Mag 6
6
Pô Yê-su gok mưlah klak tak Na-xa-ret
(Ma-thi-ơ 13:53-58; Lu-ka 4:16-30)
1Pô Yê-su niga libik nan, gilaic mai bhum mi drei; dôm anưk xêh mưthong tui nao. 2Tal harei Sa-ƀat, Bhô raup pato pakai dalam thang nhom. Ralô urang pang Bhô lang yah yơ plơng kadơng thong đôm: “Mưng pak halei ong ni tôk bihu đôm kabha nan? Gruk jag karag bloh ong nan bihu ƀai brei nạn haget? Ngak habar tangin ong nan hu mưda ngak bihu ralô bruk gon xagta yau nan? 3Ôh njaup ong ni nạn urang ragei kayau, anưk likei Ma-ri, xaai Ya-kơ, Yô-sê, Yu-đe thong Si-môn nan ô? Dôm adei kamei ong ôh njaup krưh mưdok tak ni thong khol drei ô?” Thong khol nhu ôh dial Bhô. 4#Yâ 4:44.Min Pô Yê-su bican: “Pakat hôr ôh gok paong, klāk tabiak di krưh bhum mi, gaup gan thong mưnga vôm drei.” 5Dok tak nan Bhô ôh mưda ngak tha bruk gon xagta halei lingiu bruk cek tangin ngok tha dwa urang rwak hakik thong pajru dhit ka khol nhu. 6Bhô plơng kadơng kaywa tian khol nhu ôh dial.
Bloh Bhô nao lang pato graup palei jek nan.
Tha Pluh Dwa Xêh Pachai bihu pachai
(Ma-thi-ơ 10:5-15; Lu-ka 9:1-6)
7Bhô iêu tha pluh dwa Xêh Pachai, raup pachai nao yāup yau, thong ƀai brei ka khol nhu aco gon ngok tan ok yang. 8Bhô tathit ka khol nhu tuk nao di jalan, ciêt ba gai drưg, jôi ba tui haget vơk, ôh tapei, ôh tabik, ôh kadung jiên, 9Ciêt jwak kalik jwak, ôh cuk ao dwa blah.#6:9 blah: Tha paka ao lingiu hu ikak gan kaing. 10Bhô kakei khol nhu: “Tuk khol hư tamư tha thang halei, xang dok tak nan ka tal tuk tabiak nao. 11#Bruk 13:51.#Lu 10:4-11.Mưyah libik halei mưnuix urang ôh rok daa thong lijang ôh pang khol hư xang tabiak truh di nan, tapơh dhul di takai drei yau tha kaxan pagan gađi khol nhu.” 12Yau nan dôm Xêh Pachai tabiak nao, rao lang laic abih drei xang tumal. 13#Yak 5:14.Khol nhu krung hu tiaup ralô ajin, luk mưnhưk thong pajru dhit ralô urang rwak.
Hê-rôt binax Yâng Bap-tit
(Ma-thi-ơ 14:1-12; Lu-ka 9:7-9)
14 #
Mat 16:14; Mag 8:28; Lu 9:19. Patao Hê-rôt#6:14 Patao Hê-rôt: Sani nạn patao Hê-rôt An-ti-pa pakrang nưgar Ga-li-lê, anưk likei Hê-rôt Patao prong (iơk Ma-thi-ơ 2:1). hamit đôm ka Pô Yê-su, kaywa nưm angan Bhô krung bihu ralô urang thau tal. Tha thanôn urang đôm:#6:14 Tha thanôn urang đôm: Dalam tha thanôn blah vak tangin nạn Ong đôm: “Yâng Bap-tit krung hu mưng lôg mưtai diup vơk yau nan mưng ngak bihu dôm thunau crih ni.” 15Tha thanôn pakan đôm laic: “Nan nạn Ê-li.” Tha thanôn pakan vơk yơ đôm: “Nan nạn pakat hôr, yau tha dalam dôm pakat hôr rai yao.” 16Min tuk hamit yau nan, Hê-rôt đôm: “Sani nạn Yâng, êng nạn mưnuix bloh kami krung hu tacoh akok, urak ni diup vơk.”
