लूका 10
10
यीसु सीतर चेलौ नै भेज्या
1अर इण बातां रै पछै परभु यीसु नै सीतर वळै मिनख चुणया अर जिण जिण नगर अर जगा वो आप जावण वाळौ हो, उठै उणै दो दो करनै खुद रै आगै भेज्या। 2#मत 9:37,38अर उणै उणौनै कयौ, “पाका खेत घणा है, पण मजूर थोड़ा है। इण वास्तै खेत रै मालिक ऊं विणती करौ, की वो आपरै खेत काटणे रै वास्तै मजूर भेज दे। 3#मत 10:16जाओ अर याद राखजौ, म्हैं थांनै लरड़ियां रै ज्यूं भेड़ियो रै बीच मे भेजूं हूं। 4इण वास्तै खुद रै साथै नीं बटवो लो, नीं थैलो अर नीं अलग ऊं दूजी जोड़ी जूता लो। अर नीं मारग मे किणी ऊं नमस्कार करौ।
5“जिण किणी घर मे जाओ, सबां ऊं पैला कैवौ, ‘इण घर नै सानति मिळै।’ 6जे उठै कोई सानति लायक मिनख होवैला तो थौरी सानति उणनै हासल होवैला। पण वो मिनख सानति लायक नीं होवैला तो थौरी सानति थौरे खनै पाछी आ जावैला। 7#1 कुरि 9:14; 1 तीमु 5:18जिकौ कीं वे लोग थांनै दे, उणै खाता पीता उणीज घर मे रैवौ। क्यूंकै मजूरी माथै मजूर रौ हक है। घर घर मती फिरता रैवौ।
8“अर जद कदैई थै किणी नगर मे जाओ अर उण नगर रा लोग थौरो आदर भाव करै तो जिकौ कीं वे थौरे सांमै परोसे बस वोहीज खाओ। 9उण नगर रै बिमारों नै सावळ करौ अर उणौ ऊं कैवौ, ‘परमेसर रौ राज थौरे नजीक आ पूगौ है।’ 10#प्रेरि 13:51अर जद कदैई थै किणी ऐड़ै नगर मे जाओ जठै रा लोग थौरो आदर नीं करै, तो उठै री गळियो मे जायनै कैवौ, 11#मत 10:7–14; मरकु 6:8–11; लूक 9:3–5‘थौरे नगर री धूड़ भी, जिकौ म्हौरै पगां मे लागी है, म्हौ थौरे सांमै झाड़ देवो हो, तौभी ओ जांण लो, की परमेसर रौ राज थौरे नजीक आ पूगौ है।’ 12#मत 11:24; मत 10:15म्हैं थौरे ऊं कहूं की उण दिन उण नगर रै लोगां ऊं सदोम रै लोगां री दसा घणी भली होवैला।
(मती 11:20–24)
13“हाय खुराजीन, हाय बैतसैदा, जिकौ सामरथ रा कांम थौरे मे किया, जे वे सूर अर सैदा मे किया होता, तो बोरी ओढ़नै अर राख मे बैठनै वे कदैई मन फिरा लेता। 14पण न्याव रै दिन सूर अर सैदा री हालत थौरे ऊं घणी भली होवैला। 15अर हे कफरनहूंम, कांई थूं सरग तांई ऊंचौ कियो जावैला? थूं तो नीचे पाताळ मे पड़ैला।”
16 #
मत 10:40; मरकु 9:37; लूक 9:48; यूह 13:20 यीसु आपरै चेलौ नै कयौ, “जिकौ थौरी सुणै है, वो म्हारी सुणै है, अर जिकौ थांनै कीं नीं जांणै है, वो म्हनै कीं नीं जांणै है, अर जिकौ म्हनै स्वीकार नीं करै है, वो परमेसर नै स्वीकार नीं करै है जिणै म्हनै भेज्यौ है।”
17पछै वे सीतर आंणंद रै साथै पाछा आया अर बोल्या, “हे परभु, दुस्ट आतमाओ तांई थारै नाम ऊं म्हौरी आग्या मांनै है।”
18इण खातर यीसु उणौनै कयौ, “म्हैं सैतान नै आभै ऊं बिजळी रै ज्यूं पड़ते देख्यौ है। 19सुणौ, म्हैं थांनै सापों अर बिच्छूओ नै पगां ऊं कुचलनै रौ, अर दुसमन री सगळी ताकत ऊपर अधिकार दियौ है। अर किणी चीज ऊं थांनै कीं नुकसाण नीं होवैला। 20तौभी इण ऊं खुस मत होवो, की आतमाओ थौरे बस मे है, पण इण ऊं खुस होवो की थौरा नाम सरग मे लिख्या है।”
