Ma-thi-ơ 20
20
Mưnuix ngak kong dalam bơn nho
1“Dit Biya Thôr Riga drơh yau tha pô bơn nho dêh, pagê pe tabiak nao apah mưnuix ngak kong dalam bơn nho drei. 2Hadei di tuk krung hu he ho thong dôm mưnuix ngak kong yāup harei tha đơ-ni-ê, pô pađar khol nhu tamư bơn nho. 3Nôic thalipan tuk pagê, pô gilaic mai, ƀôh dôm urang pakan dok thoh krưh dang dalam darak, 4yơ đôm thong khol nhu laic: ‘Dôm xaai xang tamư bơn nho dahlak, mưca dahlak biyar kong ghơh ligeh ka.’ Khol nhu nao vêt. 5Nôic tha pluh dwa tuk jala, thong tuk klau biêr harei, pô gilaic tabiak, thong lijang ngak yau nan. 6Nôic tuk limư biêr harei, pô tabiak nao thong ƀôh dôm urang pakan krưh dang yơ đôm thong khol nhu laic: ‘Habar dôm xaai dang thoh pak ni taluic harei yau nan?’ 7Khol nhu thuuk: ‘Kaywa ôh thei apah khol dahlak trah.’ Pô đôm thong khol nhu: ‘Dôm xaai lijang xang tamư bơn nho dahlak.’
8Tal xup, pô bơn nho đôm thong urang mong iơk laic: ‘Xang iêu abih urang ngak kong mưrai thong biyar kong ka khol nhu, raup mưng mưnuix taluic tal mưnuix dahlau.’ 9Dôm urang bihu apah mưng tuk limư biêr harei mai, yāup mưnuix tôk mưk bihu tha đơ-ni-ê. 10Tuk dôm urang dahlau mưrai, khol nhu đaka mưca bihu ralô hơl; min khol nhu lijang tôk mưk tha đơ-ni-ê. 11Tuk mưk jiên kong, khol nhu thok drak thong pô. 12Khol nhu đôm: ‘Dôm urang taluic ni ciêt ngak tha tuk, bloh pô lijang dok dang dô gaup yau khol dahlak nạn dôm urang krung hu xang ngak trak damak thong padang di pađiak taluic harei.’ 13Min pô thuuk thong tha urang dalam khol nhu laic: ‘Ayut lơy, dahlak ôh dok dang jwak jih thong hư ô! Ôh njaup hư krung hu he ho thong dahlak nạn tha đơ-ni-ê ô habar? 14Xang mưk jiên kong bloh nao mek; dahlak ưng biyar ka mưnuix taluic ni yau krung hu biyar ka hư yau nan. 15Gađi halei dahlak ôh bihu idin angui dôm haget anưd dahlak tui hatai dahlak ô? Ngan hư ayut ƀôh dahlak lanưng hatai bloh jhak hatai habar?’ 16#Mat 19:30; Mag 10:31; Lu 13:30.Yau nan, mưnuix taluic mưca gilaic jiơng tamưrơp, dok mưnuix tamưrơp mưca gilaic jiơng taluic.”
Ƀang ya klau Pô Yê-su brei thau dahlau ka gruk Bhô mưtai thong diup vơk
(Mag 10:32-34; Lu-ka 18:31-34)
17Dalam tuk nao tagôk dhan Yê-ru-sa-lem, Pô Yê-su ba tha pluh dwa [anưk xêh]#20:17 [anưk xêh]: Dalam tha thanôn blah vak tangin ôh hu dôm akhar ni. tabiak karei, thong bican thong khol nhu laic: 18“Mưni, khol drei nao tagôk dhan Yê-ru-sa-lem, thong Anưk Mưnuix mưca gok jao di tangin dôm gru mưliêng prong thong gru pato adat. Mưca khol nhu padok an binax Bhô, 19bloh jao Bhô ka mưnuix Bôl-Lingiu piêh khol nhu jhơk jhel, atong poh thong pang đin ngok gai gan gak. Min tal harei ya klau, mưca Bhô diup vơk.”
Panôic likau kanư anưd amek Yâng thong Ya-kơ
20Tuk nan, hu amek dôm anưk likei Xê-ƀê-đê mưthong dwa urang anưk drei mưrai tom Pô Yê-su khôi trun thong likau di Bhô tha bruk. 21Bhô tanhi: “Muk ưng likau kabha haget?” Muk pathau: “Likau ka dwa urang anưk likei dahlak ni, tha urang dok gah hanuk, tha urang dok gah iu Pô, dalam dit biya Bhô.” 22Pô Yê-su thuuk: “Khol hư ôh thau kabha drei likau. Khol hư hu mưda mưnhum panhin Ita thi mưnhum halei?” Khol nhu thuuk: “Pathau Pô, mưda bihu.” 23Bhô đôm thong khol nhu: “Khol hư mưca mưnhum panhin Ita; min bruk dok gah iu ngan gah hanuk Ita, yơ Ita ôh brei bihu. Libik nạn piêh ka dôm urang bloh Amư Ita krung hu thrap gap.”
