مِيخا 6
6
اللّه يجيب شعبه في المحْكمة
1أَسْمَعَوْا الْكَلَامْ الْيُقُولَهْ لَيِّ اللّٰهْ:
«قُمّ سَوِّي شَرِيعَةْ قِدَّامْ الْحُجَارْ
وَ خَلِّي الْجِبَالْ يَسْمَعَوْا حِسَّكْ.
2يَا الْجِبَالْ! أَسْمَعَوْا شَكْوَةْ اللّٰهْ!
إِنْتُو يَا أَسَاسْ الْأَرْض الْقَوِي،
خُطُّوا بَالْكُو!
اللّٰهْ يِجِيبْ شَعَبَهْ فِي الشَّرِيعَةْ
وَ يُلُومْ بَنِي إِسْرَائِيلْ.»
3وَ اللّٰهْ قَالْ:
«أَنَا سَوَّيْت لَيْكُو شُنُو، يَا شَعَبِي؟
وَ كِكَّيْف أَنَا عَيَّيْتكُو؟
رُدُّوا لَيِّ!
4وَ دَا أَشَانْ أَنَا مَرَقْتُكُو
مِنْ بَلَدْ مَصِرْ وَلَّا؟
أَشَانْ فَدَيْتكُو
مِنْ الْعُبُودِيَّةْ وَلَّا؟
أَشَانْ رَسَّلْت مُوسَى وَ هَارُونْ وَ مَرْيَمْ
لِيُقُودُوكُو وَلَّا؟
5يَا شَعَبِي! أَذَّكَّرَوْا مُؤآمَرَةْ بَلَاقْ مَلِكْ مُوَابْ ضِدُّكُو
وَ كِكَّيْف بَلْعَامْ وِلَيْد بَعُورْ#6:5 بَلْعَامْ رَدَّ لِبَلَاقْ: التاريخ دا تلقوه في عَدد 22–24. رَدَّ لَيَّهْ
وَ قَالْ نِسَوِّي لَيْكُو إِلَّا الْخَيْر.
أَذَّكَّرَوْا كِكَّيْف قَمَّيْتُوا
مِنْ شِطِّيمْ صَبَاحْ بَحَرْ الْأُرْدُنْ
وَ وَصَّلْتُوا فِي أَرْضُكُو فِي قِلْقَالْ.#6:5 شِطِّيمْ وَ قِلْقَالْ: التاريخ دا تلقوه في يَشُوع 3–4.
وَ بَيْدَا، تَعَرْفُوا عَدَالَةْ اللّٰهْ.»
الشيّء اليقرِّب للّه
6بِشُنُو نِقَرِّبْ لِلّٰهْ؟
بِشُنُو نِقَرِّبْ لِلْإِلٰـهْ الْعَالِي؟
هَلْ نِقَرِّبْ لَيَّهْ بِعَجَّالْ أَوْلَادْ سَنَةْ
النِّقَدِّمْهُمْ ضَحَايَا مُحَرَّقِينْ وَلَّا؟
7هَلْ اللّٰهْ يَقْبَلْ ضَحَايَا
هَنَا آلَافْ الْكُبْشَانْ؟
وَلَّا يَقْبَلْ هَدَايَا
هَنَا دِهِنْ كَتِيرْ مِثِلْ أَلْمِي الْوَادِي؟
هَلْ نِقَدِّمْ وِلَيْدِي الْبِكِرْ
فِي شَانْ عِصْيَانِي؟
وَلَّا نِقَدِّمْ وِلَيْد صُلْبِي
فِي شَانْ ذَنْبِي؟
8يَا بَنِي آدَم، اللّٰهْ خَبَّرَكْ
بِالشَّيّءْ الْعَدِيلْ
وَ بِالشَّيّءْ الْهُو يِدَوْرَهْ مِنَّكْ.
سَوِّي الْعَدَالَةْ وَ حِبّ الْخَيْر
وَ مَسْكِنْ نَفْسَكْ
وَ أَمْشِي عَدِيلْ قِدَّامْ إِلٰـهَكْ.
اللّه يعاقِب مدينة القدس
9دَاهُو اللّٰهْ قَاعِدْ يِنَادِي سُكَّانْ الْمَدِينَةْ
وَ يِنَجِّي الْيَخَافَوْا مِنَّهْ:
«أَسْمَعَوْا، يَا نَاسْ قَبِيلَةْ يَهُوذَا
اللَّمِّينْ فِي الْمَدِينَةْ.
10فِي مَالْ هَوَانْ قَاعِدْ فِي بَيْت الْعَاصِي.
نَاسْ يِسْتَعْمَلَوْا مِكْيَالْ مَغْشُوشْ الْيِغَضِّبْنِي.
