Maleakhi 4
4
Nenaik ’gain Onuk Logo a’ge pobuk wagalat tua wene
1Nenaik ’gain Onuk Logo a’ge di a’ge yu a’ge tu nak a’ge ano en wene mesik disogo egei,
“Pobuk an nowi ai, dakha osoam e, aphwami logon onu’gwarek en erlikhorlogwi a’ge ai emin, enebabut wiak togwi a’ge ai emin, enebe e’gela ’buk a’ge odouk en nasu ai ’gela’ge mesik ukpo erlakma en odouk en modogat nouwa o. 2Asogo a’geat de, o mo yegelogo orlu ago ai ’gela’ge, an nebe his an honogorloksogo welegep a’ge nak e, delhenebigoluk weiktik, o mo henebam yogo pasu ai ’gela’ge obap henebil weik o. Asogo takhenebasuam e, wam sapi pou a’ge owi pam en husogo lebikpou wagaiam einoma agai en suet dok ebiso ai ’gela’ge tua o. 3O ai erlige re, an nannisogo tisoam e, his en aphwami wiak togwi a’ge ai mabenap enebagup ani o. Asogo mabenap onoboluk, enebe ollong a’ge ’gela’ge honoyuk en al ’besilogo ’bo enebagup ani o.
4An en wene his aphwami Israel a’ge henebe ’berlegat en wene pelal wogo a’ge pam louktak togu lemagoluk dom Sinai pam en e,
Disogo togu lomup, asogo togu lomup, oluk henesa’go wusogo neragam a’ge Musa en mo’gulhontuagoluk mo’gulegismu mo’gulhentesi wene ai henede eberak wolomup o.
5 #
Mat. 11:14; 17:10-13; Mrk. 9:11-13; Luk. 1:17; Yoh. 1:21 Asogo a’geat de, o onogorlok a’ge dakha ua ai, owan dakha u erlak oruakhwe re, an en ap Elia an niak mo’gulentasu laga a’ge ano yo’go oboluk hene’bek perakpou weik o. 6Pobuk an nebe weiktik honowi modok wiagap paikno oluk, at ebe wotluk e, ap enaiklak en eneiyagai enedeap onobogulat, eneiyagai en enaiklak enedeap onobogularat, tuagoluk tagonobua o,” oluk egei.
