ᑎᐱᑦ ᐅᓂᑭᒧᐅᓇ 106
106
Psalm 106:1-6, 19-23 (Proper-23 Year A)
1ᒪᒥᒋᒥᐧᒄ ᑎᐸᔨᒋᒐᓱᐤ !
ᐅ ᓂᓇᔅᑯᒥᐧᒄ ᑎᐸᔨᒋᒐᓱᐤ; ᐛᔅ ᒥᔽᑎᓯᐤ:
ᐛᔅ ᐅᓱᐛᔨᒋᒐᐅᓐ ᑲᒋᒡ ᒋᑭ ᑎᑯᓂᔪᐤ᙮
2ᐊᐛᓐ ᒐᒋ ᐎᑕᒺᑦ ᐅᓱᐧᑲᑎᓯᐅ-ᐃᑐᐅᓂᔪᐛ ᑎᐸᔨᒋᒐᓱᐛ ?
ᐊᐛᓐ ᒐᒋ ᓄᑯᑕᐛᑦ ᒥᓯᐛ ᐅᒪᒥᒋᒥᑯᓯᐅᓂᔪᐤ ?
3ᓱᐛᔨᑕᑯᓱᐅᒡ ᐊᓐᒡ ᑲ ᑭᓄᐛᔨᑕᒡ ᑎᐸᔅᑯᓂᒐᐅᓂᔪᐤ,
ᐊᓐ ᑭᔭ ᒧᔅ ᑲ ᐃᑐᑕᐧᒃ ᑯᐃᔅᑯᑕᑎᓯᐅᓂᔪᐤ᙮
4ᒋᔅᒋᑐᐎ, ᐅ ᑎᐸᔨᒋᒐᓱᐤ, ᑲ ᐃᓯ ᒋᓴᐛᑐᑐᐅᑥᐤ ᒋᑦ ᐃᔨᒥᒡ:
ᐅ ᒧᐅᐱᔅᑐᐎ ᒋᐱᒪᒋᐃᐛᐅᓐ ᐅᒡ;
5ᒐᒋ ᐛᐸᑎᒪᓐ ᐊ ᒥᔪᐊᔭᒡ ᒋᐅᐛᔭᐱᒪᑭᓐᒡ,
ᒐᒋ ᒧᒋᒐᔨᑎᒪᓐ ᐊ ᓯᒋᔭᓯᒡ ᒋᑦ ᐃᔨᒥᒡ,
ᒐᒋ ᐎᒋ ᒥᔽᔨᑎᒧᒥᒂᐤ ᒋᑎᐸᔨᒪᑭᓐᒡ᙮
6ᓂᒋ ᐎᒋ ᒥᒋᑐᑎᒧᒪᓇᓐᒡ ᓄᑕᐎᓇᓐᒡ,
ᓂᒋ ᒥᒐᑎᓱᐅ-ᑐᑕᓇᓐ,
ᓂᒋ ᒥᒋᐃᔨᑎᓇᓐ᙮
7ᓄᑕᐎᓇᓐᒡ ᓇᒪᐎᔾ ᐅᒋ ᓂᔅᑐᑎᒧᒡ ᒋᒪᒥᔅᑲᒡ-ᐃᑐᐅᓇ ᐃᒋᑉᑎᒡ;
ᓇᒪᐎᔾ ᐅᒋ ᒋᔅᒋᐅᒡ ᐊᔅᐱᔅ ᒥᒐᓂᔨᒋ ᒋᓱᐛᔨᒋᒐᐅᓇ;
ᒪᒃ ᒋ ᒋᔄᐛᐅᒡ ᐎᓂᐸᑯᒡ, ᒥᒂᑭᒥ ᐎᓂᐸᑯᒡ ᐅᑦ᙮
8ᐃᔭᐱᒡ ᒪᒃ ᒋ ᐱᒪᒋᐊᐤ ᐅᑦ ᐃᓯᓂᐧᑲᓱᐅᓐ ᐅᒡ,
ᒐᒋ ᒋᔅᒐᔨᑕᑯᑕᑦ ᐅᑭᔅᒋᐅᓐ᙮
9ᒋ ᔅᑐᑎᒻ ᑭᔭ ᒥᒂᑭᒥ ᐎᓂᐸᑯᔪᐤ, ᐊᑯ ᐱᐊᔅᑕᔨᒡ:
ᒋ ᓴᐳᑐᐛᑕᐊᐤ ᒪᒃ ᐊᓐᑕ ᐊ ᒋᔅᑲᔭᐛᔨᒡ ᒧᔭᒻ ᐸᐧᑯᑎᔅᑭᒥᑲᒡ᙮
10ᒋ ᐎᐧᑯᒋᐊᐤ ᒪᒃ ᐅᑎᒋᔨᒡ ᐅᒋ ᑲ ᐛᐧᑲᑎᑯᔨᒋ,
ᑭᔭ ᒋ ᐱᒪᒋᐊᐤ ᐅᑎᒋᔨᒡ ᐅᒋ ᑲ ᒪᓯᐃᑯᐃᒋ᙮
11ᓂᐱᔪᐤ ᒪᒃ ᒋ ᐊᒂᓇᐅᑯᔪᐛ ᑲ ᐛᐧᑲᑎᑯᔨᒋ;