17 #
Lu 3:19,20. Kaywa Hê-rôt krung hu pađar mưnuix mưk Yâng, girak vơk thong jam dalam thang danuh, kaywa bruk patao krung hu khing Hê-rô-đia, hadiup Phi-lip adei patao ngak hadiup. 18Kaywa Yâng krung hu ghak Hê-rôt laic: “Nôrapat khing hadiup adei drei nạn kabha ôh tui hakum jakar” 19nan yơ Hê-rô-đia mưbai limuk di Yâng thong ưng binax Yâng. Min muk ôh mưda binax bihu, 20kaywa Hê-rôt hôic di Yâng thau ka ong nạn tha mưnuix kahanôt thong amar, nan yơ jang pajang ong. Dôm ƀang pang bloh tian patao bhian mưbuk mưbar, min patao takrư pang Yâng đôm. 21Tuk gôn harei pajiơng, Hê-rôt pơh đam thêt payak dôm kadi kadai, dôm halau bilang, thong dôm mưnuix samkhan dalam nưgar Ga-li-lê. 22Anưk kamei Hê-rô-đia tamư tamia plong, ngak ka bui tian Hê-rôt thong tôi tamưbha đam payak, nan yơ patao đôm thong nai kamei: “Xang likau pathar pathar kabha haget anưk ưng, mưca kami brei.” 23Patao gilaic hapah: “Ô hakê kabha haget anưk likau, mưca kami lijang brei, kanê tha mưtưh dit biya anưd kami.” 24Nai kamei tabiak nao tanhi amek: “Anưk hajiơng likau kabha haget?” Amek kanai đôm: “Mưk akok Yâng Bap-tit.” 25Binhêt, kanai bhưng bhưng gilaic tamư bloh pathau thong patao: “Anưk ưng nôrapat brei ka anưk akok Yâng Bap-tit cek ngok xalao binhêt urak ni.” 26Patao drôi di tian lô; min kaywa di panôic hapah thong ywa tôi tamưbha đam payak, patao ôh khin kamlah panôic. 27Patao pađar vêt tha raxamleh nao thong thurah ba akok Yâng mai. 28Urang nan tamư thang danuh koh akok Yâng, bloh cêh akok ngok xalao brei ka nai. Nai ba jao ka amek drei. 29Dôm anưk xêh Yâng hamit khao, mai mưk atau Yâng bloh dar dalam tanum.
Pô Yê-su thrơh tapei ka limư ribau urang ƀang
(Ma-thi-ơ 14:13-21; Lu-ka 9:10-17; Yâng 6:1-14)
30Dôm Xêh Pachai patom nhom vil tom dar Pô Yê-su, pathau vơk thong Bhô abih bruk khol nhu krung hu ngak thong pato pakai. 31Bhô pađar dôm Xêh Pachai: “Khol hư xang nao veh tamư pak libik jwa, padei gleh tha kal.” Kaywa hu biak ralô urang nao mai, ngak ka Bhô thong Xêh Pachai ôh hu tuk vag piêh ƀang. 32Yau nan, Gru xêh trun gilai nao veh tamư libik jwa. 33Ralô urang ƀôh yơ krưn hu Pô Yê-su thong dôm anưk xêh hajiơng mưng graup dhan, đôic takai tui thong krung hu tal nan dahlau. 34#Mat 9:36.Birau tabiak truh di gilai, Pô Yê-su ƀôh tapôr bôl yơ ganơh anit khol nhu, kaywa khol nhu yau pabo ôh hu mưnuix glang. Bhô raup pato pakai khol nhu ralô kabha. 