Amavesi eBhayibheli adumile avela kokuthi Pakaso 6

Dlulisela

Anịẹrẹchị ḍuko Izrẹlapụma pịrị na ị̀rị̀ nwọse ini ḅẹmẹ, ‘Ị̀rị̀ anị Nyanaḅọ Ḅe-ẹ; àrị ọ́ ḍụa se ọ́ sọ Ijipt apụma pịrịarị omoni-ḅara-mị-ḅie àrị ọ́ pakụmaḅoḅịa. Àrị ị̀ya opu kụrọḅara mị dekichịẹma se ḅalafama fomuḅara se inia ọgọnọ gbana, se ọ́ ḍụapakụmaḅoḅịa.

Àrị ó seni ị̀ya tomoni mịẹḅịa, à pịkị Tamụnọ sọ ọ́ pịrịḅịa. Ó nemiḅịa na Ị̀rị̀ anị ọ́ Nyana Tamụnọ Ḅe-ẹ, Ijipt mị ḅie àrị omoniapụ ḅaraḅụ ómine ọkị pakụmaḅoḅịa sịkị.

Àrị ómine ọkị pakaso, à kụrọma yeḅereni se Ebraham ḅe na, Aịzịk ḅe na, pịkị Jekọb ḅe na pịrị ama mị munḅịa se anị seni ọ́ pịrị se ómine anị nyanaḅịa. Ị̀rị̀ anị Nyanaḅọ Ḅe-ẹ.’” Moziz ḅe mịn mị ò ḍuko se Izrẹlapụma pịrịmẹ, ọkụma ini ò poki ḍụkụkẹ, anịatịḅị inia kuḅie kankọsịsam ini seni omoniapụ mịẹapụ ma se ini na anga si ḅara mị gose.

Anị Nyanaḅọ Ḅe nwọse Moziz ḅe ḅẹye-ẹ, “Mịọkụ, à seni amanyanaḅọ ḅe mịẹḅịaye ị́ tọrụmgbọlụ se nwọ ọrịḅịa. Àrị ọ̀ mịẹse ori ị̀ya tomonima wẹrịso se ini soḅịa kụrọḅara ḅụ. Ḍiki, à kụrọḅara se ọ̀ mịẹse ọ̀ ḅarana oria ama ḅie ini desinḅịa.”