Amavesi eBhayibheli adumile avela kokuthi Ekistos 12

Dlulisela

Pun lon ewe pwinin üpwe fetalfeil lon ewe fanü Isip o niela ekewe mwänichi meinisin lein aramas me ekewe mweinöün man. Iwe, üpwe awarato ai apwüng won ekewe koten Isip meinisin, pun ngang ewe Samol mi Lapalap. Ewe cha epwe eu asisilen imwemi, pun lupwen üpwe küna ewe cha, üpwe lus me womi. Esap wor feiengau epwe kükemi, lupwen üpwe afeiengaua ekewe chon Isip.

Ei rän epwe eu ränin chulap fän itemi. Lon ei rän oupwe chechemeni mine ngang ewe Samol mi Lapalap üa föri. Seni eu täppin aramas tori eu täppin oupwe föri pwüngün ei rän tori feilfeilachök.

Pun lupwen nöümi repwe aisinikemi, ‘Met wewen ei angang?’, oupwe üreniir, ‘Iei asorun än ewe Samol mi Lapalap Pasofer. Pun a lus me won imwen ekewe aramasen Israel lon Isip, lupwen a niela ekewe re Isip, nge esap niikich.’” Mürin, ekewe aramas ra chapetiu o fel ngeni Kot.