2 کٛرِنْتُعٜنْ نَسْتُکِ
نَسْتُکِ
ݠٛلْ وِنْدِ بَتَاکٜوٛلْ طِطَࢡٛلْ حَا کٛرِنْتُعٜنْ نغَمْ وٛطْࢡٜ حَا جَمَعَارٜ نُطِّنْࢡٜ ندَرْتَنِمٛ، ݠٜلِمٛ دٛوْ کُوغَلْ مَاکٛ، وٛطْࢡٜ بٛو کٛولَاکِنٛ مٛ؞
حَا يٜࢡْرٜ عَرَنْدٜىٰرٜ، عٜنْ نجَنغَنْ کٛ لُورِ ݠٛلْ بٜى جَمَعَارٜ نُطِّنْࢡٜ حَا کٛرِنْتُ؞ عٛحٛلِّ ࢡٜ يِيدٜ ندٜ عٛيِطِرِ ࢡٜ بٜى مَࢡِّتَنغٛ ࢡٜ ࢡٜرْندٜ مَاکٛ جَاسْطُمْ؞ حَا يٜࢡْرٜ طِطَوْرٜ بٛو، عٛتٛرِ ࢡٜ ࢡٜ مٛوࢡْتَ دٛکّٜ نغَمْ وَلُّغٛ نُطِّنْࢡٜ ࢡِلِّيࢡٜ حَا يَحُدِيَ؞
حَا يٜࢡْرٜ رَغَرٜىٰرٜ، عٛغٛونغْطِنِ حٛورٜ مَاکٛ عٛ نٜلَاطٛ نغَمْ وٛطْࢡٜ حَا کٛرِنْتُ مَوْنِتِ، مبِعِ ࢡٜ نٜلَاࢡٜ اَللَّه، ࢡٜنجَوِ ݠٛلْ بٛو؞
ندٜرْ بَتَاکٜوٛلْ نغٛعٛلْ، عٜنْ ندَارَنْ نٛ ࢡٜرْندٜ ݠٛلْ لَاࢡِرِ: عٛجَغَّنِ اَللَّه بٜى ࢡٜرْندٜ مَاکٛ ڢُو؞ عٛحُووِ بٜى تِينَارٜ کٛو ندٜرْ بٛنٜىٰجِ طُوطِّ بٛو؞ عٛعَشَّنِ نُطِّنْࢡٜ مِسَالُ مبٛوطْنغُ؞
تٛکِّنْدِرْکِ حَالَاجِ:
ڢُطّٛودٜ 1:1-11
ݠٛلْ غٛونغْطِنِ لَاࢡٜىٰنغَ حٛورٜ مُوطُمْ عٜ يِيدٜ مُمْ حٜىٰدِ کٛرِنْتُعٜنْ 1:12–7:16
تَاسْکَرَ دٛکَّلْ نغَمْ نُطِّنْࢡٜ حَا يَحُدِيَ 8–9
ݠٛلْ غٛونغْطِنِ عٛ نٜلَاطٛ 10:1–13:10
وَسُيٜىٰجِ رَغَرٜىٰجِ عٜ کٛوڢْلِ 13:11-13
Fulfulde Bible Ajamiya © Bible Society of Cameroon, 2016.