Amavesi eBhayibheli adumile avela kokuthi Matsiyù 7

Dlulisela

E ye gè o ge fyɛ̀n, à nà sìn e ra. E ye gè o ge gaa, e naà à tàrà. E ye dziɛ̀ màban, à nà san e re.

Àwà, a moo o moò ye Ŋaablà fyɛn, à nà a kɔ. A moo o moò ye gè gaa à re, a naà à tàrà. A moo o moò to ye dziɛ̀ màban, Ŋaabla nà à san a re.

Tɔ̀ kamà, mòò o moò mun ne gooma ree reè myɛ̀ɛn à yè è shi jiì, tɔ ni a ci mòdzin akiritsi, nìi yè e re gbàà jiɔ̀ faà tsɛ.

Tà doùn, ye sào ni mòdzian yè nìi sapɛ fa ye re, e sa yeè tɔ̀ soo fa mòdzian rè. Sàrìyaa gooma reè tɔ̀ rii kpàdeò, Kɛɛra reè sa yeè bà ci tɔ̀ tsuru.

Ŋà shi niì bèe jaamabee rà, tɔ̀ dɔ̀nmàdziɛ dzyɛ̀n à nɔ̀ɔ̀dzii yè bà ɲaan. Mòò bɛrɛ na tɔ̀ tàr'la waa.

Ye dɔ̀n dɔ̀nmàdzii kiɲaaniàn nà. Ye tɔ̀ fa, kàtsu shi niì bèe mòdzian barama nɔ̀n, tɔ̀ dziɛ̀ blà, à shia yè bà blà. Mòò giri to dɔ̀ɔn tɔ̀ rii lè, kàtsu à dɔn dzi.

Ye ko e re ɲanbee sa, ye wù, ye yè gè niì sìn e dzin nèè rà è bà wù, ye tɔ̀ tɔ̀. Ye ye ba tɔ̀ tɔ̀, ye Fà Ŋaablà riì ni jìrànxɔ rɔ̀n, gooma na ni tɔ̀ mà waa. Nìì reè y'à fyɛ̀ɛn, à nà twɛy kɔ̀ gè rà, nìi wù.

Yesù yè dzin kɔn ci: «Àwà, e maà kitsi kunùn dzyee rèè tsɛ waa, tɔ̀ ye fa, mòò fa kitsi kunun e tsu tsɛ waa. E maà tɔ̀ fa waa, kàtsu, ye mòdzian kitsia kitsiu'n kur'liì rà, ye sa nà kitsi tɔ̀ rii tsuru. Ye to dzyee rèè raà gɔ̀ɔn gè niì ka, tɔ̀ rii nà ka ye raà sa gɔn.

Ŋà mòo o moò mun ne gooma ree reè myɛ̀ɛn, à to na è shi jiɛ waa, tɔ ni a ci mòdzin akiribɛy, nìi yè e re gbàà jiɔ̀ cɛncɛɛn tsɛ.

Fee bèe à to ɲɔ̀ùniin nìi ni wo mòdzìnsia jaa tsɛ, wo jaa ni tɔ̀ ra, tɔ̀ to y'à tàrà, gɔ̀ɔ blà riì ni wo yɛ̀r'la raà tsɛ, wo na tɔ̀ jàa waa ? Wo dzia dzin a modzìnsia rà dzùrù, à to m'a jaa tsɛ ɲɔ̀ùniɛ̀n bo, tɔ̀ to y'à tàrà gɔ̀ɔ blàa ni wo raà tsɛ.

Ye e yɛrɛ kaàwɔ kɛɛra doo de reè rà. È nàa ye mà, a ci saa ì, ŋà è duùn nɔ̀n, è tsuru kparan ɲan na ni. Ye nà è tɔ̀ e dziàn nà. Mòo ɛ̀rɛ̀nzhɛ̀ndzin ɲɔnàma boò daaku ra ɔ ? Mòò to fiigidzin ɲɔnàma boò daaku ra ɔ ?

Tà doùn, gɔ̀ɔ wùù rii dzin wùù wɔɔ̀, gɔ̀ɔ ɲaan yeè bà dzin ɲaan wɔɔ̀.

Gɔ̀ɔ wùù na dzia dzin ɲaan wɔ waa, gɔ̀ɔ ɲaan to na dzia dzin wùù wɔ waa.

Gɔ̀ɔ o gɔ̀ɔ na dzin wùù wɔɔ̀, tɔ nà jèè maa sa rɔ̀n.