Amavesi eBhayibheli adumile avela kokuthi Pemungkal 26

Dlulisela

Diau ditu, lalu Aku deka begulai enggau nuan, lalu merekatka nuan. Aku deka meri semua menua tu ngagai nuan, enggau ngagai bala peturun nuan. Aku deka ngamatka semaya ti udah digaga Aku enggau apai nuan, Abraham.

Aku deka meri ngagai nuan mayuh peturun, ngemayuh bintang ti di langit, lalu Aku deka meri ngagai sida semua menua tu. Semua bansa deka minta Aku merekatka sida, baka Aku ti udah merekatka peturun nuan. Aku deka merekatka nuan, laban Abraham udah ngasika Aku, lalu udah nitihka semua pesan, atur enggau adat Aku.”

Iya mindah ari endur nya, lalu numbak siti agi telaga. Sida enda belayaka telaga nya, nya alai iya ngumbai telaga nya “Bisi Endur.” Ku Isak bejaku, “Diatu TUHAN udah meri kitai endur alai diau di menua tu, lalu kitai deka nyadi kaya-raja ditu.”

Nyadi TUHAN udah pegari di mua Isak, lalu udah bejaku munyi tu: “Anang bejalai ngagai menua Ejip. Diau di menua tu nitihka asuh Aku.

Isak ngaga siti alta dia lalu nyembah TUHAN. Udah nya iya lalu nirika kem iya dia, lalu bala ulun iya numbak siti agi telaga.