यीसु री परम पिता ऊं पराथना
(मती 11:25–27; 13:16,17)
21उण घड़ी वो पवितर आतमा मे होयनै आंणंद ऊं भरग्या, अर कयौ, “हे पिता, सरग अर धरती रा परभु, म्हैं थारौ धन्यवाद करूं हूं, की थै इण बातां नै ग्यांनियों अर समझदारो ऊं लूकायनै राखी, अर टाबरां माथै परगट किनी। हे परम पिता, पको ही थूं ऐड़ौ इज करणौ चावतौ हो।
22 #
यूह 3:35;
यूह 10:15
“म्हारै पिता म्हनै सगळौ कीं सौंप दियौ है अर पिता रै सिवाय कोई कोनीं जांणै की बेटौ कुण है अर बेटे रै सिवाय कोई नीं जांणै की पिता कुण है, या उणरै सिवाय जिणनै बेटौ इणनै परगट करणौ चावै है।”
23अर चेलौ री तरफ मुड़नै उणै छांनै ऊं कयौ, “धन्य है वे आंख्यां जिकौ थै देख रिया हो, उणनै देखे है। 24क्यूंकै म्हैं थौरे ऊं कहूं, की उण बातां नै घणा भविसयदाता अर राजा देखणा चावता हा, जिणै थै देख रिया हो, पण वे देख नीं सकया। जिण बातां नै थै सुण रिया हो, वे उण बातां नै सुणणा चावता हा, पण वे सुण नीं सकया।”
दयाळु सामरी रौ दिस्टांत
25 #
मत 22:35–40; मरकु 12:28–34 तद एक न्याव करणैवाळौ सास्तरी ऊभौ होयौ अर यीसु री परीकसा लेणे रै वास्तै उण ऊं पूछयौ, “हे गुरु, अनत जीवन पावण वास्तै म्हैं कांई करूं?”
26यीसु उणनै कयौ, “कायदे मे कांई लिख्योड़ौ है, उठै थूं कांई पढ़े है?”
27उणै जबाब दियौ, “थूं परभु अपणै परमेसर ऊं अपणै सगळै मन अर अपणै सगळै प्रांण अर अपणी सगळी बुद्धि रै साथै परैम राख। अर अपणै पड़ोसी ऊं खुद रै ज्यूं परैम कर।”
28तद यीसु उण ऊं कयौ, “थैं ठीक जबाब दियौ है। तो थूं ऐड़ौ इज कर इण ऊं थूं जीवतौ रैवैला।”
29पण उणै खुद नै धरमी ठैराणै री इछा ऊं यीसु ऊं पूछयौ, “तो म्हारौ पड़ोसी कुण है?”
30यीसु जबाब मे कयौ, “सुणौ, एक मिनख यरुसलेम ऊं यरीहो जा रियौ हो, की डाकूओ नै घेरनै सगळौ कीं खो लियौ अर गाभा ले लिया अर उणनै ठोक ठोक अधमरो करनै छोड़ नै जाता रिया। 31अर ऐड़ौ होयौ की उण मारग ऊं एक याजक जा रियौ हो। जद उणै इणनै देख्यौ तो मूंडौ फेर नै जातौ रियौ। 32उणीज मारग ऊं यरुसलेम मिंदर मे सेवा करणैवाळौ एक लेवी भी उठीज आयौ। उणै उणनै देख्यौ तो वो भी मूंडौ फेर नै जातौ रियौ। 33पण एक सामरी मिनख भी जावतौ होयौ उठै आयौ जठै वो पड़ियौ हो। जद उणै उण मिनख नै देख्यौ तो उणरै मन मे दया आई। 34अर उणरै खनै आयनै उणरै घावो माथै तेल अर अंगूररस लगायनै पटी बांधी। अर अपणी सवारी माथै चढ़ायनै सराह मे ले गियो, अर उणरी देखभाळ करनै लागौ। 35अगले दिन उणै दो चांदी रा सिक्का उण सराह वाळै नै देते होयौ कयौ, ‘इणरौ ध्यांन राखजै अर इण ऊं घणा जिकौ कीं थारौ खरचो होवैला, जद म्हैं पाछौ आऊंला, थनै दे दूंला।’ ”
36यीसु उण ऊं कयौ, “बता थारै विचार ऊं डाकूओ रै बीच मे घेरयोड़े मिनख रौ पड़ोसी इण तीनो मे ऊं कुण होयौ?”