ᓇᒪ ᐛᐛᒡ ᐸᐃᒄ ᒋ ᐃᔅᑯᐱᔪᐛ᙮
12ᐊᑯ ᑎᔭᑈᑎᒺᒡ ᐅᑦ ᐃᔨᒧᐅᓂᔪᐤ;
ᐊ ᓂᑭᒧᒡ ᒋ ᒪᒥᒋᒪᐅᒡ᙮
13ᐎᐱᒡ ᒋ ᐅᓂᒋᔅᒋᐛᐅᒡ ᐅᑦ ᐊᑐᔅᒐᐅᓂᔪᐤ;
ᓇᒪᐎᔾ ᐅᒋ ᐊᓯᓂᐛᑕᐛᐅᒡ ᐅᑭᒐᔅᒋᒧᐛᐅᓂᔪᐤ:
14ᒪᒃ ᓇᔅᒡ ᒋ ᒥᒋᐃᑕᔨᑎᒧᒡ ᐸᐧᑯᑎᔅᑭᒥᑲᒡ;
ᑭᔭ ᒋ ᑯᒂᒋᐊᐅᒡ ᒋᓴᒪᓂᑐᐛ ᐊᓐᑕ ᐊ ᒋᐛᑕᔨᑕᑯᓂᔨᒡ ᐊᔅᒋᔪᐤ᙮
15ᒋ ᒥᔭᐤ ᒪᒃ ᑲ ᐃᓯ ᓂᑐᑎᒪᔨᒋ;
ᒪᒃ ᑯᐧᑭᑕᐅᓂᔪᐤ ᒋ ᐃᑎᓴᐊᒧᐛᐤ ᐅᑦ ᐊᒐᐧᑯᔪᐛ᙮
16ᒋ ᐅᑕᔨᒪᐅᒡ ᒧᓱᓴ ᑭᔭ ᐊᓐᑕ ᐊ ᐎᒋᓇᓄᐎᒡ,
ᑭᔭ ᐊᕋᓇ ᐅᐸᔭᒋᓯᒪ ᑎᐸᔨᒋᒐᓱᐤ᙮
17ᐊᔅᒋᔾ ᒋ ᑕᑐᐱᔪᐤ ᑭᔭ ᒋ ᑯᒋᐸᔨᐃᑯᐤ ᑕᑕᓐ,
ᑭᔭ ᒋ ᐊᒂᓇᐅᑯᔪᐛ ᐅᐎᒐᐛᑭᓇ ᐊᐸᐃᕋᒻ᙮
18ᐃᔅᑯᑕᔪᐤ ᒪᒃ ᒋ ᓯᔅᑕᐱᔪᐤ ᐅᒪᐅᒋᑐᐅᓄᐛᒡ,
ᐃᔅᑯᑕᔪᐤ ᒋ ᐃᔎᓱᑯᐅᒡ ᐅᒥᒋᑥᐅᒡ᙮
Psalm 106:1-6, 19-23 (Proper-23 Year A)
19ᒋ ᐅᓯᐊᐅᒡ ᒥᓂᑐᐧᑲᓇ ᒥᒋᑎᒂ ᐊ ᐃᓯᓇᑯᓯᔨᒋ ᐦᐅᕋᐱᒡ,
ᑭᔭ ᒋ ᐊᔭᒥᐊᔅᑐᐛᐅᒡ ᑎᒋᓯᑭᓂ ᒥᓂᑐᐧᑲᓇ᙮
20ᐅᔭᔪᐤ ᐃᔅ ᒪᒃ ᒋ ᒂᔅᒋᓂᒧᒡ ᐅᒋᔅᑕᔨᑕᑯᓱᐅᓄᐛᐤ
ᒐᒋ ᐃᓯᓇᒂᓂᔨᒡ ᒧᔭᒻ ᒥᔅᑐᔅ ᑲ ᒥᒋᑦ ᒥᔅᑯᓱᐛ᙮
21ᒋ ᐅᓂᒋᔅᒋᑐᐛᐅᒡ ᒋᓴᒪᓂᑐᐛ ᐅᐱᒪᒋᐃᐛᒧᐛᐛ,
ᑲᒋ ᐃᑐᑎᒥᔨᒋ ᒥᔅᑎ ᒐᒂᓇ ᐃᒋᑉᑎᒡ;
22ᒪᒥᔅᑲᒡ ᐊᑐᔅᒐᐅᓇ ᐦᐊᒪ ᐅᑦ ᐊᔅᒋᔨᒡ,
ᑭᔭ ᑲ ᑯᔅᑕᑕᔨᑕᒂᓂᔨᒋ ᒥᒂᑭᒥ ᐎᓂᐸᑯᒡ᙮
23ᐊᔪᐅᒄ ᐛᒋ ᐃᔅᒋᔄᑦ ᒐᒋ ᓂᓱᐅᓇᒋᐊᑦ,
ᒥᓱᐧᒄ ᒧᓱᓴ ᐅᐛᔭᐱᒪᑭᓇ, ᐊᑲ ᐅᒋ ᐅᑎᔅᑯᑲᐳᔅᑕᑯᑯᐱᓇ ᐊᓐᑕ ᐊ ᐱᑯᐱᑕᑭᓄᐎᔨᒡ,
ᒐᒋ ᐳᓂ ᐊᐧᑯᔪᐛᓯᐃᑯᑦ, ᒐ ᐊᑲ ᒋ ᓂᓱᐅᓇᒋᐊᑦ᙮
