Ma-thi-ơ 25
25
Arkatê ka tha pluh nai dara hadai dong đam likhah
1 #
Lu 12:35. “Tuk nan, Dit Biya Thôr Riga mưca pagap yau tha pluh urang kamei kanưrup pan mưnhưk nao rok pacei mưtau#25:1 pacei mưtau: Dalam tha thanôn blah vak tangin nạn pacei mưtau thong kanai mưtau.. 2Dalam thanôn nan, hu limư nai gila, thong hu limư nai jag. 3Dôm nai gila ba mưnhưk min ôh ba mưnhưk ô-liu tui; 4dok dôm nai jag ba mưnhưk thong kalok padang mưnhưk ô-liu tui. 5Kaywa pacei mưtau mưrai ralao yơ abih nai jang tơk vah thong đih var. 6Min tal krưh mưlam hu xap iêu: ‘Dêh, pacei mưtau mưrai! Xang tabiak rok!’ 7Dôm urang kamei kanưrup mưdơh tagôk thong thrap gap mưnhưk drei. 8Dôm nai gila đôm thong dôm nai jag laic: ‘Likau dôm xaai kamei klah ka khol dahlak tha xit mưnhưk ô-liu kaywa mưnhưk khol dahlak thi padam.’ 9Min dôm nai jag thuuk: ‘Ôh mưda bihu, mưca ôh tal ka bih khol dahlak thong ka dôm xaai kamei; siam hơl, dôm xaai kamei hajiơng nao mưrai urang pablei mưnhưk ô-liu bloh blei.’ 10Min dalam tuk khol nhu nao blei, yơ pacei mưtau mưrai. Dôm urang krung hu thudia yơ nao thong pacei mưtau tamư dalam đam likhah, thong baƀang karơk vơk. 11#Lu 13:25.Hadei di nan, dôm urang kamei kanưrup dêh lijang mưrai, pathau laic: ‘Pô lơy, pô lơy, likau pơh baƀang ka khol dahlak!’ 12Min pô thuuk: ‘Ita đôm biak thong dôm nai, ita ôh thau dôm nai nạn thei.’ 13Yau nan xang pamưdơh, kaywa khol hư ôh thau harei, lijang ôh thau tuk.”
Arkatê ka dôm ta-lâng
(Lu-ka 19:11-27)
14 #
Lu 19:11-27. “Tuk nan, Dit Biya Thôr Riga mưca drơh yau tha urang thi tagôk jalan nao atah, iêu dôm halun mai thong jao ƀang angui drei ka khol nhu. 15Pô jao ka urang ni limư ta-lâng, mưnuix dêh dwa, mưnuix pakan tha, patui xagta yāup urang. Bloh pô tagôk jalan. 16Halun krung hu tôk limư ta-lâng binhêt nao angui jiên ngak laba tabiak, thong bihu paƀlwak limư ta-lâng vơk. 17Halun tôk dwa ta-lâng lijang yau nan rei, bihu paƀlwak dwa ta-lâng vơk. 18Min halun krung hu tôk tha ta-lâng yơ nao coh tanưh thong lam padaup pariak pô. 19Hadei tha tuk vag atah, pô anưd dôm halun ni gilaic mai thong kahria thô thong khol nhu. 20Halun krung hu tôk limư ta-lâng mai, ba tui limư ta-lâng vơk thong đôm: ‘Pathau pô, pô krung hu jao ka dahlak limư ta-lâng, sani nạn dahlak ngak laba tabiak paƀlwak limư ta-lâng vơk.’ 21Pô đôm thong urang nan: ‘Hơic halun tapak tape thong kloh hatai dêh, ghơh lô! Kaywa hư krung hu kloh hatai dalam bruk xit, mưca ita padok hư mong iơk ralô. Xang tamư liêng pakal bui thong pô hư.’ 22Halun krung hu tôk dwa ta-lâng lijang mai thong đôm: ‘Pathau pô, pô krung hu jao ka dahlak dwa ta-lâng, sani nạn, dahlak krung hu ngak laba tabiak paƀlwak bihu dwa ta-lâng vơk.’ 23Pô đôm thong urang nan laic: ‘Hơic halun tapak tape thong kloh hatai dêh, ghơh lô! Hư krung hu kloh hatai dalam bruk xit, mưca ita padok hư mong iơk ralô. Xang tamư liêng pakal bui thong pô hư.’ 24Halun krung hu tôk tha ta-lâng lijang mưrai thong đôm: ‘Pathau pô, dahlak thau ka pô nạn mưnuix thur, ywak libik drei ôh drāk, patom libik drei ôh prai tabiak; 25yơ dahlak hôic thong padaup ta-lâng pô di ala tanưh. Sani, likau biyar vơk ka pô dôm haget anưd pô.’ 26Min pô thuuk laic: ‘Hư nạn halun xag mưjưy thong alah mưtah! Hu njaup hư thau laic ita ywak libik drei ôh drāk, patom libik drei ôh prai tabiak njaup halei? 27Ywa nan ka, biak nao hư xang jao jiên ita ka dôm mưnuix xalih jiên, piêh tuk ita gilaic mai mưca tôk jiên phun gam hajung mih. 28Yau nan, xang mưk ta-lâng truh di ban ni, thong brei ka mưnuix hu tha pluh ta-lâng. 29#Mat 13:12; Mag 4:25; Lu 8:18.Kaywa thei hu, mưca brei paƀlwak piêh khol nhu bihu dalah dalai; min thei ôh hu, mưca gok mưk takung kabha nhu hu vơk. 30#Mat 8:12; Mat 22:13; Lu 13:28.Dok ban halun ôh hu hanim dêh, xang parah nhu tabiak libik bhôlir gah lingiu, libik nan mưca hu hia cok thong grik tagei.’”
