Ma-thi-ơ 23
23
Pô Yê-su xayok dôm Gru Pato Adat thong mưnuix Pha-ri-si
(Mag 12:38-39; Lu-ka 11:43-46; 20:45-46)
1Tuk nan, Pô Yê-su bican thong bôl bhap thong dôm anưk xêh laic: 2“Dôm gru pato adat thong mưnuix Pha-ri-si jang dok ngok kik Mô-se. 3Yau nan, xang ngak tui thong khik kajap dôm haget khol nhu pato khol hư; min jôi ƀlah dôm haget khol nhu ngak, kaywa khol nhu ciêt đôm min ôh ngak. 4Khol nhu ikak thong dak dôm anong trak [kan thi bak]#23:4 [kan thi bak]: Dalam tha thanôn blah vak tangin ôh hu dôm akhar ni. ngok bira mưnuix urang, dok êng khol nhu ôh gok inư tangin tamư. 5#Mat 6:1.Khol nhu ngak bruk haget lijang piêh ka mưnuix urang ƀôh. Ywa nan ka, khol nhu ngak dôm loh agal biak lanưng, ruh brui ao#23:5 brui ao: Dôm brui ao ni ngak habang gruk cek karei ka Pô Lingik. ka tajhe, 6khol nhu takrư dok di libik glong dalam vār đam payak thong dôm kik samkhan yatha dalam dôm thang nhom, 7khol nhu ưng bihu xalam di krưh darak ding thong bihu iêu nạn gru! 8Min khol hư jôi lôi urang halei iêu drei nạn gru; kaywa khol hư ciêt hu tha Gru, dok abih drei jang nạn dei ai. 9Lijang jôi iêu pathar pathar urang halei ngok dunya ni nạn amư; kaywa khol hư ciêt hu tha Amư, nạn Dê dok ngok thôr riga. 10Lijang jôi lôi mưnuix halei iêu drei laic pô; kaywa khol hư ciêt hu tha Pô, nạn Dê Krist. 11#Mat 20:26,27; Mag 9:35; Mag 10:43,44; Lu 22:26.Thei nạn mưnuix prong hơl di bih dalam khol hư mưca ngak halun ka khol hư. 12#Lu 14:11; Lu 18:14.Thei êng papôk drei tagôk mưca gok paglơh trun, dok thei êng aneh drei trun mưca bihu papôk tagôk.
13Lihin din ka khol hư dôm gru pato adat thong mưnuix Pha-ri-si, nạn dôm ra jalan adat baniai! Kaywa khol hư karơk baƀang Dit Biya Thôr Riga di anak mưnuix urang; êng khol hư krung hu ôh tamư bloh gilaic dok ghak drưh dôm urang halei ưng tamư vơk.
14[Lihin din ka khol hư dôm gru pato adat thong mưnuix Pha-ri-si, nạn dôm ra jalan adat baniai! Kaywa khol hư ngak mưnuh pôic panôic lang kar ka atah, bloh lôn thang urang kamei bilau; kaywa nan, mưca khol hư gok dan dun trak hơl.]#23:14 Dalam tha thanôn blah vak tangin ôh hu kanen 14. 15Lihin din ka khol hư, dôm gru pato adat thong mưnuix Pha-ri-si, nạn dôm ra jalan adat baniai! Kaywa khol hư nao tapa tathik prong thong tanưh riya piêh ba tha urang tamư agama; min tuk urang nan tamư agama bloh, khol hư ngak ka urang nan gilaic hajiơng anưk anưd nôriga pađik dwa ƀang khol hư.
16Lihin din ka khol hư, dôm ra ba jalan tagloh taglit, khol hư đôm laic: ‘Mưyah mưnuix halei tacei huji bloh hapah yơ ôh baxa haget; min mưyah tacei mưh huji bloh hapah yơ gok jiang ikak.’ 17Hơic dôm ra gila gilap tagloh taglit dêh! Mưh ngan huji ngak ka mưh hajiơng likam, nôk halei puja hơl? 18Khol hư đôm laic: ‘Mưyah mưnuix halei tacei jaban bloh hapah yơ ôh baxa haget, min mưyah tacei panôja ngok jaban bloh hapah yơ gok jiang ikak.’ 19Hơic dôm ra tagloh taglit! Panôja ngan jaban ngak ka panôja hajiơng likam, nôk halei puja hơl? 20Ywa nan ka, urang halei tacei jaban bloh hapah ar nạn tacei jaban gam panôja ngok nan bloh hapah, 21urang halei tacei huji bloh hapah ar nạn tacei huji gam Dê biđang pak libik nan bloh hapah; 22#Mat 5:34.dok mưnuix halei tacei thôr riga bloh hapah, mong yau tacei thing mưnga Pô Lingik gam Dê biđang ngok thing mưnga bloh hapah.