37न्याव करनैवाळै सास्तरी कयौ, “वोहीज जिणै उण माथै दया किनी।”
इण वास्तै यीसु उणनै कयौ, “जा अर वैड़ौ ही कर जैड़ौ उणै करयौ।”
मारथा अर मरियम रै घर यीसु
38 #
यूह 11:1
जद यीसु अर उणरा चेला मारग ऊं जा रिया हा, तो यीसु एक गांव मे पूगा। एक लुगाई जिणरौ नाम मारथा हो, वां उणौरौ आपरै घर मे आदर सत्कार कियो। 39उणरी मरियम नाम री एक बेन ही जिकौ परभु रै चरणौ मे बैठी, जिकौ कीं वो कैह रियौ हो, उणनै सुण री ही। 40पण तरैह तरैह री तैयारियो मे लागोड़ी मारथा उदास होयनै यीसु रै खनै आयनै कयौ, “हे परभु, कांई थांनै कीं भी सोच कोनीं की म्हारी बेन म्हनै सेवा करणै रै वास्तै ऐकली ही छोड़ दी है? इण वास्तै उण ऊं कैह, की म्हारी मदद करै।”
41परभु उणनै जबाब दियौ, “मारथा, हे मारथा, थूं घणी सी बातां रै वास्तै चिंता करै अर उदास रैवै है। 42पण एक बात खास है, अर उण उतम भाग नै मरियम चुण लियौ है, जिकौ उण ऊं खोयो नीं जावैला।”
© NLCI CC BY-NC-ND 4.0
लूका 10
10
यीसु सीतर चेलौ नै भेज्या
1अर इण बातां रै पछै परभु यीसु नै सीतर वळै मिनख चुणया अर जिण जिण नगर अर जगा वो आप जावण वाळौ हो, उठै उणै दो दो करनै खुद रै आगै भेज्या। 2#मत 9:37,38अर उणै उणौनै कयौ, “पाका खेत घणा है, पण मजूर थोड़ा है। इण वास्तै खेत रै मालिक ऊं विणती करौ, की वो आपरै खेत काटणे रै वास्तै मजूर भेज दे। 3#मत 10:16जाओ अर याद राखजौ, म्हैं थांनै लरड़ियां रै ज्यूं भेड़ियो रै बीच मे भेजूं हूं। 4इण वास्तै खुद रै साथै नीं बटवो लो, नीं थैलो अर नीं अलग ऊं दूजी जोड़ी जूता लो। अर नीं मारग मे किणी ऊं नमस्कार करौ।
5“जिण किणी घर मे जाओ, सबां ऊं पैला कैवौ, ‘इण घर नै सानति मिळै।’ 6जे उठै कोई सानति लायक मिनख होवैला तो थौरी सानति उणनै हासल होवैला। पण वो मिनख सानति लायक नीं होवैला तो थौरी सानति थौरे खनै पाछी आ जावैला। 7#1 कुरि 9:14; 1 तीमु 5:18जिकौ कीं वे लोग थांनै दे, उणै खाता पीता उणीज घर मे रैवौ। क्यूंकै मजूरी माथै मजूर रौ हक है। घर घर मती फिरता रैवौ।
8“अर जद कदैई थै किणी नगर मे जाओ अर उण नगर रा लोग थौरो आदर भाव करै तो जिकौ कीं वे थौरे सांमै परोसे बस वोहीज खाओ। 9उण नगर रै बिमारों नै सावळ करौ अर उणौ ऊं कैवौ, ‘परमेसर रौ राज थौरे नजीक आ पूगौ है।’ 10#प्रेरि 13:51अर जद कदैई थै किणी ऐड़ै नगर मे जाओ जठै रा लोग थौरो आदर नीं करै, तो उठै री गळियो मे जायनै कैवौ, 11#मत 10:7–14; मरकु 6:8–11; लूक 9:3–5‘थौरे नगर री धूड़ भी, जिकौ म्हौरै पगां मे लागी है, म्हौ थौरे सांमै झाड़ देवो हो, तौभी ओ जांण लो, की परमेसर रौ राज थौरे नजीक आ पूगौ है।’ 12#मत 11:24; मत 10:15म्हैं थौरे ऊं कहूं की उण दिन उण नगर रै लोगां ऊं सदोम रै लोगां री दसा घणी भली होवैला।