هَلْ نِقَصِّدْ بِالْحَرَامْ دَا وَلَّا؟
11هَلْ نِبَرِّي سِيدْ الْمِيزَانْ الْمَا عَدِيلْ؟
وَلَّا نِبَرِّي النَّادُمْ الْيِكِيل
بِكَوْرَوْ هَنَا غَشّ؟
12فِي الْمَدِينَةْ، فِيَّهْ نَاسْ غَنِيِّينْ
مَلَانِينْ بِالْعُنُفْ.
وَ سُكَّانْهَا يِحَجُّوا بِالْكِدِبْ
وَ لِسَانْهُمْ يِكَلِّمْ بِالْغَشّ.
13وَ فِي شَانْ دَا، أَنَا ضَرَبْتُكُو بِمَرَضْ
وَ خَرَّبْتُكُو بِسَبَبْ ذُنُوبْكُو.
14إِنْتُو تَاكُلُوا وَ مَا تَشْبَعَوْا
وَ الْجُوعْ يَسْكُنْ فِي بُطُونْكُو.
إِنْتُو تَخْزُنُوا
وَ مَا تَقْدَرَوْا تَحْفَضَوْه عَدِيلْ.
وَ الْحَفَضْتُوهْ كُلَ،
أَنَا نِسَلِّمَهْ لِلْحَرِبْ.
15إِنْتُو تَزْرَعَوْا
وَ مَا تَقْطَعَوْا.
وَ تَرْحَكَوْا الزَّيْتُونْ
وَ مَا تِلْمَسَّحَوْا بِدِهْنَهْ.
وَ تَرْحَكَوْا الْعِنَبْ
وَ مَا تَشَرْبَوْا مِنْ خَمَرَهْ.
16وَ إِنْتُو تِتَابُعُوا الْعَادَةْ الْفَسْلَةْ هَنَا الْمَلِكْ عُمْرِي
وَ الْعَمَلْ الْهَوَانْ هَنَا عَايِلَةْ مَلِكْ أَخَابْ#6:16 عُمْرِي وَ أَخَابْ: التاريخ دا تلقوه في 1 مُلوك 16:23-33.
وَ تُرُوغُوا حَسَبْ خِطِّتْهُمْ.
وَ فِي شَانْ دَا، أَنَا نِسَلِّمْ مَدِينِتْكُو لِلْخَرَابْ
وَ سُكَّانْهَا يَبْقَوْا شِمَّيْتَةْ
وَ يِعَيُّبُوكُو مِثِلْ يِعَيُّبُوا كُلَّ شَعَبِي.»
La Bible en arabe tchadien © Alliance biblique du Tchad, 2019
مِيخا 6
6
اللّه يجيب شعبه في المحْكمة
1أَسْمَعَوْا الْكَلَامْ الْيُقُولَهْ لَيِّ اللّٰهْ:
«قُمّ سَوِّي شَرِيعَةْ قِدَّامْ الْحُجَارْ
وَ خَلِّي الْجِبَالْ يَسْمَعَوْا حِسَّكْ.
2يَا الْجِبَالْ! أَسْمَعَوْا شَكْوَةْ اللّٰهْ!
إِنْتُو يَا أَسَاسْ الْأَرْض الْقَوِي،
خُطُّوا بَالْكُو!
اللّٰهْ يِجِيبْ شَعَبَهْ فِي الشَّرِيعَةْ
وَ يُلُومْ بَنِي إِسْرَائِيلْ.»
3وَ اللّٰهْ قَالْ:
«أَنَا سَوَّيْت لَيْكُو شُنُو، يَا شَعَبِي؟
وَ كِكَّيْف أَنَا عَيَّيْتكُو؟
رُدُّوا لَيِّ!
4وَ دَا أَشَانْ أَنَا مَرَقْتُكُو
مِنْ بَلَدْ مَصِرْ وَلَّا؟
أَشَانْ فَدَيْتكُو
مِنْ الْعُبُودِيَّةْ وَلَّا؟
أَشَانْ رَسَّلْت مُوسَى وَ هَارُونْ وَ مَرْيَمْ
لِيُقُودُوكُو وَلَّا؟
5يَا شَعَبِي! أَذَّكَّرَوْا مُؤآمَرَةْ بَلَاقْ مَلِكْ مُوَابْ ضِدُّكُو
وَ كِكَّيْف بَلْعَامْ وِلَيْد بَعُورْ#6:5 بَلْعَامْ رَدَّ لِبَلَاقْ: التاريخ دا تلقوه في عَدد 22–24. رَدَّ لَيَّهْ
وَ قَالْ نِسَوِّي لَيْكُو إِلَّا الْخَيْر.
أَذَّكَّرَوْا كِكَّيْف قَمَّيْتُوا
مِنْ شِطِّيمْ صَبَاحْ بَحَرْ الْأُرْدُنْ
وَ وَصَّلْتُوا فِي أَرْضُكُو فِي قِلْقَالْ.#6:5 شِطِّيمْ وَ قِلْقَالْ: التاريخ دا تلقوه في يَشُوع 3–4.
