2 കൊരിന്ത്യഗാറാര് ഈ ബൊക്കുന പറ്റി സ്‌ന്ന ഒന്റു സേദി
ഈ ബൊക്കുന പറ്റി സ്‌ന്ന ഒന്റു സേദി
കൊരിന്ത്യാല ഏസ്സ്‌ഗാറാര് കൂട്ടത്തോഡ തനാക്ക് ഇര്‌ക്കുവ ഉറാവുല് തൊന്തറെഗാള് ബന്ത ഗളിഗേല്‌ത്തെ പവുലോസു ഈ എ്ള്‌ത്ത് എ്ള്‌ദ്‌നാദ്. അദ്‌ല ഏസ്സ്‌ഗാറാര് കൂട്ടാത്ത്‌ല ലേസ ആള്‌ഗാള് പവുലോസോഡ മ്‌ഗ്‌ന്ത പോട്ടിക്ക് നിന്റാര്. ആന പവുലോസു അവാരോഡ രാജി കൂഡി പിര്യപിര്യാത്തോഡ ഇര്‌ക്ക്യ മ്‌ഗ്‌ന്ത ആസെപഡ്‌ന്റാന്. ഇത്തെ അവാരോഡ രാജി കൂഡി പിര്യപിര്യാത്തോഡ ഇര്‌ക്ക്യ മുഡിന്താദ്‌നാലെ പവുലോസു ദൊഡ്ഡ പിര്യപഡ്‌ന്റാന്.
ഈ എ്ള്‌ത്ത്‌ല് പവുലോസു കൊരിന്ത്യാല ഏസ്സ്‌ഗാറാരോഡ തനാക്ക് ഇര്‌ക്കുവ എ്ണേവുന പറ്റി മുദാല് സൊല്ലിര്‌ക്ക്‌ന്റാന്. അയി ഏസ്സ്‌ഗാറാര് കൂട്ടാത്ത്‌ലവാര് തനാന മാനഗെ്ഡ്‌സ്‌നാദ്‌ക്ക്‌മ് പോട്ടിക്ക് നിന്റാദ്‌ക്ക്‌മ് താന് കഡ്‌പ്പത്തോഡ ബദ്‌ല് സൊന്നാദ് എന്ത്‌ക്കെന്റ്‌മ് പ്‌റ പവുലോസു സൊല്ലിര്‌ക്ക്‌ന്റാന്. അത്തെ ബദ്‌ല് സൊന്നാദ്‌നാലെ അവാര് പാവ ഗേവാദ്‌ന തള്ളി സാമിസാരി തിരിഗി തന്നോഡ രാജി കൂഡി പിര്യപിര്യാത്താനാര് എന്റ് നെനേത്ത് പവുലോസു ദൊഡ്ഡ പിര്യപഡ്‌ന്റാന്. പ്‌റ എഗുദ നാഡ്‌ല് ബുദ്ദിമുട്ടു ഇര്‌ക്കുവ ഏസ്സ്‌ഗാറാര്‌ക്ക് ദറ്‌മ്മ കൊഡുത്തു അവാര്‌ന കയിതാങ്കുഡൊ എന്റ്‌മ് അവാര്‌ക്ക് സൊന്റാന്. കൊരിന്ത്യാല ലേസ ആള്‌ഗാള് തമ്മാത്തെ നേര്‌മാന അപ്പോസുത്തലാര് എന്റ്‌മ് പവുലോസു നേര്‌മാന അപ്പോസുത്തലാന് അല്ല എന്റ്‌മ് സൊന്റവാരോഡ താന്‌ത്തെ നേര്‌മാന അപ്പോസുത്തലാന് എന്റ് കഡേസി അദ്ദ്യായഗാള്‌ല് പവുലോസു ഒന്റൊന്റു നായഗാള് സൊല്ലി കാട്ടി കൊഡുക്കുന്റാന്.
ഈ ബൊക്കുലു അഡാങ്കിര്‌ക്കുവാദ്
ഈ എ്ള്‌ത്ത്‌ന പറ്റി സ്‌ന്ന ഒന്റു സേദി1:1–11
പവുലോസുമ് കൊരിന്ത്യാല ഏസ്സ്‌ഗാറാര് കൂട്ടാമ്1:12—7:16
എഗുദ നാഡ്‌ല ഏസ്സ്‌ഗാറാര്‌ക്കുള്ള ദറ്‌മ്മ8:1—9:15
അപ്പോസുത്തലാന് എന്നുവ അദിഗര തനാക്ക് ഇര്‌ക്ക്‌ന്റ് എന്റ് പവുലോസു കാട്ടി കൊഡുക്കുന്റാന്10:1—13:10
ഈ എ്ള്‌ത്ത് മുഡിക്കുവാദ്13:11–13
New Life Computer Institute