Legic 122
122
Mepé qepési ʒéma ʒéwelec ac Yerusalem niŋac wawaŋa.
1(Ocmuŋ téréyaiguc eŋeŋawac legic, Dawidinéŋ oyec.) Ic eneŋ Yaweac ocmuŋiguc#122:1 Sel hali téréya héna acac katapa téréya heyec imuac ʒézéya. enni ʒéma nézégic nimma ségiségi waŋi. 2O Yerusalem! Hénaninanéŋ guac demiŋ qeriaiguc tima nanʒiŋ.
3O Yerusalem, tanecga imi héiɋelima megic amaya amaya toroqema qiŋ héima tacʒac ésécnec. 4Ama areŋ yanda imuaru mia Yaweac qara mepési miwiŋ ʒé Miŋ Kewuac hénaoriŋ Israel énézéyec imuac séciguc enʒu. 5Hénia imi yomuhuc; Imuaru mia ʒégésigésiac tatac eeyaguc imi sasala haiyecac tacma kenʒac. Imi mia tatac eeyaguc Dawidiac ama imuac buŋa qemimia.
6Yerusalemwac luae niŋac ʒéwelecgic. Yerusalem guac siŋga niŋanʒu imi eneŋ ewa déŋ wamma kecmu. 7Demiŋga qeriaiguc luae hema kecmac. Ama areŋga demiŋ seliaguc imuac qeriaiguc mériaŋ hema kecmac. 8Ala sac taséhécna ionac niŋac wamma ʒémaŋ; Demiŋga qeriaiguc luae hekecmac. 9Anutunina Yaweac ocmuŋ niŋac wamma Yerusalem gi mériaŋgaguc wambésémaŋ niŋac wanʒua.
Okuqokiwe okwamanje:
Legic 122: KGF
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2012, Wycliffe Bible Translators, Inc. All rights reserved.