(मती 11:20–24)
13“हाय खुराजीन, हाय बैतसैदा, जिकौ सामरथ रा कांम थौरे मे किया, जे वे सूर अर सैदा मे किया होता, तो बोरी ओढ़नै अर राख मे बैठनै वे कदैई मन फिरा लेता। 14पण न्याव रै दिन सूर अर सैदा री हालत थौरे ऊं घणी भली होवैला। 15अर हे कफरनहूंम, कांई थूं सरग तांई ऊंचौ कियो जावैला? थूं तो नीचे पाताळ मे पड़ैला।”
16 #
मत 10:40; मरकु 9:37; लूक 9:48; यूह 13:20 यीसु आपरै चेलौ नै कयौ, “जिकौ थौरी सुणै है, वो म्हारी सुणै है, अर जिकौ थांनै कीं नीं जांणै है, वो म्हनै कीं नीं जांणै है, अर जिकौ म्हनै स्वीकार नीं करै है, वो परमेसर नै स्वीकार नीं करै है जिणै म्हनै भेज्यौ है।”
17पछै वे सीतर आंणंद रै साथै पाछा आया अर बोल्या, “हे परभु, दुस्ट आतमाओ तांई थारै नाम ऊं म्हौरी आग्या मांनै है।”
18इण खातर यीसु उणौनै कयौ, “म्हैं सैतान नै आभै ऊं बिजळी रै ज्यूं पड़ते देख्यौ है। 19सुणौ, म्हैं थांनै सापों अर बिच्छूओ नै पगां ऊं कुचलनै रौ, अर दुसमन री सगळी ताकत ऊपर अधिकार दियौ है। अर किणी चीज ऊं थांनै कीं नुकसाण नीं होवैला। 20तौभी इण ऊं खुस मत होवो, की आतमाओ थौरे बस मे है, पण इण ऊं खुस होवो की थौरा नाम सरग मे लिख्या है।”
यीसु री परम पिता ऊं पराथना
(मती 11:25–27; 13:16,17)
21उण घड़ी वो पवितर आतमा मे होयनै आंणंद ऊं भरग्या, अर कयौ, “हे पिता, सरग अर धरती रा परभु, म्हैं थारौ धन्यवाद करूं हूं, की थै इण बातां नै ग्यांनियों अर समझदारो ऊं लूकायनै राखी, अर टाबरां माथै परगट किनी। हे परम पिता, पको ही थूं ऐड़ौ इज करणौ चावतौ हो।
22 #
यूह 3:35;
यूह 10:15
“म्हारै पिता म्हनै सगळौ कीं सौंप दियौ है अर पिता रै सिवाय कोई कोनीं जांणै की बेटौ कुण है अर बेटे रै सिवाय कोई नीं जांणै की पिता कुण है, या उणरै सिवाय जिणनै बेटौ इणनै परगट करणौ चावै है।”
23अर चेलौ री तरफ मुड़नै उणै छांनै ऊं कयौ, “धन्य है वे आंख्यां जिकौ थै देख रिया हो, उणनै देखे है। 24क्यूंकै म्हैं थौरे ऊं कहूं, की उण बातां नै घणा भविसयदाता अर राजा देखणा चावता हा, जिणै थै देख रिया हो, पण वे देख नीं सकया। जिण बातां नै थै सुण रिया हो, वे उण बातां नै सुणणा चावता हा, पण वे सुण नीं सकया।”
दयाळु सामरी रौ दिस्टांत
25 #
मत 22:35–40; मरकु 12:28–34 तद एक न्याव करणैवाळौ सास्तरी ऊभौ होयौ अर यीसु री परीकसा लेणे रै वास्तै उण ऊं पूछयौ, “हे गुरु, अनत जीवन पावण वास्तै म्हैं कांई करूं?”
