Amavesi eBhayibheli adumile avela kokuthi Pakaso 7

Dlulisela

Nyanaḅọ Ḅe nwọ ḅẹmẹ, “Àrị ị́ se Tamụnọ mịẹ amanyanaḅọ ḅe pịrịḅịa, se ị́ mbire Erọn ḅe ị́ya ịkịankoroḅọ sọ ọkwẹịn ọ̀ pịrịḅịa.

Ọkụma à mịẹse amanyanaḅọ ḅe ori ininachịnḅịa, ọ̀ pịkị ó poki-ẹkẹ, Ijipt ḅie à mịẹḅịa ḅalafamaye la-ọkụ la-ọkụ sọnị ọ̀ ḅụ la-ẹkẹ. Anịsịkị àrị opu fomuḅara se ḅo Ijipt ama mị ọgọnọ gbana, se àrị ị̀ya tomonima inia sẹma ọkị pakasoḅịa ama mị ḅie.

Anịsịkị Ijipt apụma ini nemiḅịa na Ị̀rị̀ anị Nyanaḅọ Ḅe-ẹ, àrị ị̀ ḅara mị deki chịẹma ini dapaka se inia sẹ mị ḅie Izrẹlapụma ọkị pakasoḅịa sịkị.”

Anị amanyanaḅọ ḅe oria ḅịrịkọn apụma na ḍiri kọrị apụma na chịnḅoye-ẹ, se ini sọnị anị gbọrị ḅara mịẹmẹ ini kọrịa ḍirima ḅụ. Ini inia amgbara ma se gbinmẹ, se àrị ḍin oruwu sọmẹ. Ọkụma Erọn amgbara mị inia ayema chamamịnịmẹ.

Mịọkụ, Ị́ya Amada-opu-ḅụ, Nyanaḅọ Ḅe nwọ ḅẹmẹ na ọ̀ mịẹḅịaye ḅụ ị́ ḅọrọ ò sime ọkụ se ò nemiḅịa. Ḍiki, à mun mị amgbara mị seni tọrụ mị fomu-ẹmun-aḅẹ, se mengi mị anị ḍin tomoniḅọ pulo sọḅịa.

“Nemikase amanyanaḅọ ḅe ḅimẹ na ọ́ ḅụgbiripumaye mịẹ se ọ́ ḅụ ḍiepakụma ọ̀ pịrị nwọ ḅẹḅẹ, Erọn ḅe ḅẹ ori oria amgbara mị se amanyanaḅọ ḅe tọrọkọ gbin, anị ḍin oruwu sọḅịa.” Anị Moziz ḅe na Erọn ḅe na so amanyanaḅọ ḅe damamun se Nyanaḅọ Ḅe tọn ini pịrị ọkụ mị nwọ mịẹye-ẹ. Erọn ḅe ori oria amgbara mị se amanyanaḅọ ḅe na oria fịrịtịḅịdapụ ma na tọrọkọ gbinmẹ, se anị ḍin oruwu sọmẹ.