24ᓂᐦᐃ, ᒋ ᐊᑐᐛᔨᑎᒧᒡ ᒥᔪ ᐊᔅᒋᔪᐤ;
ᓇᒪᐎᔾ ᐅᒋ ᑕᑈᑎᒺᐅᒡ ᐅᑦ ᐃᔨᒧᐅᓂᔪᐤ;
25ᒪᒃ ᒋ ᐎᔭᔅᑕᔨᑎᒧᒡ ᐎᒋᐛᐛᒡ;
ᓇᒪ ᑭᔭ ᐅᒋ ᓂᑐᑐᐛᐛᒡ ᐊ ᐃᔅᒋᔄᔨᒋ ᑎᐸᔨᒋᒐᓱᐛ᙮
26ᐊᔪᐅᒄ ᐛᒋ ᐅᐱᓂᔅᒐᔨᔅᑐᐛᑦ,
ᒐᒋ ᓂᓱᐅᓇᒋᐊᑦ ᐸᐧᑯᑎᔅᑭᒥᑲᒡ:
27ᒐᒋ ᓂᓱᐅᓇᒋᐃᒪᑦ ᐅᑦ ᐊᐛᓯᒥᓯᔨᐛ ᑭᔭ ᐊᓐᑕ ᐊ ᐃᑕᔨᒋ ᐊᑲ ᐊᔭᒥᐊᔨᒋ,
ᑭᔭ ᐅᓴᔄᑎᓴᐛᑦ ᐸᐱᑐᔅ ᐊᔅᒋᒡ᙮
28ᒋ ᐎᒐᐛᐅᒡ ᐸᓪ-ᐱᐊᕋ,
ᑭᔭ ᒋ ᒥᒍᐛᐅᒡ ᑲ ᓂᐱᔨᒋ ᐅᐱᔅᑎᓂᒐᐅᓂᔨᐛ᙮
29ᐊᑯ ᑲ ᒋᔄᐊᐛᒡ ᐅᒡ ᐊᓂᔭᔪᐤ ᑲ ᐃᓯ ᒥᔅᑯᐛᔭᔨᑕᒡ ᒐ ᐃᔨᑎᒡ:
ᐊᑯ ᐛᑎᑎᑯᒡ ᐊᐧᑯᐃᑕᔅᐱᓇᐅᓂᔪᐤ᙮
30ᐊᑯ ᐸᓯᑯᑦ ᐱᓂᔭᔅ, ᑭᔭ ᒋ ᑎᐱᑐᑎᒻ ᑎᐸᔅᑯᓂᒐᐅᓂᔪᐤ:
ᐊᑯ ᒪᒃ ᑲ ᒋᐱᒋᐱᔨᒡ ᐊᐧᑯᐃᑕᔅᐱᓇᐅᓂᔪᐤ᙮
31ᐅᔭᔪᐤ ᒪᒃ ᐅᒋ ᑯᐃᔅᑯᑕᑎᓯᐤ ᒋ ᐃᑕᒋᒪᑭᓄᐤ,
ᒥᓯᐛ ᑲᒋᒡ ᒐ ᐊᑎ ᐊᓂᔅᒐ ᐱᒪᑎᓯᓇᓄᐎᔨᒡ᙮
32ᒋ ᒋᔄᐊᐅᒡ ᑭᔭ ᐊᓐᑕ ᑯᒂᒋᐃᐛᐤ ᓂᐱᒡ,
ᐊᑯ ᒪᒋᐱᐃᑯᔨᒋ ᒧᓱᓴ ᐎᔨᐛᐤ ᐅᒡ;
33ᐛᔅ ᒋ ᐎᔭᔅᑕᔨᑎᒥᐃᒪᐅᒡ ᐅᑦ ᐊᒐᐧᑯᔨᐛ,
ᐊᑯ ᒪᒃ ᓂᑐᐎ ᑲ ᐃᓯ ᐃᔨᒥᔨᒋ᙮
34ᓇᒪᐎᔾ ᐅᒋ ᓂᓱᐅᓇᒋᐊᐅᒡ ᐊᓂᔭ ᑲ ᐃᑎᔅᑲᓇᓯᔨᒋ ᐃᔪᐛ,
ᑲᒋ ᐃᑎᓱᐛᑎᑯᒡ ᒋᓴᒪᓂᑐᐛ:
35ᒪᒃ ᒋ ᐛᐎᒐᐅᒡ ᐊᑲ ᐊᔭᒥᐊᔨᒋ,
ᐊ ᒋᔅᒋᓄᐛᐸᑎᒺᒡ ᐅᑦ ᐃᑐᐅᓂᔪᐛ᙮
36ᒋ ᐊᑐᔅᒐᔅᑐᐅᒪᐅᒡ ᑭᔭ ᐅᒥᓂᑐᐧᑲᓂᒥᔪᐛ;
ᐊᓂᔭ ᑲ ᓇᒂᑎᑯᒡ᙮
37ᓂᐦᐃ, ᐅᑯᓱᐛᐛ ᑭᔭ ᐅᑕᓂᓱᐛᐛ ᒋ ᐱᔅᑎᓂᒧᐛᐅᒡ ᒥᒋᒥᓂᑐᐛ᙮
38ᑭᔭ ᒋ ᓯᒋᓂᒧᒡ ᐸᔭᒋ-ᒥᐧᑯᔪᐤ,
