Salmos 125
125
Díos tꞌayakohen ti sin chjasén
1Ti sin tinkáchónki Itꞌéni Díos
la éxi ti ijna̱ Jerusalén mé xi̱kaha tjejó sin
kixin ti ijna̱ la tinkíhya, nkochríxín itjen.
2Éxi ti ijna̱ tsíka̱ntatjen chjasin Jerusalén
mé xi̱kaha Itꞌéni Díos síka̱ntatjen
ti sin chjasin kuènté chꞌan ijie la ko nkochríxín.
3A̱ndá ti sin nduáhya tꞌe̱to̱an la nkochríxínhña
tsꞌe̱tue̱hen sin ti nonte tsíkjajon Díos kꞌuáyéhe̱ ti sin jína
kixin ti xi̱kaha la ti sin jína tjejó chjasin
chrókuankí sin chrókjuíchꞌe sin ti nkehe jínahña kja̱xin.
4Jaha Itꞌéni Díos, chrókjuínki̱tsa ti sin jína tjejó
la ko ti sin jína tjenka̱yáxin a̱sén.
5A̱ndá ti sin ixri ti nti̱a jínahña
la jaha Díos sátjiko̱a sin kixin tsjasóteko sin ti íso sin nduáhya ichꞌe.
A̱ndá kaín ti sin Israel la kjuaxróxin chrókꞌuejó sin.
© 2016, Wycliffe Bible Translators, Inc. All rights reserved.
Salmos 125
125
Díos tꞌayakohen ti sin chjasén
1Ti sin tinkáchónki Itꞌéni Díos
la éxi ti ijna̱ Jerusalén mé xi̱kaha tjejó sin
kixin ti ijna̱ la tinkíhya, nkochríxín itjen.
2Éxi ti ijna̱ tsíka̱ntatjen chjasin Jerusalén
mé xi̱kaha Itꞌéni Díos síka̱ntatjen
ti sin chjasin kuènté chꞌan ijie la ko nkochríxín.
3A̱ndá ti sin nduáhya tꞌe̱to̱an la nkochríxínhña
tsꞌe̱tue̱hen sin ti nonte tsíkjajon Díos kꞌuáyéhe̱ ti sin jína
kixin ti xi̱kaha la ti sin jína tjejó chjasin
chrókuankí sin chrókjuíchꞌe sin ti nkehe jínahña kja̱xin.
4Jaha Itꞌéni Díos, chrókjuínki̱tsa ti sin jína tjejó
la ko ti sin jína tjenka̱yáxin a̱sén.
5A̱ndá ti sin ixri ti nti̱a jínahña
la jaha Díos sátjiko̱a sin kixin tsjasóteko sin ti íso sin nduáhya ichꞌe.
A̱ndá kaín ti sin Israel la kjuaxróxin chrókꞌuejó sin.
© 2016, Wycliffe Bible Translators, Inc. All rights reserved.