Amavesi eBhayibheli adumile avela kokuthi Pemungkal 27

Dlulisela

Awakka TUHAN meri nuan ambun ari langit, lalu ngasuh tanah nuan ami! Awakka TUHAN ngasuh nuan bulih gandum, enggau wain! Awakka orang bansa bukai bekereja ke nuan, lalu awakka orang meremi di mua nuan. Awakka nuan merintah semua kaban belayan nuan, lalu awakka peturun indai nuan meremi ngagai nuan. Awakka orang ke nyumpah nuan, tulah magang, lalu awakka orang ke merekatka nuan, diberekatka magang.”

Ku Esau bejaku, “Tu kedua kali iya udah ngakal aku. Indah nama iya deh Jakop. Iya ngenchuri waris aku ti nyadi anak tuai, lalu diatu iya udah ngenchuri berekat aku. Kati nuan nadai ngalau berekatka aku, apai?”

Udah nya Isak lalu bejaku enggau iya, “Nadai ambun ari langit deka ninggang nuan, Nuan nadai tanah ti ami. Nuan deka beridup ngena pedang nuan, Tang nuan deka nyadi ulun menyadi nuan. Tang taja pia, lebuh nuan angkat ngelaban iya, nuan deka ngelepaska diri ari kuasa iya.”

Esau majak minta berekat ari apai iya: “Kati nuan semina bisi siti aja berekat, apai? Berekatka aku mega, apai!” Iya lalu nyabak.