23Lihin din ka khol hư, gru pato adat thong mưnuix Pha-ri-si, nạn dôm ra jalan adat baniai! Kaywa khol hư limah tha bhan tha pluh njam gwa, hala dang thong njam no, min gilaic klāk tapa dôm bruk samkhan hơl anưd hakum jakar nạn adil, tian athur alim thong sagar. Khol hư xang ngak dôm kabha ni, min lijang ôh bihu var dôm kabha dêh. 24Hơic dôm ra ba jalan tagloh taglit, khol hư halang anưk rôi bloh gilaic lôn unta!
25Lihin din ka khol hư gru pato adat thong mưnuix Pha-ri-si nạn dôm ra jalan adat baniai! Kaywa khol hư tathak hacih gah lingiu pangin pareng, min gah dalam yơ bak lamak gruk tathrưg lagơh thong ƀang mưin phak palah. 26Hơic mưnuix Pha-ri-si tagloh taglit! Dahlau yatha, xang tathak gah dalam pangin pareng, piêh gah lingiu lijang bihu hacih.
27 #
Bruk 23:3. Lihin din ka khol hư, gru pato adat thong mưnuix Pha-ri-si, nạn dôm ra jalan adat baniai! Kaywa khol hư drơh yau tanum bathit ia kok, gah lingiu hu mưnuh mưlang bimi, min gah dalam yơ bak talang ghang mưnuix mưtai thong rim paka haruk haram. 28Khol hư lijang yau nan rei, gah lingiu ngak mưnuh kahanôt di anak mưnuix urang, min gah dalam yơ bak gruk xag mưjưy thong jalan adat baniai.
29Lihin din ka khol hư, gru pato adat thong mưnuix Pha-ri-si, nạn dôm ra jalan adat baniai! Kaywa khol hư darap tanum anưd dôm pakat hôr, wơk tanum anưd dôm urang kahanôt, 30thong đôm: ‘Mưyah khol dahlak diup thubik rai thong dôm muk kei, khol dahlak mưca ôh tamưbha thong khol nhu dalam bruk ngak hok darah dôm pakat hôr.’ 31Yau nan, khol hư krung hu êng pakrưn laic drei nạn anưk taco dôm ra pamưtai dôm pakat hôr. 32Nan yơ, xang nao tuh ka bak tok hakak danuh glaic anưd muk kei khol hư mek! 33#Mat 3:7; Mat 12:34; Lu 3:7.Hơic pukar ula, talei pajeh ula tanbôm dêh, ngak yau halei khol hư klah truh di gruk dan dun anưd nôriga bihu?
34Ywa nan ka, Ita pachai dôm pakat hôr, dôm urang jag karag, dôm gru pato adat mưrai tom khol hư, min khol hư pamưtai thong pang đin dôm urang ni tamư gai gan gak, tong poh dôm urang pakan dalam thang nhom thong pagui mưk khol nhu mưng dhan ni tapa dhan dêh, 35piêh ka abih darah dôm urang kahanôt krung hu hok tabiak ngok tanưh jang tuh ngok khol hư, mưng darah ôh hu glaic A-bên ka tal darah Xa-ca-ri anưk likei Ƀa-ra-ci, mưnuix bloh khol hư krung hu pamưtai di krưh Libik Likam thong jaban. 36Biak jơh, Ita đôm thong khol hư, abih kabha ni mưca hu mưjiơng mưrai ka rai rak ni.”
Pô Yê-su hia palai damưn ka dhan Yê-ru-sa-lem
(Lu-ka 13:34-35)
37“Hơic Yê-ru-sa-lem, Yê-ru-sa-lem! Hư pamưtai di dôm pakat hôr thong glam patau dôm urang bihu pachai mưrai tom hư! Krung hu ralô ƀang Ita ưng patom nhom anưk bik hư yau mưnuk inư iêu anưk drei mai, papeh papôn ala thraup bloh khol hư ôh ưng! 38Mưni, thang khol hư mưca gok klāk bhao! 39Kaywa Ita đôm thong khol hư, khol hư mưca ôh ƀôh Ita vơk, ka tal tuk khol hư đôm: Đang pôk mưyom Dê nưmax angan Pô bloh mưrai!”
© 2024 Bible Society Vietnam. All rights reserved.
