगे। 8इस्राएल निगळया गया; इब वे गैर जातियाँ म्ह इसे निकम्मे ठहरे जिस तरियां निकम्मा बरतन ठहरै सै। 9क्यूँके वे अश्शूर नै इसे चले गये, जिसा जंगळी गधा झुण्ड तै बिछड़ कै रहवै सै; एप्रैम नै यारां ताहीं मजदूरी पै राख्या सै। 10फेर भी वे गैर जातियाँ म्ह तै मजदूर बणाकै राक्खे, तोभी मै उननै कठ्ठा करुँगा। अर वे हाकिमां अर राजा के बोझ कै कारण घटण लागैंगे।
11एप्रैम नै पाप करण नै घणी सी वेदी बणाई सै, वेए वेदियाँ उसके पापी होण का कारण भी ठहरी। 12मन्नै तो उनकै खात्तर अपणे नियम-कायदे की लाखों बात लिखकै दी, पर वे उननै पराया समझै सैं। 13वे मेरै खात्तर बलिदान तो करैं सैं, अर पशुबलि भी करैं सैं, पर उसका फळ माँस ए सै; वे थम ए उसनै खाओ सो; पर यहोवा उनतै खुश न्ही होन्दा। इब वो उनके अधर्म नै याद करकै उनके पाप की सजा देवैगा; वे मिस्र म्ह बोहड़ जावैंगे। 14क्यूँके इस्राएल नै अपणे कर्ता ताहीं भूला कै#8:14 इस्राएल नै अपणे कर्ता ताहीं भूला कै परमेसवर उनका बणाण आळा था, सारी चिज्जां का सृजनहार होण कै कारण ए न्ही, उनकी एक जात्ति रूप के अस्तित्व का भी कर्ता था। महल बणाए, अर यहूदा नै घणे से गढ़आळे नगरां ताहीं बसाया सै; पर मै उनके नगरां म्ह आग लगाऊँगा, अर उसतै उनके गढ़ भस्म हो जावैंगे।
Okuqokiwe okwamanje:
होशे 8: BGC
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.