35Tuk ia harei glơh, dôm anưk xêh mưrai pathau thong Bhô: “Libik ni lingui jwa bloh lingik krung hu xup pajơ; 36likau Gru brei ka bôl bhap nao, piêh khol nhu tamư dôm bhum palei, palei pala jek taphia blei kaya ƀang.” 37Min Bhô pađar: “Êng khol hư xang brei ka khol nhu ƀang.” Anưk xêh pathau laic: “Khol dahlak xang brei tal dwa rituh đơ-ni-ê tapei brei ka khol nhu ƀang habar?” 38Bhô pađar: “Khol hư xang nao iơk hu hadôm tapei?” Hadei di tuk pachang iơk, dôm anưk xêh pathau: “Hu limư kleh tapei thong dwa ikan.” 39Bhô pađar dôm anưk xêh rabha bôl bhap tabiak dok yāup nhom ngok harơk jao. 40Khol nhu dok dala jiơng tui nhom, nhom tha rituh, nhom limư pluh. 41Pô Yê-su mưk limư kleh tapei thong dwa ikan, talāk mưta tagôk lingik, đwa karun bloh pek tapei thong yêr ka dôm anưk xêh piêh rabha takhat ka bôl bhap. Bhô lijang rabha dwa ikan ka abih drei. 42Abih drei jang ƀang trei laơh. 43Khol nhu dôn patom vơk bihu tha pluh dwa habai bak tapei thong ikan libeh. 44Thanôn mưnuix ƀang tapei nạn limư ribau urang.
Pô Yê-su yam nao di ngok ia tathik
(Ma-thi-ơ 14:22-23; Yâng 6:15-21)
45Hadei di nan, Pô Yê-su pajiak dôm anưk xêh trun gilai nao dahlau tapa takai tathik gah dêh, nôic gah dhan Ƀêt-sai-đa, dalam tuk Bhô brei ka bôl bhap nao thang. 46Hadei di tuk likau drei di khol nhu, Bhô tagôk cơk piêh lang kar. 47Xup tal, gilai dok di krưh tathik, min Bhô dok tha drei ngok hang. 48Bhô ƀôh dôm anưk xêh vah gilai gleh glar kaywa angin tagar nan yơ tal tuk jek thi hadah#6:48 tal tuk jek thi hadah: Nôic klau tal nam tuk pagê., Bhô nao ngok ia mưrai tom dôm anưk xêh. Bhô ưng tagar tagôk dahlau di khol nhu. 49Min tuk ƀôh Bhô nao ngok ia tathik, dôm anưk xêh xanưng nạn bhut nan yơ prêu tagôk, 50kaywa abih jang ƀôh Bhô thong tatơk drei. Min Pô Yê-su bican thong khol nhu: “Xang patom hatai, Ita sani, jôi hôic!” 51Bloh Bhô yam tagôk gilai thong dôm anưk xêh, bloh angin gađang jwa. Khol nhu biak plơng kadơng, 52kaywa ôh thau ar anưd thunau crih thrơh tapei, kaywa tian khol nhu dok khang kưg.
Pô Yê-su pajru rwak tak Ghê-nê-xa-rêt
(Ma-thi-ơ 14:34-36)
53Tuk krung hu tapa tal takai tathik gah dêh, Pô Yê-su thong dôm anưk xêh mưrai bhum Ghê-nê-xa-rêt, palao gal vak tak nan. 54Birau tabiak truh di gilai, bôl bhap binhêt krưn hu Bhô. 55Khol nhu đôic graup bhum, hamit Bhô dok pak halei yơ cakông dôm mưnuix rwak đih ngok katong mưrai tak nan. 56Pathar pathar libik halei Pô Yê-su nao, ngan palei pala, ngan darak ding, mưnuix urang lijang ba dôm urang rwak cek di tak dôm darak, thong neh likau Bhô brei ka khol nhu lijang bihu ravơk jih ao Bhô; dôm urang krung hu ravơk tal jang bihu dhit rwak.
© 2024 Bible Society Vietnam. All rights reserved.