24Hamit yau nan, tha pluh anưk xêh dêh biak dangih di dwa dei ai nan. 25#Lu 22:25,26.Min Pô Yê-su iêu khol nhu mưrai thong adan laic: “Khol hư thau dôm kar pan gon mưnuix Bôl-Lingiu pakrang bôl, dok dôm kwan glong pakat yơ angui xagti bloh pakrang. 26#Mat 23:11; Mag 9:35; Lu 22:26.Min krưh khol hư yơ ôh njaup yau nan; gilaic vơk, thei ưng ngak prong dalam khol hư, yơ xang ngak halun; 27dok thei ưng dang dahlau, yơ xang ngak halun kloh ka khol hư. 28Bahkan Anưk Mưnuix krung hu mưrai, ôh njaup piêh bihu mưnuix urang ragxa drei, min piêh ragxa mưnuix urang thong jao xwan diup drei ngak yom tabuh ka ralô urang.”
Pô Yê-su pajru dhit dwa urang tagloh pak Yê-ri-kô
(Mag 10:46-52; Lu-ka 18:35-43)
29Tuk Pô Yê-su thong dôm anưk xêh tabiak truh di dhan Yê-ri-kô, tha tapôr mưnuix biak ralô nao tui Bhô. 30Dêh, hu dwa urang tagloh dok gah jalan, hamit đôm Pô Yê-su nao gan nan yơ prêu khang hơl: “Anưk patao Đa-vit lơy, likau athur alim khol dahlak!” 31Bôl bhap pôic ka khol nhu, pađar gađang mek; min khol nhu bik prêu tagôk: “Anưk patao Đa-vit lơy, likau di Pô athur alim khol dahlak!” 32Pô Yê-su dơh vơk iêu khol nhu mưrai thong đôm: “Khol hư ưng Ita ngak haget ka khol hư?” 33Khol nhu thuuk: “Pô lơy, likau ka mưta khol dahlak bihu pơh tabiak!” 34Pô Yê-su ganơh anit, yơ ravơk mưta dwa urang. Binhêt khol nhu bihu hadah mưta thong nao tui Bhô.
© 2024 Bible Society Vietnam. All rights reserved.
Ma-thi-ơ 20
20
Mưnuix ngak kong dalam bơn nho
1“Dit Biya Thôr Riga drơh yau tha pô bơn nho dêh, pagê pe tabiak nao apah mưnuix ngak kong dalam bơn nho drei. 2Hadei di tuk krung hu he ho thong dôm mưnuix ngak kong yāup harei tha đơ-ni-ê, pô pađar khol nhu tamư bơn nho. 3Nôic thalipan tuk pagê, pô gilaic mai, ƀôh dôm urang pakan dok thoh krưh dang dalam darak, 4yơ đôm thong khol nhu laic: ‘Dôm xaai xang tamư bơn nho dahlak, mưca dahlak biyar kong ghơh ligeh ka.’ Khol nhu nao vêt. 5Nôic tha pluh dwa tuk jala, thong tuk klau biêr harei, pô gilaic tabiak, thong lijang ngak yau nan. 6Nôic tuk limư biêr harei, pô tabiak nao thong ƀôh dôm urang pakan krưh dang yơ đôm thong khol nhu laic: ‘Habar dôm xaai dang thoh pak ni taluic harei yau nan?’ 7Khol nhu thuuk: ‘Kaywa ôh thei apah khol dahlak trah.’ Pô đôm thong khol nhu: ‘Dôm xaai lijang xang tamư bơn nho dahlak.’
8Tal xup, pô bơn nho đôm thong urang mong iơk laic: ‘Xang iêu abih urang ngak kong mưrai thong biyar kong ka khol nhu, raup mưng mưnuix taluic tal mưnuix dahlau.’ 9Dôm urang bihu apah mưng tuk limư biêr harei mai, yāup mưnuix tôk mưk bihu tha đơ-ni-ê. 10Tuk dôm urang dahlau mưrai, khol nhu đaka mưca bihu ralô hơl; min khol nhu lijang tôk mưk tha đơ-ni-ê. 11Tuk mưk jiên kong, khol nhu thok drak thong pô. 12Khol nhu đôm: ‘Dôm urang taluic ni ciêt ngak tha tuk, bloh pô lijang dok dang dô gaup yau khol dahlak nạn dôm urang krung hu xang ngak trak damak thong padang di pađiak taluic harei.’ 13Min pô thuuk thong tha urang dalam khol nhu laic: ‘Ayut lơy, dahlak ôh dok dang jwak jih thong hư ô! Ôh njaup hư krung hu he ho thong dahlak nạn tha đơ-ni-ê ô habar? 14Xang mưk jiên kong bloh nao mek; dahlak ưng biyar ka mưnuix taluic ni yau krung hu biyar ka hư yau nan. 15Gađi halei dahlak ôh bihu idin angui dôm haget anưd dahlak tui hatai dahlak ô? Ngan hư ayut ƀôh dahlak lanưng hatai bloh jhak hatai habar?’ 16#Mat 19:30; Mag 10:31; Lu 13:30.Yau nan, mưnuix taluic mưca gilaic jiơng tamưrơp, dok mưnuix tamưrơp mưca gilaic jiơng taluic.”
