Amavesi eBhayibheli adumile avela kokuthi Luk 4

Dlulisela

Jamméejhu Umuyhintor injanjiye a binaam. Acaabeneemcaaben k'ídek imbi mi yikireŋeŋne, ídek íteekineeniŋ kúmbuuñaam kúnsuumi. Umuyhintor abúuñureemne k'ídek ba imbi m'ankimbenaane k'íteekineeniŋ mara ayikhineh bísiba ambénhineeniŋ. Abúuñureembuuñ k'ídek íteekin m'ampímne, mara bísiba anfékineh. Abúuñureembuuñ k'ídek íteekin m'anféginaane ingi m'anyohne dáde, mara bísiba anyohálaháneh. Abúuñureembuuñ k'ídek íteekin jamaŋo mara maŋ ásibaŋo innoŋ, Umuyhintor gadékirehne bujellihinkinan básuumahánam. Nim Yensa akaraŋne a Hañaañeno dam.

Angu, Yensa aŋoyindem ayéjem: - Ingah! Me dikaan n'úsiibane. Féger baŋ, añaaññaañ a Hañaañeno ayéj: «Ninkinan moŋon moŋon, uñantañanta ufuuhurin Umuyhintor Díino k'útuyoh ámár ba bareŋ.» Nim gaŋoyindemne.

Ayéjem: - Ingah! Dikaan nim mara aññaañaañ a Hañaañeno anyéj: «Guyroŋ karo jafoolaŋo bareŋ gakankánehne ki uraagofoŋo ajéb.»

Angu Yensa bayicaa mees a jakanku Joodan, adék ba a kanaŋaŋo kalaalinno. Agida Jamméejhu Díino Jarenninno inja na n'arumun tip a binaanam, te jámár anohálinemne ba a kanaŋaŋo kámár.

Balóbi nim Yensa aŋoyindem ayéjem: - Ingah! Me dikaan n'úsiibane. Féger baŋ, aññaañaañ a Hañaañeno anyéj: Wúur ñantaaraŋ aríf Umuyhintor Díino k'apájul karo akankáneh karo dakaan. Nim gaŋoyindne Iblisa.

Angu, nim Iblisa arifne guŋanhu Yensa a bukanku hójondoŋo. Arifrif fasoŋoŋo nip, pirendom. Angu, abénnem k'adék. Ayéj a jamméejhinem, - Kanda iŋoolinekineh dadúk d'eyikinahinehne k'ifak irifem!»

Angu, fo Yensa alóbemne nim, Iblisa adoohom k'andék ba k’afaŋunumne n'alóba. Bampúti na, ajellihinem maŋ fam didiiraŋo di duniyaŋo nip k'ayéjem: - Ingah! Eke úfefeg didiiraŋo indi nip? Ayéjem: Oo! Ayéjem: - Ingah! Didiiraŋo indi nip me gankarafarne! Gasúumi me, íneer ugurumaareŋ m'ísiibane. Inini, ruŋar manini a jannokum k'úbuuñahaam! Aji uruŋay a jannokum, me ínekuno maasayahu didiiraŋo indi nip ingi bafukánin ingi kunyikhinin na. Inini, ufant uruŋa a jannokum k'íneero maasayahu duniyaŋo nip! Angu, Yensa aŋoyindem ayéjem: - Ingah! Me dikaan n'úsiibane. Féger baŋ, añaaññaañ a Hañaañeno ayéj: «Ninkinan moŋon moŋon, uñantañanta ufuuhurin Umuyhintor Díino k'útuyoh ámár ba bareŋ.» Nim gaŋoyindemne.

Angu, banfúri a kanaŋaŋo kalaalinno, Iblisa adoohom adékirem ba Jerusalem. Bampúti Jerusalem aŋafun Yensa baman a raafununku Jaameŋo Adénno. Bampúti a raafo ayéjem: - Ingah! Aji angu fi Úbáku Díino, te ufiyumfiyum Díino, ricar baŋ baman a réeŋo! Ingah! Dunen úduja mara aññaañaañ a Hañaañeno anyéj: « Díino abúuñhuneh maleekaŋaŋo k'ankooño. Maleekaŋaŋo ámáráŋ anjaalunkuno ki jinenken dugida a buwaal k'úduja haman hotir. Balóbi nim Yensa aŋoyindem ayéjem: - Ingah! Me dikaan n'úsiibane. Féger baŋ, aññaañaañ a Hañaañeno anyéj: Wúur ñantaaraŋ aríf Umuyhintor Díino k'apájul karo akankáneh karo dakaan. Nim gaŋoyindne Iblisa.