Mag 6
6
Pô Yê-su gok mưlah klak tak Na-xa-ret
(Ma-thi-ơ 13:53-58; Lu-ka 4:16-30)
1Pô Yê-su niga libik nan, gilaic mai bhum mi drei; dôm anưk xêh mưthong tui nao. 2Tal harei Sa-ƀat, Bhô raup pato pakai dalam thang nhom. Ralô urang pang Bhô lang yah yơ plơng kadơng thong đôm: “Mưng pak halei ong ni tôk bihu đôm kabha nan? Gruk jag karag bloh ong nan bihu ƀai brei nạn haget? Ngak habar tangin ong nan hu mưda ngak bihu ralô bruk gon xagta yau nan? 3Ôh njaup ong ni nạn urang ragei kayau, anưk likei Ma-ri, xaai Ya-kơ, Yô-sê, Yu-đe thong Si-môn nan ô? Dôm adei kamei ong ôh njaup krưh mưdok tak ni thong khol drei ô?” Thong khol nhu ôh dial Bhô. 4#Yâ 4:44.Min Pô Yê-su bican: “Pakat hôr ôh gok paong, klāk tabiak di krưh bhum mi, gaup gan thong mưnga vôm drei.” 5Dok tak nan Bhô ôh mưda ngak tha bruk gon xagta halei lingiu bruk cek tangin ngok tha dwa urang rwak hakik thong pajru dhit ka khol nhu. 6Bhô plơng kadơng kaywa tian khol nhu ôh dial.
Bloh Bhô nao lang pato graup palei jek nan.
Tha Pluh Dwa Xêh Pachai bihu pachai
(Ma-thi-ơ 10:5-15; Lu-ka 9:1-6)
7Bhô iêu tha pluh dwa Xêh Pachai, raup pachai nao yāup yau, thong ƀai brei ka khol nhu aco gon ngok tan ok yang. 8Bhô tathit ka khol nhu tuk nao di jalan, ciêt ba gai drưg, jôi ba tui haget vơk, ôh tapei, ôh tabik, ôh kadung jiên, 9Ciêt jwak kalik jwak, ôh cuk ao dwa blah.#6:9 blah: Tha paka ao lingiu hu ikak gan kaing. 10Bhô kakei khol nhu: “Tuk khol hư tamư tha thang halei, xang dok tak nan ka tal tuk tabiak nao. 11#Bruk 13:51.#Lu 10:4-11.Mưyah libik halei mưnuix urang ôh rok daa thong lijang ôh pang khol hư xang tabiak truh di nan, tapơh dhul di takai drei yau tha kaxan pagan gađi khol nhu.” 12Yau nan dôm Xêh Pachai tabiak nao, rao lang laic abih drei xang tumal. 13#Yak 5:14.Khol nhu krung hu tiaup ralô ajin, luk mưnhưk thong pajru dhit ralô urang rwak.
Hê-rôt binax Yâng Bap-tit
(Ma-thi-ơ 14:1-12; Lu-ka 9:7-9)
14 #
Mat 16:14; Mag 8:28; Lu 9:19. Patao Hê-rôt#6:14 Patao Hê-rôt: Sani nạn patao Hê-rôt An-ti-pa pakrang nưgar Ga-li-lê, anưk likei Hê-rôt Patao prong (iơk Ma-thi-ơ 2:1). hamit đôm ka Pô Yê-su, kaywa nưm angan Bhô krung bihu ralô urang thau tal. Tha thanôn urang đôm:#6:14 Tha thanôn urang đôm: Dalam tha thanôn blah vak tangin nạn Ong đôm: “Yâng Bap-tit krung hu mưng lôg mưtai diup vơk yau nan mưng ngak bihu dôm thunau crih ni.” 15Tha thanôn pakan đôm laic: “Nan nạn Ê-li.” Tha thanôn pakan vơk yơ đôm: “Nan nạn pakat hôr, yau tha dalam dôm pakat hôr rai yao.” 16Min tuk hamit yau nan, Hê-rôt đôm: “Sani nạn Yâng, êng nạn mưnuix bloh kami krung hu tacoh akok, urak ni diup vơk.”