وَ بَيْدَا، تَعَرْفُوا عَدَالَةْ اللّٰهْ.»
الشيّء اليقرِّب للّه
6بِشُنُو نِقَرِّبْ لِلّٰهْ؟
بِشُنُو نِقَرِّبْ لِلْإِلٰـهْ الْعَالِي؟
هَلْ نِقَرِّبْ لَيَّهْ بِعَجَّالْ أَوْلَادْ سَنَةْ
النِّقَدِّمْهُمْ ضَحَايَا مُحَرَّقِينْ وَلَّا؟
7هَلْ اللّٰهْ يَقْبَلْ ضَحَايَا
هَنَا آلَافْ الْكُبْشَانْ؟
وَلَّا يَقْبَلْ هَدَايَا
هَنَا دِهِنْ كَتِيرْ مِثِلْ أَلْمِي الْوَادِي؟
هَلْ نِقَدِّمْ وِلَيْدِي الْبِكِرْ
فِي شَانْ عِصْيَانِي؟
وَلَّا نِقَدِّمْ وِلَيْد صُلْبِي
فِي شَانْ ذَنْبِي؟
8يَا بَنِي آدَم، اللّٰهْ خَبَّرَكْ
بِالشَّيّءْ الْعَدِيلْ
وَ بِالشَّيّءْ الْهُو يِدَوْرَهْ مِنَّكْ.
سَوِّي الْعَدَالَةْ وَ حِبّ الْخَيْر
وَ مَسْكِنْ نَفْسَكْ
وَ أَمْشِي عَدِيلْ قِدَّامْ إِلٰـهَكْ.
اللّه يعاقِب مدينة القدس
9دَاهُو اللّٰهْ قَاعِدْ يِنَادِي سُكَّانْ الْمَدِينَةْ
وَ يِنَجِّي الْيَخَافَوْا مِنَّهْ:
«أَسْمَعَوْا، يَا نَاسْ قَبِيلَةْ يَهُوذَا
اللَّمِّينْ فِي الْمَدِينَةْ.
10فِي مَالْ هَوَانْ قَاعِدْ فِي بَيْت الْعَاصِي.
نَاسْ يِسْتَعْمَلَوْا مِكْيَالْ مَغْشُوشْ الْيِغَضِّبْنِي.
هَلْ نِقَصِّدْ بِالْحَرَامْ دَا وَلَّا؟
11هَلْ نِبَرِّي سِيدْ الْمِيزَانْ الْمَا عَدِيلْ؟
وَلَّا نِبَرِّي النَّادُمْ الْيِكِيل
بِكَوْرَوْ هَنَا غَشّ؟
12فِي الْمَدِينَةْ، فِيَّهْ نَاسْ غَنِيِّينْ
مَلَانِينْ بِالْعُنُفْ.
وَ سُكَّانْهَا يِحَجُّوا بِالْكِدِبْ
وَ لِسَانْهُمْ يِكَلِّمْ بِالْغَشّ.
13وَ فِي شَانْ دَا، أَنَا ضَرَبْتُكُو بِمَرَضْ
وَ خَرَّبْتُكُو بِسَبَبْ ذُنُوبْكُو.
14إِنْتُو تَاكُلُوا وَ مَا تَشْبَعَوْا
وَ الْجُوعْ يَسْكُنْ فِي بُطُونْكُو.
إِنْتُو تَخْزُنُوا
وَ مَا تَقْدَرَوْا تَحْفَضَوْه عَدِيلْ.
وَ الْحَفَضْتُوهْ كُلَ،
أَنَا نِسَلِّمَهْ لِلْحَرِبْ.
15إِنْتُو تَزْرَعَوْا
وَ مَا تَقْطَعَوْا.
وَ تَرْحَكَوْا الزَّيْتُونْ
وَ مَا تِلْمَسَّحَوْا بِدِهْنَهْ.
وَ تَرْحَكَوْا الْعِنَبْ
وَ مَا تَشَرْبَوْا مِنْ خَمَرَهْ.
16وَ إِنْتُو تِتَابُعُوا الْعَادَةْ الْفَسْلَةْ هَنَا الْمَلِكْ عُمْرِي
وَ الْعَمَلْ الْهَوَانْ هَنَا عَايِلَةْ مَلِكْ أَخَابْ#6:16 عُمْرِي وَ أَخَابْ: التاريخ دا تلقوه في 1 مُلوك 16:23-33.
وَ تُرُوغُوا حَسَبْ خِطِّتْهُمْ.
وَ فِي شَانْ دَا، أَنَا نِسَلِّمْ مَدِينِتْكُو لِلْخَرَابْ
وَ سُكَّانْهَا يَبْقَوْا شِمَّيْتَةْ
وَ يِعَيُّبُوكُو مِثِلْ يِعَيُّبُوا كُلَّ شَعَبِي.»
La Bible en arabe tchadien © Alliance biblique du Tchad, 2019