ᐅᒥᐧᑯᒥᔪᐤ ᐅᑯᓱᐛᐛ ᑭᔭ ᐅᑕᓂᓱᐛᐛ,
ᑲ ᐱᔅᑎᓂᒧᐛᒡ ᑲᐃᓇᓐ ᒥᓂᑐᐧᑲᓇ:
ᐊᔅᒋᔾ ᒪᒃ ᒋ ᐎᓇᐤ ᒥᐧᒄ ᐅᒋ᙮
39ᐊᑯ ᒪᒃ ᐊᔪᐅᒄ ᑲ ᐃᓯ ᐅᓂᐃᑯᒡ ᑎᐱᔨᐛ ᐅᑦ ᐃᑐᐅᓄᐛᐛ,
ᑭᔭ ᒋ ᐱᓯᒂᒋᑐᑎᒧᒡ ᑎᐱᔨᐛ ᑲ ᐃᓯ ᒥᔅᑯᐛᔭᔨᑕᒡ ᒐ ᐃᑎᒡ᙮
40ᐊᔪᐅᒄ ᐛᒋ ᐊᐧᑯᔪᐛᓯᔅᑐᐛᑦ ᑎᐸᔨᒋᒐᓱᐤ ᐅᑦ ᐃᔨᒪ,
ᐊᓐᑕ ᑲ ᐅᒋ ᐛᐧᑲᑕᑦ ᑎᐱᔨᐛ ᐅᑎᐸᔨᒪᑭᓇ᙮
41ᒋ ᐸᒋᑎᓇᐤ ᒪᒃ ᐅᑎᒋᔨᒡ ᐊᑲ ᐊᔭᒥᐊᔨᒋ;
ᐊᓂᔭ ᒪᒃ ᑲ ᐛᐧᑲᑎᑯᔨᒋ ᒋ ᑎᐸᔨᒥᑯᔪᐛ᙮
42ᒋ ᐊᔨᒥᐃᑯᐅᒡ ᒪᒃ ᐊᓂᔭᔪᐛ ᑲ ᐛᐧᑲᑎᑯᒡ,
ᑭᔭ ᒋ ᓴᐧᑯᒋᐃᑯᐅᒡ ᒐ ᑎᐸᔨᒥᑯᒡ᙮
43ᒥᒐᑥᐤ ᒋ ᐎᐧᑯᒋᐊᐤ;
ᒪᒃ ᒋ ᐎᔭᔅᑕᔨᑎᒥᐃᑯᐛᐤ ᐅᓯᒋᒥᑐᐅᓂᔨᐛ,
ᑭᔭ ᒋ ᒋᔅᑎᒥᐃᒪᑭᓄᐎᔪᐛ ᐅᒥᒐᑎᓯᐅᓂᔪᐤ ᐅᒡ᙮
44ᐃᔭᐱᒡ ᒪᒃ, ᒋ ᐱᓯᒋᑎᒺᐤ ᐅᓂᓇᐧᑲᒋᐃᑯᓯᐅᓂᔪᐤ,
ᐃᔅᐱ ᐱᔭᑐᐛᑦ ᐊ ᒪᑕᑯᑦ;
45ᒋ ᒋᔅᒋᑎᒺᐤ ᐅᓂᔅᑯᒥᑐᐅᓐ,
ᑭᔭ ᒋ ᒂᔅᒐᔨᑎᒻ ᑲ ᐃᓯ ᒥᒐᓂᔨᒋ ᐅᒋᔅᑎᒪᒐᔨᒋᒐᐅᓇ᙮
46ᑭᔭ ᒋ ᐃᑐᑎᒻ ᒐᒋ ᒋᔅᑎᒪᒐᔨᒥᑯᔨᒋ
ᒥᓯᐛ ᐊᓂᔭᔪᐛ ᑲ ᒋᔅᑐᑎᐃᑯᔨᒋ ᒐᒋ ᒪᒪᒋᑯᓂᑯᔨᒋ᙮
47ᐱᒪᒋᐃᓇᓐ, ᐅ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ,
ᑭᔭ ᒪᐅᒋᐃᓇᓐ ᐊᑲ ᐊᔭᒥᐊᒡ ᐅᒋ,
ᒐᒋ ᓂᓇᔅᑯᒥᑕᒡ ᒋᐸᔭᒋ-ᐃᓯᓂᐧᑲᓱᐅᓐ ᐅᒋ
ᑭᔭ ᒐᒋ ᒋᔅᑕᔨᑕᑯᓯᔭᒡ ᒋᒪᒥᒋᒥᑯᓯᐅᓂᒡ᙮
48ᒋᑭ ᐎ ᒪᒥᒋᒪᑭᓄᐤ ᑎᐸᔨᒋᒐᓱᐤ ᐃᔅᕋᐃᓪ ᐅᒋᓴᒪᓂᑐᒪ,
ᑲᒋᒡ ᑭᔭ ᑲᒋᒡ:
ᐊᑯᔅ ᒪᒃ ᒥᓯᐛ ᐃᔪᒡ ᒋᑭ ᐃᔅᒋᔄᐛᒡ, “ᐊᒥᓐ᙮”
ᒪᒥᒋᒥᐧᒄ ᑎᐸᔨᒋᒐᓱᐤ !