17 #
Lu 3:19,20. Kaywa Hê-rôt krung hu pađar mưnuix mưk Yâng, girak vơk thong jam dalam thang danuh, kaywa bruk patao krung hu khing Hê-rô-đia, hadiup Phi-lip adei patao ngak hadiup. 18Kaywa Yâng krung hu ghak Hê-rôt laic: “Nôrapat khing hadiup adei drei nạn kabha ôh tui hakum jakar” 19nan yơ Hê-rô-đia mưbai limuk di Yâng thong ưng binax Yâng. Min muk ôh mưda binax bihu, 20kaywa Hê-rôt hôic di Yâng thau ka ong nạn tha mưnuix kahanôt thong amar, nan yơ jang pajang ong. Dôm ƀang pang bloh tian patao bhian mưbuk mưbar, min patao takrư pang Yâng đôm. 21Tuk gôn harei pajiơng, Hê-rôt pơh đam thêt payak dôm kadi kadai, dôm halau bilang, thong dôm mưnuix samkhan dalam nưgar Ga-li-lê. 22Anưk kamei Hê-rô-đia tamư tamia plong, ngak ka bui tian Hê-rôt thong tôi tamưbha đam payak, nan yơ patao đôm thong nai kamei: “Xang likau pathar pathar kabha haget anưk ưng, mưca kami brei.” 23Patao gilaic hapah: “Ô hakê kabha haget anưk likau, mưca kami lijang brei, kanê tha mưtưh dit biya anưd kami.” 24Nai kamei tabiak nao tanhi amek: “Anưk hajiơng likau kabha haget?” Amek kanai đôm: “Mưk akok Yâng Bap-tit.” 25Binhêt, kanai bhưng bhưng gilaic tamư bloh pathau thong patao: “Anưk ưng nôrapat brei ka anưk akok Yâng Bap-tit cek ngok xalao binhêt urak ni.” 26Patao drôi di tian lô; min kaywa di panôic hapah thong ywa tôi tamưbha đam payak, patao ôh khin kamlah panôic. 27Patao pađar vêt tha raxamleh nao thong thurah ba akok Yâng mai. 28Urang nan tamư thang danuh koh akok Yâng, bloh cêh akok ngok xalao brei ka nai. Nai ba jao ka amek drei. 29Dôm anưk xêh Yâng hamit khao, mai mưk atau Yâng bloh dar dalam tanum.
Pô Yê-su thrơh tapei ka limư ribau urang ƀang
(Ma-thi-ơ 14:13-21; Lu-ka 9:10-17; Yâng 6:1-14)
30Dôm Xêh Pachai patom nhom vil tom dar Pô Yê-su, pathau vơk thong Bhô abih bruk khol nhu krung hu ngak thong pato pakai. 31Bhô pađar dôm Xêh Pachai: “Khol hư xang nao veh tamư pak libik jwa, padei gleh tha kal.” Kaywa hu biak ralô urang nao mai, ngak ka Bhô thong Xêh Pachai ôh hu tuk vag piêh ƀang. 32Yau nan, Gru xêh trun gilai nao veh tamư libik jwa. 33Ralô urang ƀôh yơ krưn hu Pô Yê-su thong dôm anưk xêh hajiơng mưng graup dhan, đôic takai tui thong krung hu tal nan dahlau. 34#Mat 9:36.Birau tabiak truh di gilai, Pô Yê-su ƀôh tapôr bôl yơ ganơh anit khol nhu, kaywa khol nhu yau pabo ôh hu mưnuix glang. Bhô raup pato pakai khol nhu ralô kabha. 