Gruk bican inư taluic
31 #
Mat 16:27.
Mat 19:28. “Tuk Anưk Mưnuix biđang mưrai dalam xêh mưlang drei thubik thong abih umat, mưca Bhô dok ngok thing mưnga xêh mưlang. 32Abih bôl mưca patom nhom di anak Bhô; thong mưca Bhô rabha khol nhu tabiak yau mưnuix glang nưh pabo thong pabe tabiak: 33Cek pabo gah hanuk, thong pabe gah iu. 34Tuk nan, mưca Patao bican thong dôm urang gah hanuk laic: ‘Xang mưrai, khol hư nạn dôm urang bihu Amư Ita ƀai brei phôl, xang mưrai mưvarih Dit Biya Thôr Riga krung hu thrap gap thudia ka khol hư mưng tuk padak padang nưrah. 35Kaywa Ita ơk lipa, khol hư brei Ita ƀang; Ita mưhu ia, khol hư brei Ita mưnhum; Ita nạn tôi crih khol hư rok daa Ita; 36Ita mưlun pun, khol hư cuk ka Ita; Ita rwak hakik, khol hư iơk mong Ita; Ita gok jam, khol hư ravang Ita.’ 37Tuk nan dôm urang kahanôt pathau thong Bhô: ‘Pô lơy, hu tuk halei khol dahlak ƀôh Pô ơk lipa bloh brei ƀang, ngan mưhu ia bloh brei mưnhum? 38Hu tuk halei khol dahlak ƀôh Pô nạn tôi crih bloh rok daa, ngan mưlun pun bloh cuk ka Bhô? 39Ngan hu tuk halei khol dahlak ƀôh Pô rwak hakik ngan gok jam bloh ravang Bhô?’ 40Mưca Patao thuuk laic: ‘Biak jơh, Ita đôm thong khol hư, tuk khol hư ngak kabha nan ka tha urang biêr yatha dalam dôm dei ai ni Ita, ar nạn krung hu ngak ka Ita.’
41Patui di nan, Bhô bican thong dôm urang gah iu laic: ‘Khol hư nạn dôm ra gok dhao thah, xang kadun tabiak truh di Ita, nao tamư apui rit rai krung hu thrap gap thudia ka Abilêh thong dôm umat nhu. 42Kaywa Ita ơk lipa, khol hư ôh brei Ita ƀang, Ita mưhu ia, khol hư ôh blei Ita mưnhum; 43Ita nạn tôi crih, khol hư ôh rok daa Ita; Ita mưlun pun, khol hư ôh cuk ka Ita; Ita rwak hakik thong gok jam, khol hư ôh ravang Ita.’ 44Tuk nan, dôm urang ni lijang thuuk: ‘Pô lơy, hu tuk halei khol dahlak ƀôh Pô ơk ngan mưhu ia, ngan nạn tôi crih, ngan mưlun pun, ngan rwak hakik, ngan gok jam bloh ôh ragxa Bhô ô?’ 45Mưca Bhô đôm vơk laic: ‘Biak jơh, Ita đôm thong khol hư, tuk khol hư ôh ngak kabha nan ka tha urang biêr yatha dalam dôm urang ni, ar nạn khol hư krung hu ôh ngak ka Ita.’ 46Bloh dôm ra nan mưca tamư gruk an tamar rit rai, dok dôm urang kahanôt mưca tamư gruk diup rit rai.”
© 2024 Bible Society Vietnam. All rights reserved.
Ma-thi-ơ 25
25
Arkatê ka tha pluh nai dara hadai dong đam likhah
1 #
Lu 12:35. “Tuk nan, Dit Biya Thôr Riga mưca pagap yau tha pluh urang kamei kanưrup pan mưnhưk nao rok pacei mưtau#25:1 pacei mưtau: Dalam tha thanôn blah vak tangin nạn pacei mưtau thong kanai mưtau.. 2Dalam thanôn nan, hu limư nai gila, thong hu limư nai jag. 3Dôm nai gila ba mưnhưk min ôh ba mưnhưk ô-liu tui; 4dok dôm nai jag ba mưnhưk thong kalok padang mưnhưk ô-liu tui. 5Kaywa pacei mưtau mưrai ralao yơ abih nai jang tơk vah thong đih var. 6Min tal krưh mưlam hu xap iêu: ‘Dêh, pacei mưtau mưrai! Xang tabiak rok!’ 7Dôm urang kamei kanưrup mưdơh tagôk thong thrap gap mưnhưk drei. 8Dôm nai gila đôm thong dôm nai jag laic: ‘Likau dôm xaai kamei klah ka khol dahlak tha xit mưnhưk ô-liu kaywa mưnhưk khol dahlak thi padam.’ 9Min dôm nai jag thuuk: ‘Ôh mưda bihu, mưca ôh tal ka bih khol dahlak thong ka dôm xaai kamei; siam hơl, dôm xaai kamei hajiơng nao mưrai urang pablei mưnhưk ô-liu bloh blei.’ 10Min dalam tuk khol nhu nao blei, yơ pacei mưtau mưrai. Dôm urang krung hu thudia yơ nao thong pacei mưtau tamư dalam đam likhah, thong baƀang karơk vơk. 11#Lu 13:25.Hadei di nan, dôm urang kamei kanưrup dêh lijang mưrai, pathau laic: ‘Pô lơy, pô lơy, likau pơh baƀang ka khol dahlak!’ 12Min pô thuuk: ‘Ita đôm biak thong dôm nai, ita ôh thau dôm nai nạn thei.’ 13Yau nan xang pamưdơh, kaywa khol hư ôh thau harei, lijang ôh thau tuk.”
Arkatê ka dôm ta-lâng
(Lu-ka 19:11-27)
14 #
Lu 19:11-27. “Tuk nan, Dit Biya Thôr Riga mưca drơh yau tha urang thi tagôk jalan nao atah, iêu dôm halun mai thong jao ƀang angui drei ka khol nhu. 15Pô jao ka urang ni limư ta-lâng, mưnuix dêh dwa, mưnuix pakan tha, patui xagta yāup urang. Bloh pô tagôk jalan. 16Halun krung hu tôk limư ta-lâng binhêt nao angui jiên ngak laba tabiak, thong bihu paƀlwak limư ta-lâng vơk. 17Halun tôk dwa ta-lâng lijang yau nan rei, bihu paƀlwak dwa ta-lâng vơk. 18Min halun krung hu tôk tha ta-lâng yơ nao coh tanưh thong lam padaup pariak pô. 19Hadei tha tuk vag atah, pô anưd dôm halun ni gilaic mai thong kahria thô thong khol nhu. 20Halun krung hu tôk limư ta-lâng mai, ba tui limư ta-lâng vơk thong đôm: ‘Pathau pô, pô krung hu jao ka dahlak limư ta-lâng, sani nạn dahlak ngak laba tabiak paƀlwak limư ta-lâng vơk.’ 21Pô đôm thong urang nan: ‘Hơic halun tapak tape thong kloh hatai dêh, ghơh lô! Kaywa hư krung hu kloh hatai dalam bruk xit, mưca ita padok hư mong iơk ralô. Xang tamư liêng pakal bui thong pô hư.’ 22Halun krung hu tôk dwa ta-lâng lijang mai thong đôm: ‘Pathau pô, pô krung hu jao ka dahlak dwa ta-lâng, sani nạn, dahlak krung hu ngak laba tabiak paƀlwak bihu dwa ta-lâng vơk.’ 23Pô đôm thong urang nan laic: ‘Hơic halun tapak tape thong kloh hatai dêh, ghơh lô! Hư krung hu kloh hatai dalam bruk xit, mưca ita padok hư mong iơk ralô. Xang tamư liêng pakal bui thong pô hư.’ 24Halun krung hu tôk tha ta-lâng lijang mưrai thong đôm: ‘Pathau pô, dahlak thau ka pô nạn mưnuix thur, ywak libik drei ôh drāk, patom libik drei ôh prai tabiak; 25yơ dahlak hôic thong padaup ta-lâng pô di ala tanưh. Sani, likau biyar vơk ka pô dôm haget anưd pô.’ 26Min pô thuuk laic: ‘Hư nạn halun xag mưjưy thong alah mưtah! Hu njaup hư thau laic ita ywak libik drei ôh drāk, patom libik drei ôh prai tabiak njaup halei? 27Ywa nan ka, biak nao hư xang jao jiên ita ka dôm mưnuix xalih jiên, piêh tuk ita gilaic mai mưca tôk jiên phun gam hajung mih. 28Yau nan, xang mưk ta-lâng truh di ban ni, thong brei ka mưnuix hu tha pluh ta-lâng. 29#Mat 13:12; Mag 4:25; Lu 8:18.Kaywa thei hu, mưca brei paƀlwak piêh khol nhu bihu dalah dalai; min thei ôh hu, mưca gok mưk takung kabha nhu hu vơk. 30#Mat 8:12; Mat 22:13; Lu 13:28.Dok ban halun ôh hu hanim dêh, xang parah nhu tabiak libik bhôlir gah lingiu, libik nan mưca hu hia cok thong grik tagei.’”
Gruk bican inư taluic
31 #
Mat 16:27.
Mat 19:28. “Tuk Anưk Mưnuix biđang mưrai dalam xêh mưlang drei thubik thong abih umat, mưca Bhô dok ngok thing mưnga xêh mưlang. 32Abih bôl mưca patom nhom di anak Bhô; thong mưca Bhô rabha khol nhu tabiak yau mưnuix glang nưh pabo thong pabe tabiak: 33Cek pabo gah hanuk, thong pabe gah iu. 34Tuk nan, mưca Patao bican thong dôm urang gah hanuk laic: ‘Xang mưrai, khol hư nạn dôm urang bihu Amư Ita ƀai brei phôl, xang mưrai mưvarih Dit Biya Thôr Riga krung hu thrap gap thudia ka khol hư mưng tuk padak padang nưrah. 35Kaywa Ita ơk lipa, khol hư brei Ita ƀang; Ita mưhu ia, khol hư brei Ita mưnhum; Ita nạn tôi crih khol hư rok daa Ita; 36Ita mưlun pun, khol hư cuk ka Ita; Ita rwak hakik, khol hư iơk mong Ita; Ita gok jam, khol hư ravang Ita.’ 37Tuk nan dôm urang kahanôt pathau thong Bhô: ‘Pô lơy, hu tuk halei khol dahlak ƀôh Pô ơk lipa bloh brei ƀang, ngan mưhu ia bloh brei mưnhum? 38Hu tuk halei khol dahlak ƀôh Pô nạn tôi crih bloh rok daa, ngan mưlun pun bloh cuk ka Bhô? 39Ngan hu tuk halei khol dahlak ƀôh Pô rwak hakik ngan gok jam bloh ravang Bhô?’ 40Mưca Patao thuuk laic: ‘Biak jơh, Ita đôm thong khol hư, tuk khol hư ngak kabha nan ka tha urang biêr yatha dalam dôm dei ai ni Ita, ar nạn krung hu ngak ka Ita.’
41Patui di nan, Bhô bican thong dôm urang gah iu laic: ‘Khol hư nạn dôm ra gok dhao thah, xang kadun tabiak truh di Ita, nao tamư apui rit rai krung hu thrap gap thudia ka Abilêh thong dôm umat nhu. 42Kaywa Ita ơk lipa, khol hư ôh brei Ita ƀang, Ita mưhu ia, khol hư ôh blei Ita mưnhum; 43Ita nạn tôi crih, khol hư ôh rok daa Ita; Ita mưlun pun, khol hư ôh cuk ka Ita; Ita rwak hakik thong gok jam, khol hư ôh ravang Ita.’ 44Tuk nan, dôm urang ni lijang thuuk: ‘Pô lơy, hu tuk halei khol dahlak ƀôh Pô ơk ngan mưhu ia, ngan nạn tôi crih, ngan mưlun pun, ngan rwak hakik, ngan gok jam bloh ôh ragxa Bhô ô?’ 45Mưca Bhô đôm vơk laic: ‘Biak jơh, Ita đôm thong khol hư, tuk khol hư ôh ngak kabha nan ka tha urang biêr yatha dalam dôm urang ni, ar nạn khol hư krung hu ôh ngak ka Ita.’ 46Bloh dôm ra nan mưca tamư gruk an tamar rit rai, dok dôm urang kahanôt mưca tamư gruk diup rit rai.”
© 2024 Bible Society Vietnam. All rights reserved.