Amavesi eBhayibheli adumile avela kokuthi Matsiyù 6

Dlulisela

Ye Ŋaablà re Màsàbee ko à re terenbee rìì gaa ŋe. Tɔ̀ ye fa, twɛy gè rèè sapɛ nà sìn ye ra, è bà twɛy tɛ̀y.

E maà vyɛ̀ɛ̀y gbey ka waa, gbey raa goò ni tɔ̀ yɛ̀r'la suun. À jisee sapɛ ko e raa byɛnbe."»

Tɔ̀ rii kamà, m'a dèe e ra ci: "E maà vyɛ̀ɛ̀y, ci ye nà fee ɲɔn tàmafa, ye nà fee mìn. E to mà vyɛ̀ɛ̀y, ci ye nà vya ji e ma dzùrù. Jaamabee na vùn ɲwɛyn goo mà ɔ̀n ? Màà yè bà vùn vya goo mà ɔ̀n ?

Ŋà, nìi wo, e ba nà Ŋaablà mafyɛ̀n, dɔ̀n be fɔ a re gbàà jaane, e dziɛ̀ tsyee a ma, a Fa Ŋaablà mafyɛ̀n, tɔ̀ niì ni tɔ̀ gàne mɛnɛunma nɔ̀n. Tɔ̀ tsuru, wo Fà Ŋaablà riì goo mɛnɛunma rèè jàa, tɔ nà à tsìì sàrà wo re.

Tà doùn, ye ba nà Ŋaablà mafyɛ̀n, ye dzin ci: "Mùn Fà Ŋaablà, wo rìi ni jìrànxɔ rɔ̀n, wo tsoò fɛnɛbee nìi boò, m'à gaa ci mòdzian sapɛ y'a blàbe. M'a gaa wo re Màsàbee yè jàà mùn tsɛ. Wo sàɔ faa nìi tsuru jìrànxɔ rɔ̀n, è fa tà tsuru dzɔ̀nxɔɔ̀ sa tsɛ.

Mùn ne she dziira ɲwɛɛ̀n bɛ̀r'la sìn mùn na.

Mùn ne fìrìgoo rèè tsìɛ̀ mɛɛy bo mùn vu ra, a ci nìì reè goo faa ɲe ra, ɲe sa tɔ̀ tsìɛ̀ mɛɛy boò twɛy mà nìi tsuru.

Maà à to Sùtana yè dzi mùn dzuun mìn fabɛy goo fa. Mùn tsi à ra. [Tɔ̀ fa, kàtsu màsàbee, ko dzibaabee, ko blàbee sapɛ wo rìì laa kudɛyn. Àmiinà !]"»

Tà shɔ̀ùn, Yesù yè dzin ci: «Àwà, ye ye ba dzyee rèè raa fìrìgoo rèè mɛɛy boò twɛy mà, ye Fà Ŋaablà riì ni jìrànxɔ rɔ̀n, tɔ̀ sa nà ye raà mɛɛy bo ye mà.

Ye jìran nɔ̀n kɛ̀yn neè siin cɛyn. È na shìman sià, è to na shìmàndzin gaa. È na shìman ladzyèè tsùɔ bòndo ì doùn. Àwà, ye Fà Ŋaablà riì ni jìrànxɔ rɔ̀n, tɔ̀ na è dziira gaara ɔ ? N ci ye vùn twɛy kɛ̀yn neè mà ?

E maà nàforo ladzyèè tsùù e re dzɔ̀nxɔɔ̀ tsɛ waa. Dzɔ̀nxɔɔ̀ tsɛ, daa rèè ko kpɛ̀ɛkpɛɛ̀ baragoò faa, shɔn rèè sa yeè bà dzii rèè kɛɛ̀, yè gè rèè sen. Ŋà, ye nàforo ladzyèè tsùù e re jìrànxɔ rɔ̀n nì. Daa ko kpɛ̀ɛkpɛɛ̀ na ni mɔn, yè baragoò fa waa. Shɔn ì to na ni mɔn, yè bà ni dzii kɛɛy, yè ge ì sen waa. Àwà, a re nàfor'la ni min niì, tɔ̀ gàneè rìì fɔ̀rɔ̀ tsùuŋnà a vun'nà sa ra.

Mòò pɛn na dzia faagoo fa kùntsii fii re waa. Soo goo ma xɔbe à mà, soo goo dzibee à ra, tàmafa, è shi soo rà è soo kɔn. Ye fa dzi faagoò fa Ŋaablà re, y'a fa nàfor'la sa re waa.

Tɔ̀ jòon nɔ̀n vuàn, Ŋaablà ye ba tɔ̀ màwɔɔ̀ tɔ̀ tsuru wùùruùn she, tɔ̀ y'a tàrà gbey ko e sa, à nà maa sa rɔ̀n, Ŋaablà fa ye màwɔ è geren tɔ̀ tsɛ peu ɔ ? Ye ɲan ɲɛynaà dzyɛ̀n dɛ !

Ŋà, nìi wo e ba nà gbakɔɔn reè kɔ̀ gè rà, sirama sia nìi fau, maà à to ɲɔ̀nmà sia yè sɔn tɔ tɔ̀ ɲan waa. Tɔ̀ fa, sànko a re kwɛ̀ɛ yè bà mɛnɛn doùn kwɛ̀y. Tɔ̀ tsuru, wo Fà Ŋaablà riì goo mɛnɛunma rèè jàa, tɔ nà à tsìì sàrà wo re.

Yesù yè dzin kɔn ci: «Ye e yɛrɛ kaàwɔ, e re Ŋaabla shi jiɛ mà nà bà mòdzian jaara raa waa. Ye bà ni Ŋaabla shià jìì, ci mòdzian nì yè ye jà, bàràji pɛn na ni tɔ̀ ɲan ye Fà Ŋaablà re waa, tɔ̀ riì ni jìrànxɔ rɔ̀n.

Àwà, e ye sun wɔ, e maà e jaakɔrɔun kùùn, a ci mòdzin duungoofiitsi rèè y'à faa nìi tsuru waa. Twɛy yè e jaakɔrɔun ŋununbee, sànko, mòdzian y'à tɔ̀, ci ye sun wɔɔ. Sààben na, mun nì ci e ra, è raa bàràjia, è tɔ̀ tàrau nòn. Ŋà, nìi wo, a ye sun wɔ, a jaara foò, e ɲinin kinin dziù ka a kuùn tsùsa. Tɔ̀ fa, sànko mòdzian mà à tɔ̀ ci a sun wɔɔ waa, fɔ wo Fà Ŋaablà riì ni gàne mɛnɛunma nɔ̀n. Wo Fà Ŋaablà riì goo mɛnɛunma rèè jàa, tɔ nà à tsìì sàrà wo re.