35Tuk ia harei glơh, dôm anưk xêh mưrai pathau thong Bhô: “Libik ni lingui jwa bloh lingik krung hu xup pajơ; 36likau Gru brei ka bôl bhap nao, piêh khol nhu tamư dôm bhum palei, palei pala jek taphia blei kaya ƀang.” 37Min Bhô pađar: “Êng khol hư xang brei ka khol nhu ƀang.” Anưk xêh pathau laic: “Khol dahlak xang brei tal dwa rituh đơ-ni-ê tapei brei ka khol nhu ƀang habar?” 38Bhô pađar: “Khol hư xang nao iơk hu hadôm tapei?” Hadei di tuk pachang iơk, dôm anưk xêh pathau: “Hu limư kleh tapei thong dwa ikan.” 39Bhô pađar dôm anưk xêh rabha bôl bhap tabiak dok yāup nhom ngok harơk jao. 40Khol nhu dok dala jiơng tui nhom, nhom tha rituh, nhom limư pluh. 41Pô Yê-su mưk limư kleh tapei thong dwa ikan, talāk mưta tagôk lingik, đwa karun bloh pek tapei thong yêr ka dôm anưk xêh piêh rabha takhat ka bôl bhap. Bhô lijang rabha dwa ikan ka abih drei. 42Abih drei jang ƀang trei laơh. 43Khol nhu dôn patom vơk bihu tha pluh dwa habai bak tapei thong ikan libeh. 44Thanôn mưnuix ƀang tapei nạn limư ribau urang.
Pô Yê-su yam nao di ngok ia tathik
(Ma-thi-ơ 14:22-23; Yâng 6:15-21)
45Hadei di nan, Pô Yê-su pajiak dôm anưk xêh trun gilai nao dahlau tapa takai tathik gah dêh, nôic gah dhan Ƀêt-sai-đa, dalam tuk Bhô brei ka bôl bhap nao thang. 46Hadei di tuk likau drei di khol nhu, Bhô tagôk cơk piêh lang kar. 47Xup tal, gilai dok di krưh tathik, min Bhô dok tha drei ngok hang. 48Bhô ƀôh dôm anưk xêh vah gilai gleh glar kaywa angin tagar nan yơ tal tuk jek thi hadah#6:48 tal tuk jek thi hadah: Nôic klau tal nam tuk pagê., Bhô nao ngok ia mưrai tom dôm anưk xêh. Bhô ưng tagar tagôk dahlau di khol nhu. 49Min tuk ƀôh Bhô nao ngok ia tathik, dôm anưk xêh xanưng nạn bhut nan yơ prêu tagôk, 50kaywa abih jang ƀôh Bhô thong tatơk drei. Min Pô Yê-su bican thong khol nhu: “Xang patom hatai, Ita sani, jôi hôic!” 51Bloh Bhô yam tagôk gilai thong dôm anưk xêh, bloh angin gađang jwa. Khol nhu biak plơng kadơng, 52kaywa ôh thau ar anưd thunau crih thrơh tapei, kaywa tian khol nhu dok khang kưg.
Pô Yê-su pajru rwak tak Ghê-nê-xa-rêt
(Ma-thi-ơ 14:34-36)
53Tuk krung hu tapa tal takai tathik gah dêh, Pô Yê-su thong dôm anưk xêh mưrai bhum Ghê-nê-xa-rêt, palao gal vak tak nan. 54Birau tabiak truh di gilai, bôl bhap binhêt krưn hu Bhô. 55Khol nhu đôic graup bhum, hamit Bhô dok pak halei yơ cakông dôm mưnuix rwak đih ngok katong mưrai tak nan. 56Pathar pathar libik halei Pô Yê-su nao, ngan palei pala, ngan darak ding, mưnuix urang lijang ba dôm urang rwak cek di tak dôm darak, thong neh likau Bhô brei ka khol nhu lijang bihu ravơk jih ao Bhô; dôm urang krung hu ravơk tal jang bihu dhit rwak.
© 2024 Bible Society Vietnam. All rights reserved.