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᑎᐱᑦ ᐅᓂᑭᒧᐅᓇ 106
106
Psalm 106:1-6, 19-23 (Proper-23 Year A)
1ᒪᒥᒋᒥᐧᒄ ᑎᐸᔨᒋᒐᓱᐤ !
ᐅ ᓂᓇᔅᑯᒥᐧᒄ ᑎᐸᔨᒋᒐᓱᐤ; ᐛᔅ ᒥᔽᑎᓯᐤ:
ᐛᔅ ᐅᓱᐛᔨᒋᒐᐅᓐ ᑲᒋᒡ ᒋᑭ ᑎᑯᓂᔪᐤ᙮
2ᐊᐛᓐ ᒐᒋ ᐎᑕᒺᑦ ᐅᓱᐧᑲᑎᓯᐅ-ᐃᑐᐅᓂᔪᐛ ᑎᐸᔨᒋᒐᓱᐛ ?
ᐊᐛᓐ ᒐᒋ ᓄᑯᑕᐛᑦ ᒥᓯᐛ ᐅᒪᒥᒋᒥᑯᓯᐅᓂᔪᐤ ?
3ᓱᐛᔨᑕᑯᓱᐅᒡ ᐊᓐᒡ ᑲ ᑭᓄᐛᔨᑕᒡ ᑎᐸᔅᑯᓂᒐᐅᓂᔪᐤ,
ᐊᓐ ᑭᔭ ᒧᔅ ᑲ ᐃᑐᑕᐧᒃ ᑯᐃᔅᑯᑕᑎᓯᐅᓂᔪᐤ᙮
4ᒋᔅᒋᑐᐎ, ᐅ ᑎᐸᔨᒋᒐᓱᐤ, ᑲ ᐃᓯ ᒋᓴᐛᑐᑐᐅᑥᐤ ᒋᑦ ᐃᔨᒥᒡ:
ᐅ ᒧᐅᐱᔅᑐᐎ ᒋᐱᒪᒋᐃᐛᐅᓐ ᐅᒡ;
5ᒐᒋ ᐛᐸᑎᒪᓐ ᐊ ᒥᔪᐊᔭᒡ ᒋᐅᐛᔭᐱᒪᑭᓐᒡ,
ᒐᒋ ᒧᒋᒐᔨᑎᒪᓐ ᐊ ᓯᒋᔭᓯᒡ ᒋᑦ ᐃᔨᒥᒡ,
ᒐᒋ ᐎᒋ ᒥᔽᔨᑎᒧᒥᒂᐤ ᒋᑎᐸᔨᒪᑭᓐᒡ᙮
6ᓂᒋ ᐎᒋ ᒥᒋᑐᑎᒧᒪᓇᓐᒡ ᓄᑕᐎᓇᓐᒡ,
ᓂᒋ ᒥᒐᑎᓱᐅ-ᑐᑕᓇᓐ,
ᓂᒋ ᒥᒋᐃᔨᑎᓇᓐ᙮
7ᓄᑕᐎᓇᓐᒡ ᓇᒪᐎᔾ ᐅᒋ ᓂᔅᑐᑎᒧᒡ ᒋᒪᒥᔅᑲᒡ-ᐃᑐᐅᓇ ᐃᒋᑉᑎᒡ;
ᓇᒪᐎᔾ ᐅᒋ ᒋᔅᒋᐅᒡ ᐊᔅᐱᔅ ᒥᒐᓂᔨᒋ ᒋᓱᐛᔨᒋᒐᐅᓇ;
ᒪᒃ ᒋ ᒋᔄᐛᐅᒡ ᐎᓂᐸᑯᒡ, ᒥᒂᑭᒥ ᐎᓂᐸᑯᒡ ᐅᑦ᙮
8ᐃᔭᐱᒡ ᒪᒃ ᒋ ᐱᒪᒋᐊᐤ ᐅᑦ ᐃᓯᓂᐧᑲᓱᐅᓐ ᐅᒡ,
ᒐᒋ ᒋᔅᒐᔨᑕᑯᑕᑦ ᐅᑭᔅᒋᐅᓐ᙮
9ᒋ ᔅᑐᑎᒻ ᑭᔭ ᒥᒂᑭᒥ ᐎᓂᐸᑯᔪᐤ, ᐊᑯ ᐱᐊᔅᑕᔨᒡ:
ᒋ ᓴᐳᑐᐛᑕᐊᐤ ᒪᒃ ᐊᓐᑕ ᐊ ᒋᔅᑲᔭᐛᔨᒡ ᒧᔭᒻ ᐸᐧᑯᑎᔅᑭᒥᑲᒡ᙮
10ᒋ ᐎᐧᑯᒋᐊᐤ ᒪᒃ ᐅᑎᒋᔨᒡ ᐅᒋ ᑲ ᐛᐧᑲᑎᑯᔨᒋ,
ᑭᔭ ᒋ ᐱᒪᒋᐊᐤ ᐅᑎᒋᔨᒡ ᐅᒋ ᑲ ᒪᓯᐃᑯᐃᒋ᙮
11ᓂᐱᔪᐤ ᒪᒃ ᒋ ᐊᒂᓇᐅᑯᔪᐛ ᑲ ᐛᐧᑲᑎᑯᔨᒋ;