Ƀang ya klau Pô Yê-su brei thau dahlau ka gruk Bhô mưtai thong diup vơk
(Mag 10:32-34; Lu-ka 18:31-34)
17Dalam tuk nao tagôk dhan Yê-ru-sa-lem, Pô Yê-su ba tha pluh dwa [anưk xêh]#20:17 [anưk xêh]: Dalam tha thanôn blah vak tangin ôh hu dôm akhar ni. tabiak karei, thong bican thong khol nhu laic: 18“Mưni, khol drei nao tagôk dhan Yê-ru-sa-lem, thong Anưk Mưnuix mưca gok jao di tangin dôm gru mưliêng prong thong gru pato adat. Mưca khol nhu padok an binax Bhô, 19bloh jao Bhô ka mưnuix Bôl-Lingiu piêh khol nhu jhơk jhel, atong poh thong pang đin ngok gai gan gak. Min tal harei ya klau, mưca Bhô diup vơk.”
Panôic likau kanư anưd amek Yâng thong Ya-kơ
20Tuk nan, hu amek dôm anưk likei Xê-ƀê-đê mưthong dwa urang anưk drei mưrai tom Pô Yê-su khôi trun thong likau di Bhô tha bruk. 21Bhô tanhi: “Muk ưng likau kabha haget?” Muk pathau: “Likau ka dwa urang anưk likei dahlak ni, tha urang dok gah hanuk, tha urang dok gah iu Pô, dalam dit biya Bhô.” 22Pô Yê-su thuuk: “Khol hư ôh thau kabha drei likau. Khol hư hu mưda mưnhum panhin Ita thi mưnhum halei?” Khol nhu thuuk: “Pathau Pô, mưda bihu.” 23Bhô đôm thong khol nhu: “Khol hư mưca mưnhum panhin Ita; min bruk dok gah iu ngan gah hanuk Ita, yơ Ita ôh brei bihu. Libik nạn piêh ka dôm urang bloh Amư Ita krung hu thrap gap.”
24Hamit yau nan, tha pluh anưk xêh dêh biak dangih di dwa dei ai nan. 25#Lu 22:25,26.Min Pô Yê-su iêu khol nhu mưrai thong adan laic: “Khol hư thau dôm kar pan gon mưnuix Bôl-Lingiu pakrang bôl, dok dôm kwan glong pakat yơ angui xagti bloh pakrang. 26#Mat 23:11; Mag 9:35; Lu 22:26.Min krưh khol hư yơ ôh njaup yau nan; gilaic vơk, thei ưng ngak prong dalam khol hư, yơ xang ngak halun; 27dok thei ưng dang dahlau, yơ xang ngak halun kloh ka khol hư. 28Bahkan Anưk Mưnuix krung hu mưrai, ôh njaup piêh bihu mưnuix urang ragxa drei, min piêh ragxa mưnuix urang thong jao xwan diup drei ngak yom tabuh ka ralô urang.”
Pô Yê-su pajru dhit dwa urang tagloh pak Yê-ri-kô
(Mag 10:46-52; Lu-ka 18:35-43)
29Tuk Pô Yê-su thong dôm anưk xêh tabiak truh di dhan Yê-ri-kô, tha tapôr mưnuix biak ralô nao tui Bhô. 30Dêh, hu dwa urang tagloh dok gah jalan, hamit đôm Pô Yê-su nao gan nan yơ prêu khang hơl: “Anưk patao Đa-vit lơy, likau athur alim khol dahlak!” 31Bôl bhap pôic ka khol nhu, pađar gađang mek; min khol nhu bik prêu tagôk: “Anưk patao Đa-vit lơy, likau di Pô athur alim khol dahlak!” 32Pô Yê-su dơh vơk iêu khol nhu mưrai thong đôm: “Khol hư ưng Ita ngak haget ka khol hư?” 33Khol nhu thuuk: “Pô lơy, likau ka mưta khol dahlak bihu pơh tabiak!” 34Pô Yê-su ganơh anit, yơ ravơk mưta dwa urang. Binhêt khol nhu bihu hadah mưta thong nao tui Bhô.
© 2024 Bible Society Vietnam. All rights reserved.