26यीसु उणनै कयौ, “कायदे मे कांई लिख्योड़ौ है, उठै थूं कांई पढ़े है?”
27उणै जबाब दियौ, “थूं परभु अपणै परमेसर ऊं अपणै सगळै मन अर अपणै सगळै प्रांण अर अपणी सगळी बुद्धि रै साथै परैम राख। अर अपणै पड़ोसी ऊं खुद रै ज्यूं परैम कर।”
28तद यीसु उण ऊं कयौ, “थैं ठीक जबाब दियौ है। तो थूं ऐड़ौ इज कर इण ऊं थूं जीवतौ रैवैला।”
29पण उणै खुद नै धरमी ठैराणै री इछा ऊं यीसु ऊं पूछयौ, “तो म्हारौ पड़ोसी कुण है?”
30यीसु जबाब मे कयौ, “सुणौ, एक मिनख यरुसलेम ऊं यरीहो जा रियौ हो, की डाकूओ नै घेरनै सगळौ कीं खो लियौ अर गाभा ले लिया अर उणनै ठोक ठोक अधमरो करनै छोड़ नै जाता रिया। 31अर ऐड़ौ होयौ की उण मारग ऊं एक याजक जा रियौ हो। जद उणै इणनै देख्यौ तो मूंडौ फेर नै जातौ रियौ। 32उणीज मारग ऊं यरुसलेम मिंदर मे सेवा करणैवाळौ एक लेवी भी उठीज आयौ। उणै उणनै देख्यौ तो वो भी मूंडौ फेर नै जातौ रियौ। 33पण एक सामरी मिनख भी जावतौ होयौ उठै आयौ जठै वो पड़ियौ हो। जद उणै उण मिनख नै देख्यौ तो उणरै मन मे दया आई। 34अर उणरै खनै आयनै उणरै घावो माथै तेल अर अंगूररस लगायनै पटी बांधी। अर अपणी सवारी माथै चढ़ायनै सराह मे ले गियो, अर उणरी देखभाळ करनै लागौ। 35अगले दिन उणै दो चांदी रा सिक्का उण सराह वाळै नै देते होयौ कयौ, ‘इणरौ ध्यांन राखजै अर इण ऊं घणा जिकौ कीं थारौ खरचो होवैला, जद म्हैं पाछौ आऊंला, थनै दे दूंला।’ ”
36यीसु उण ऊं कयौ, “बता थारै विचार ऊं डाकूओ रै बीच मे घेरयोड़े मिनख रौ पड़ोसी इण तीनो मे ऊं कुण होयौ?”
37न्याव करनैवाळै सास्तरी कयौ, “वोहीज जिणै उण माथै दया किनी।”
इण वास्तै यीसु उणनै कयौ, “जा अर वैड़ौ ही कर जैड़ौ उणै करयौ।”
मारथा अर मरियम रै घर यीसु
38 #
यूह 11:1
जद यीसु अर उणरा चेला मारग ऊं जा रिया हा, तो यीसु एक गांव मे पूगा। एक लुगाई जिणरौ नाम मारथा हो, वां उणौरौ आपरै घर मे आदर सत्कार कियो। 39उणरी मरियम नाम री एक बेन ही जिकौ परभु रै चरणौ मे बैठी, जिकौ कीं वो कैह रियौ हो, उणनै सुण री ही। 40पण तरैह तरैह री तैयारियो मे लागोड़ी मारथा उदास होयनै यीसु रै खनै आयनै कयौ, “हे परभु, कांई थांनै कीं भी सोच कोनीं की म्हारी बेन म्हनै सेवा करणै रै वास्तै ऐकली ही छोड़ दी है? इण वास्तै उण ऊं कैह, की म्हारी मदद करै।”
41परभु उणनै जबाब दियौ, “मारथा, हे मारथा, थूं घणी सी बातां रै वास्तै चिंता करै अर उदास रैवै है। 42पण एक बात खास है, अर उण उतम भाग नै मरियम चुण लियौ है, जिकौ उण ऊं खोयो नीं जावैला।”
© NLCI CC BY-NC-ND 4.0