Amavesi eBhayibheli adumile avela kokuthi Kutuuka 32

Dlulisela

Omo vanu vamwene ngeci Mosesa kezile vwasi kutunda ku munkinda oloni wakakele kuje simbu yakama manene, co vakungulukilile kuli Alone nakwendeka kuli ikeye ngwavo, “Kutuzivuka cuma mukajo cinalingiwa kuli ou munalume Mosesa, ou watutwamenenene kututundisa mu Ingito, oloni yove unapande kutupangela njambi ngeci atutwamenene.”

Co Shukulu Kalunga wendekele kuli Mosesa ngwendi, “Shelumukila asi vwasi-vwasi, omwo vanu vove, vaje watwamenenene nakuvatundisa mu Ingito, vanalingi vuvi nakunjivyana yange. Lajoko vanaseza ngila ije njavashikile kuyikava, vakevo vanamungu ngolinde kuyipwisa muna ngombe wa nkomba, co ikeye valinakulemesa nakukombelelako vin̄ombelo. Co valinakwendeka ngwavo ikeye njambi yavo, uje wavatwamenenene nakuvatundisa mu Ingito.

Asinoni Alone watungile mutula kulutwe lwa uje ngombe wa nkomba wa ngolinde, co watambekele ngwendi, “Imene kukakala ciwano cakusingimika Shukulu Kalunga.” Co alikaki mutondo-tondo vanenele tusitu ngeci vavakombelele na tusitu vakwavo vaje valile kupwa milambu ya kulitombola. Co vanu vatumbamene ku ciwano cije, oloni vaciimwisile ciwano ca kupenda nakulinga vupangala.

Co alikaki Mosesa wendekele kuli vanu ngwendi, “Munalingi vuvi vwakukomokesa manene. Oloni ololo njilinakulamata lalo ku munkinda kuli Shukulu Kalunga, amo njikasa kuwanako kwambesa vuvi vweni.”