Legic 130
130
Anutuac boŋhéré ai niŋac mambécma kecmu.
1(Ama téréyaiguc eŋeŋawac legic.) Yawe, ni yéwérinawac dumuc siraiguc gi guruzua. 2Miŋ Kewu, ewa hétéŋna niŋna. Ʒéwelecna hélacnec imuac gezac haina.
3Yawe, gi képésicnina héŋsosoli wambaŋnec mérénéŋ hia naŋseliwacnec? 4Képésic waiwai imi guaru hezac, imuac mia nini eega héigéŋanʒiŋ.
5Ni, kekec uŋananéŋ Yaweac mambéc kecanʒua. Iwac ackuaʒéc niŋac niŋhéhélima kecanʒua. 6Siŋi galeŋ eneŋ giaŋ giaŋawac mambécanʒu imuac séha ogicma kekec uŋananéŋ Miŋ Kewuac mambéc kecanʒac. Hélacnec siŋi galeŋnéŋ giaŋgiaŋawac mambéc kecanʒu imuac séha ogicʒac.
7Israel ini Yaweac mambéc waŋgic. Iwaru imi gum bénʒénʒéŋ ʒéma boŋhéré hakanéŋ sécgéma hezac. 8Inéŋ mia Israel hénagésé képésicgina mocʒoŋ yanda imuacnec metecgé énécmimac.
Waiʒalaŋ ménda wamma Anutuac niŋkumuyec.
Okuqokiwe okwamanje:
Legic 130: KGF
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2012, Wycliffe Bible Translators, Inc. All rights reserved.