ᓇᒪ ᐛᐛᒡ ᐸᐃᒄ ᒋ ᐃᔅᑯᐱᔪᐛ᙮
12ᐊᑯ ᑎᔭᑈᑎᒺᒡ ᐅᑦ ᐃᔨᒧᐅᓂᔪᐤ;
ᐊ ᓂᑭᒧᒡ ᒋ ᒪᒥᒋᒪᐅᒡ᙮
13ᐎᐱᒡ ᒋ ᐅᓂᒋᔅᒋᐛᐅᒡ ᐅᑦ ᐊᑐᔅᒐᐅᓂᔪᐤ;
ᓇᒪᐎᔾ ᐅᒋ ᐊᓯᓂᐛᑕᐛᐅᒡ ᐅᑭᒐᔅᒋᒧᐛᐅᓂᔪᐤ:
14ᒪᒃ ᓇᔅᒡ ᒋ ᒥᒋᐃᑕᔨᑎᒧᒡ ᐸᐧᑯᑎᔅᑭᒥᑲᒡ;
ᑭᔭ ᒋ ᑯᒂᒋᐊᐅᒡ ᒋᓴᒪᓂᑐᐛ ᐊᓐᑕ ᐊ ᒋᐛᑕᔨᑕᑯᓂᔨᒡ ᐊᔅᒋᔪᐤ᙮
15ᒋ ᒥᔭᐤ ᒪᒃ ᑲ ᐃᓯ ᓂᑐᑎᒪᔨᒋ;
ᒪᒃ ᑯᐧᑭᑕᐅᓂᔪᐤ ᒋ ᐃᑎᓴᐊᒧᐛᐤ ᐅᑦ ᐊᒐᐧᑯᔪᐛ᙮
16ᒋ ᐅᑕᔨᒪᐅᒡ ᒧᓱᓴ ᑭᔭ ᐊᓐᑕ ᐊ ᐎᒋᓇᓄᐎᒡ,
ᑭᔭ ᐊᕋᓇ ᐅᐸᔭᒋᓯᒪ ᑎᐸᔨᒋᒐᓱᐤ᙮
17ᐊᔅᒋᔾ ᒋ ᑕᑐᐱᔪᐤ ᑭᔭ ᒋ ᑯᒋᐸᔨᐃᑯᐤ ᑕᑕᓐ,
ᑭᔭ ᒋ ᐊᒂᓇᐅᑯᔪᐛ ᐅᐎᒐᐛᑭᓇ ᐊᐸᐃᕋᒻ᙮
18ᐃᔅᑯᑕᔪᐤ ᒪᒃ ᒋ ᓯᔅᑕᐱᔪᐤ ᐅᒪᐅᒋᑐᐅᓄᐛᒡ,
ᐃᔅᑯᑕᔪᐤ ᒋ ᐃᔎᓱᑯᐅᒡ ᐅᒥᒋᑥᐅᒡ᙮
Psalm 106:1-6, 19-23 (Proper-23 Year A)
19ᒋ ᐅᓯᐊᐅᒡ ᒥᓂᑐᐧᑲᓇ ᒥᒋᑎᒂ ᐊ ᐃᓯᓇᑯᓯᔨᒋ ᐦᐅᕋᐱᒡ,
ᑭᔭ ᒋ ᐊᔭᒥᐊᔅᑐᐛᐅᒡ ᑎᒋᓯᑭᓂ ᒥᓂᑐᐧᑲᓇ᙮
20ᐅᔭᔪᐤ ᐃᔅ ᒪᒃ ᒋ ᒂᔅᒋᓂᒧᒡ ᐅᒋᔅᑕᔨᑕᑯᓱᐅᓄᐛᐤ
ᒐᒋ ᐃᓯᓇᒂᓂᔨᒡ ᒧᔭᒻ ᒥᔅᑐᔅ ᑲ ᒥᒋᑦ ᒥᔅᑯᓱᐛ᙮
21ᒋ ᐅᓂᒋᔅᒋᑐᐛᐅᒡ ᒋᓴᒪᓂᑐᐛ ᐅᐱᒪᒋᐃᐛᒧᐛᐛ,
ᑲᒋ ᐃᑐᑎᒥᔨᒋ ᒥᔅᑎ ᒐᒂᓇ ᐃᒋᑉᑎᒡ;
22ᒪᒥᔅᑲᒡ ᐊᑐᔅᒐᐅᓇ ᐦᐊᒪ ᐅᑦ ᐊᔅᒋᔨᒡ,
ᑭᔭ ᑲ ᑯᔅᑕᑕᔨᑕᒂᓂᔨᒋ ᒥᒂᑭᒥ ᐎᓂᐸᑯᒡ᙮
23ᐊᔪᐅᒄ ᐛᒋ ᐃᔅᒋᔄᑦ ᒐᒋ ᓂᓱᐅᓇᒋᐊᑦ,
ᒥᓱᐧᒄ ᒧᓱᓴ ᐅᐛᔭᐱᒪᑭᓇ, ᐊᑲ ᐅᒋ ᐅᑎᔅᑯᑲᐳᔅᑕᑯᑯᐱᓇ ᐊᓐᑕ ᐊ ᐱᑯᐱᑕᑭᓄᐎᔨᒡ,
ᒐᒋ ᐳᓂ ᐊᐧᑯᔪᐛᓯᐃᑯᑦ, ᒐ ᐊᑲ ᒋ ᓂᓱᐅᓇᒋᐊᑦ᙮