Ma-thi-ơ 23
23
Pô Yê-su xayok dôm Gru Pato Adat thong mưnuix Pha-ri-si
(Mag 12:38-39; Lu-ka 11:43-46; 20:45-46)
1Tuk nan, Pô Yê-su bican thong bôl bhap thong dôm anưk xêh laic: 2“Dôm gru pato adat thong mưnuix Pha-ri-si jang dok ngok kik Mô-se. 3Yau nan, xang ngak tui thong khik kajap dôm haget khol nhu pato khol hư; min jôi ƀlah dôm haget khol nhu ngak, kaywa khol nhu ciêt đôm min ôh ngak. 4Khol nhu ikak thong dak dôm anong trak [kan thi bak]#23:4 [kan thi bak]: Dalam tha thanôn blah vak tangin ôh hu dôm akhar ni. ngok bira mưnuix urang, dok êng khol nhu ôh gok inư tangin tamư. 5#Mat 6:1.Khol nhu ngak bruk haget lijang piêh ka mưnuix urang ƀôh. Ywa nan ka, khol nhu ngak dôm loh agal biak lanưng, ruh brui ao#23:5 brui ao: Dôm brui ao ni ngak habang gruk cek karei ka Pô Lingik. ka tajhe, 6khol nhu takrư dok di libik glong dalam vār đam payak thong dôm kik samkhan yatha dalam dôm thang nhom, 7khol nhu ưng bihu xalam di krưh darak ding thong bihu iêu nạn gru! 8Min khol hư jôi lôi urang halei iêu drei nạn gru; kaywa khol hư ciêt hu tha Gru, dok abih drei jang nạn dei ai. 9Lijang jôi iêu pathar pathar urang halei ngok dunya ni nạn amư; kaywa khol hư ciêt hu tha Amư, nạn Dê dok ngok thôr riga. 10Lijang jôi lôi mưnuix halei iêu drei laic pô; kaywa khol hư ciêt hu tha Pô, nạn Dê Krist. 11#Mat 20:26,27; Mag 9:35; Mag 10:43,44; Lu 22:26.Thei nạn mưnuix prong hơl di bih dalam khol hư mưca ngak halun ka khol hư. 12#Lu 14:11; Lu 18:14.Thei êng papôk drei tagôk mưca gok paglơh trun, dok thei êng aneh drei trun mưca bihu papôk tagôk.
13Lihin din ka khol hư dôm gru pato adat thong mưnuix Pha-ri-si, nạn dôm ra jalan adat baniai! Kaywa khol hư karơk baƀang Dit Biya Thôr Riga di anak mưnuix urang; êng khol hư krung hu ôh tamư bloh gilaic dok ghak drưh dôm urang halei ưng tamư vơk.
14[Lihin din ka khol hư dôm gru pato adat thong mưnuix Pha-ri-si, nạn dôm ra jalan adat baniai! Kaywa khol hư ngak mưnuh pôic panôic lang kar ka atah, bloh lôn thang urang kamei bilau; kaywa nan, mưca khol hư gok dan dun trak hơl.]#23:14 Dalam tha thanôn blah vak tangin ôh hu kanen 14. 15Lihin din ka khol hư, dôm gru pato adat thong mưnuix Pha-ri-si, nạn dôm ra jalan adat baniai! Kaywa khol hư nao tapa tathik prong thong tanưh riya piêh ba tha urang tamư agama; min tuk urang nan tamư agama bloh, khol hư ngak ka urang nan gilaic hajiơng anưk anưd nôriga pađik dwa ƀang khol hư.
16Lihin din ka khol hư, dôm ra ba jalan tagloh taglit, khol hư đôm laic: ‘Mưyah mưnuix halei tacei huji bloh hapah yơ ôh baxa haget; min mưyah tacei mưh huji bloh hapah yơ gok jiang ikak.’ 17Hơic dôm ra gila gilap tagloh taglit dêh! Mưh ngan huji ngak ka mưh hajiơng likam, nôk halei puja hơl? 18Khol hư đôm laic: ‘Mưyah mưnuix halei tacei jaban bloh hapah yơ ôh baxa haget, min mưyah tacei panôja ngok jaban bloh hapah yơ gok jiang ikak.’ 19Hơic dôm ra tagloh taglit! Panôja ngan jaban ngak ka panôja hajiơng likam, nôk halei puja hơl? 20Ywa nan ka, urang halei tacei jaban bloh hapah ar nạn tacei jaban gam panôja ngok nan bloh hapah, 21urang halei tacei huji bloh hapah ar nạn tacei huji gam Dê biđang pak libik nan bloh hapah; 22#Mat 5:34.dok mưnuix halei tacei thôr riga bloh hapah, mong yau tacei thing mưnga Pô Lingik gam Dê biđang ngok thing mưnga bloh hapah.
23Lihin din ka khol hư, gru pato adat thong mưnuix Pha-ri-si, nạn dôm ra jalan adat baniai! Kaywa khol hư limah tha bhan tha pluh njam gwa, hala dang thong njam no, min gilaic klāk tapa dôm bruk samkhan hơl anưd hakum jakar nạn adil, tian athur alim thong sagar. Khol hư xang ngak dôm kabha ni, min lijang ôh bihu var dôm kabha dêh. 24Hơic dôm ra ba jalan tagloh taglit, khol hư halang anưk rôi bloh gilaic lôn unta!
25Lihin din ka khol hư gru pato adat thong mưnuix Pha-ri-si nạn dôm ra jalan adat baniai! Kaywa khol hư tathak hacih gah lingiu pangin pareng, min gah dalam yơ bak lamak gruk tathrưg lagơh thong ƀang mưin phak palah. 26Hơic mưnuix Pha-ri-si tagloh taglit! Dahlau yatha, xang tathak gah dalam pangin pareng, piêh gah lingiu lijang bihu hacih.
27 #
Bruk 23:3. Lihin din ka khol hư, gru pato adat thong mưnuix Pha-ri-si, nạn dôm ra jalan adat baniai! Kaywa khol hư drơh yau tanum bathit ia kok, gah lingiu hu mưnuh mưlang bimi, min gah dalam yơ bak talang ghang mưnuix mưtai thong rim paka haruk haram. 28Khol hư lijang yau nan rei, gah lingiu ngak mưnuh kahanôt di anak mưnuix urang, min gah dalam yơ bak gruk xag mưjưy thong jalan adat baniai.
29Lihin din ka khol hư, gru pato adat thong mưnuix Pha-ri-si, nạn dôm ra jalan adat baniai! Kaywa khol hư darap tanum anưd dôm pakat hôr, wơk tanum anưd dôm urang kahanôt, 30thong đôm: ‘Mưyah khol dahlak diup thubik rai thong dôm muk kei, khol dahlak mưca ôh tamưbha thong khol nhu dalam bruk ngak hok darah dôm pakat hôr.’ 31Yau nan, khol hư krung hu êng pakrưn laic drei nạn anưk taco dôm ra pamưtai dôm pakat hôr. 32Nan yơ, xang nao tuh ka bak tok hakak danuh glaic anưd muk kei khol hư mek! 33#Mat 3:7; Mat 12:34; Lu 3:7.Hơic pukar ula, talei pajeh ula tanbôm dêh, ngak yau halei khol hư klah truh di gruk dan dun anưd nôriga bihu?
34Ywa nan ka, Ita pachai dôm pakat hôr, dôm urang jag karag, dôm gru pato adat mưrai tom khol hư, min khol hư pamưtai thong pang đin dôm urang ni tamư gai gan gak, tong poh dôm urang pakan dalam thang nhom thong pagui mưk khol nhu mưng dhan ni tapa dhan dêh, 35piêh ka abih darah dôm urang kahanôt krung hu hok tabiak ngok tanưh jang tuh ngok khol hư, mưng darah ôh hu glaic A-bên ka tal darah Xa-ca-ri anưk likei Ƀa-ra-ci, mưnuix bloh khol hư krung hu pamưtai di krưh Libik Likam thong jaban. 36Biak jơh, Ita đôm thong khol hư, abih kabha ni mưca hu mưjiơng mưrai ka rai rak ni.”
Pô Yê-su hia palai damưn ka dhan Yê-ru-sa-lem
(Lu-ka 13:34-35)
37“Hơic Yê-ru-sa-lem, Yê-ru-sa-lem! Hư pamưtai di dôm pakat hôr thong glam patau dôm urang bihu pachai mưrai tom hư! Krung hu ralô ƀang Ita ưng patom nhom anưk bik hư yau mưnuk inư iêu anưk drei mai, papeh papôn ala thraup bloh khol hư ôh ưng! 38Mưni, thang khol hư mưca gok klāk bhao! 39Kaywa Ita đôm thong khol hư, khol hư mưca ôh ƀôh Ita vơk, ka tal tuk khol hư đôm: Đang pôk mưyom Dê nưmax angan Pô bloh mưrai!”
© 2024 Bible Society Vietnam. All rights reserved.