24ᓂᐦᐃ, ᒋ ᐊᑐᐛᔨᑎᒧᒡ ᒥᔪ ᐊᔅᒋᔪᐤ;
ᓇᒪᐎᔾ ᐅᒋ ᑕᑈᑎᒺᐅᒡ ᐅᑦ ᐃᔨᒧᐅᓂᔪᐤ;
25ᒪᒃ ᒋ ᐎᔭᔅᑕᔨᑎᒧᒡ ᐎᒋᐛᐛᒡ;
ᓇᒪ ᑭᔭ ᐅᒋ ᓂᑐᑐᐛᐛᒡ ᐊ ᐃᔅᒋᔄᔨᒋ ᑎᐸᔨᒋᒐᓱᐛ᙮
26ᐊᔪᐅᒄ ᐛᒋ ᐅᐱᓂᔅᒐᔨᔅᑐᐛᑦ,
ᒐᒋ ᓂᓱᐅᓇᒋᐊᑦ ᐸᐧᑯᑎᔅᑭᒥᑲᒡ:
27ᒐᒋ ᓂᓱᐅᓇᒋᐃᒪᑦ ᐅᑦ ᐊᐛᓯᒥᓯᔨᐛ ᑭᔭ ᐊᓐᑕ ᐊ ᐃᑕᔨᒋ ᐊᑲ ᐊᔭᒥᐊᔨᒋ,
ᑭᔭ ᐅᓴᔄᑎᓴᐛᑦ ᐸᐱᑐᔅ ᐊᔅᒋᒡ᙮
28ᒋ ᐎᒐᐛᐅᒡ ᐸᓪ-ᐱᐊᕋ,
ᑭᔭ ᒋ ᒥᒍᐛᐅᒡ ᑲ ᓂᐱᔨᒋ ᐅᐱᔅᑎᓂᒐᐅᓂᔨᐛ᙮
29ᐊᑯ ᑲ ᒋᔄᐊᐛᒡ ᐅᒡ ᐊᓂᔭᔪᐤ ᑲ ᐃᓯ ᒥᔅᑯᐛᔭᔨᑕᒡ ᒐ ᐃᔨᑎᒡ:
ᐊᑯ ᐛᑎᑎᑯᒡ ᐊᐧᑯᐃᑕᔅᐱᓇᐅᓂᔪᐤ᙮
30ᐊᑯ ᐸᓯᑯᑦ ᐱᓂᔭᔅ, ᑭᔭ ᒋ ᑎᐱᑐᑎᒻ ᑎᐸᔅᑯᓂᒐᐅᓂᔪᐤ:
ᐊᑯ ᒪᒃ ᑲ ᒋᐱᒋᐱᔨᒡ ᐊᐧᑯᐃᑕᔅᐱᓇᐅᓂᔪᐤ᙮
31ᐅᔭᔪᐤ ᒪᒃ ᐅᒋ ᑯᐃᔅᑯᑕᑎᓯᐤ ᒋ ᐃᑕᒋᒪᑭᓄᐤ,
ᒥᓯᐛ ᑲᒋᒡ ᒐ ᐊᑎ ᐊᓂᔅᒐ ᐱᒪᑎᓯᓇᓄᐎᔨᒡ᙮
32ᒋ ᒋᔄᐊᐅᒡ ᑭᔭ ᐊᓐᑕ ᑯᒂᒋᐃᐛᐤ ᓂᐱᒡ,
ᐊᑯ ᒪᒋᐱᐃᑯᔨᒋ ᒧᓱᓴ ᐎᔨᐛᐤ ᐅᒡ;
33ᐛᔅ ᒋ ᐎᔭᔅᑕᔨᑎᒥᐃᒪᐅᒡ ᐅᑦ ᐊᒐᐧᑯᔨᐛ,
ᐊᑯ ᒪᒃ ᓂᑐᐎ ᑲ ᐃᓯ ᐃᔨᒥᔨᒋ᙮
34ᓇᒪᐎᔾ ᐅᒋ ᓂᓱᐅᓇᒋᐊᐅᒡ ᐊᓂᔭ ᑲ ᐃᑎᔅᑲᓇᓯᔨᒋ ᐃᔪᐛ,
ᑲᒋ ᐃᑎᓱᐛᑎᑯᒡ ᒋᓴᒪᓂᑐᐛ:
35ᒪᒃ ᒋ ᐛᐎᒐᐅᒡ ᐊᑲ ᐊᔭᒥᐊᔨᒋ,
ᐊ ᒋᔅᒋᓄᐛᐸᑎᒺᒡ ᐅᑦ ᐃᑐᐅᓂᔪᐛ᙮
36ᒋ ᐊᑐᔅᒐᔅᑐᐅᒪᐅᒡ ᑭᔭ ᐅᒥᓂᑐᐧᑲᓂᒥᔪᐛ;
ᐊᓂᔭ ᑲ ᓇᒂᑎᑯᒡ᙮
37ᓂᐦᐃ, ᐅᑯᓱᐛᐛ ᑭᔭ ᐅᑕᓂᓱᐛᐛ ᒋ ᐱᔅᑎᓂᒧᐛᐅᒡ ᒥᒋᒥᓂᑐᐛ᙮
38ᑭᔭ ᒋ ᓯᒋᓂᒧᒡ ᐸᔭᒋ-ᒥᐧᑯᔪᐤ,
ᐅᒥᐧᑯᒥᔪᐤ ᐅᑯᓱᐛᐛ ᑭᔭ ᐅᑕᓂᓱᐛᐛ,
ᑲ ᐱᔅᑎᓂᒧᐛᒡ ᑲᐃᓇᓐ ᒥᓂᑐᐧᑲᓇ:
ᐊᔅᒋᔾ ᒪᒃ ᒋ ᐎᓇᐤ ᒥᐧᒄ ᐅᒋ᙮
39ᐊᑯ ᒪᒃ ᐊᔪᐅᒄ ᑲ ᐃᓯ ᐅᓂᐃᑯᒡ ᑎᐱᔨᐛ ᐅᑦ ᐃᑐᐅᓄᐛᐛ,
ᑭᔭ ᒋ ᐱᓯᒂᒋᑐᑎᒧᒡ ᑎᐱᔨᐛ ᑲ ᐃᓯ ᒥᔅᑯᐛᔭᔨᑕᒡ ᒐ ᐃᑎᒡ᙮
40ᐊᔪᐅᒄ ᐛᒋ ᐊᐧᑯᔪᐛᓯᔅᑐᐛᑦ ᑎᐸᔨᒋᒐᓱᐤ ᐅᑦ ᐃᔨᒪ,
ᐊᓐᑕ ᑲ ᐅᒋ ᐛᐧᑲᑕᑦ ᑎᐱᔨᐛ ᐅᑎᐸᔨᒪᑭᓇ᙮
41ᒋ ᐸᒋᑎᓇᐤ ᒪᒃ ᐅᑎᒋᔨᒡ ᐊᑲ ᐊᔭᒥᐊᔨᒋ;
ᐊᓂᔭ ᒪᒃ ᑲ ᐛᐧᑲᑎᑯᔨᒋ ᒋ ᑎᐸᔨᒥᑯᔪᐛ᙮
42ᒋ ᐊᔨᒥᐃᑯᐅᒡ ᒪᒃ ᐊᓂᔭᔪᐛ ᑲ ᐛᐧᑲᑎᑯᒡ,
ᑭᔭ ᒋ ᓴᐧᑯᒋᐃᑯᐅᒡ ᒐ ᑎᐸᔨᒥᑯᒡ᙮
43ᒥᒐᑥᐤ ᒋ ᐎᐧᑯᒋᐊᐤ;
ᒪᒃ ᒋ ᐎᔭᔅᑕᔨᑎᒥᐃᑯᐛᐤ ᐅᓯᒋᒥᑐᐅᓂᔨᐛ,
ᑭᔭ ᒋ ᒋᔅᑎᒥᐃᒪᑭᓄᐎᔪᐛ ᐅᒥᒐᑎᓯᐅᓂᔪᐤ ᐅᒡ᙮
44ᐃᔭᐱᒡ ᒪᒃ, ᒋ ᐱᓯᒋᑎᒺᐤ ᐅᓂᓇᐧᑲᒋᐃᑯᓯᐅᓂᔪᐤ,
ᐃᔅᐱ ᐱᔭᑐᐛᑦ ᐊ ᒪᑕᑯᑦ;
45ᒋ ᒋᔅᒋᑎᒺᐤ ᐅᓂᔅᑯᒥᑐᐅᓐ,
ᑭᔭ ᒋ ᒂᔅᒐᔨᑎᒻ ᑲ ᐃᓯ ᒥᒐᓂᔨᒋ ᐅᒋᔅᑎᒪᒐᔨᒋᒐᐅᓇ᙮
46ᑭᔭ ᒋ ᐃᑐᑎᒻ ᒐᒋ ᒋᔅᑎᒪᒐᔨᒥᑯᔨᒋ
ᒥᓯᐛ ᐊᓂᔭᔪᐛ ᑲ ᒋᔅᑐᑎᐃᑯᔨᒋ ᒐᒋ ᒪᒪᒋᑯᓂᑯᔨᒋ᙮
47ᐱᒪᒋᐃᓇᓐ, ᐅ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ,
ᑭᔭ ᒪᐅᒋᐃᓇᓐ ᐊᑲ ᐊᔭᒥᐊᒡ ᐅᒋ,
ᒐᒋ ᓂᓇᔅᑯᒥᑕᒡ ᒋᐸᔭᒋ-ᐃᓯᓂᐧᑲᓱᐅᓐ ᐅᒋ
ᑭᔭ ᒐᒋ ᒋᔅᑕᔨᑕᑯᓯᔭᒡ ᒋᒪᒥᒋᒥᑯᓯᐅᓂᒡ᙮
48ᒋᑭ ᐎ ᒪᒥᒋᒪᑭᓄᐤ ᑎᐸᔨᒋᒐᓱᐤ ᐃᔅᕋᐃᓪ ᐅᒋᓴᒪᓂᑐᒪ,
ᑲᒋᒡ ᑭᔭ ᑲᒋᒡ:
ᐊᑯᔅ ᒪᒃ ᒥᓯᐛ ᐃᔪᒡ ᒋᑭ ᐃᔅᒋᔄᐛᒡ, “ᐊᒥᓐ᙮”
ᒪᒥᒋᒥᐧᒄ ᑎᐸᔨᒋᒐᓱᐤ !
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada