GALATIA 5
5
Kristian ni sadhin khe dimkhao lah
1Leng jaya mane khlai hi Krista ning jing khe sadhin ja ri kha; odebani, ebo ha ning rao hi dong lah, leng ni jowal khe da thaophin si lah.
2Khna lah! Ang Paul nisi khe thi du, nisi bujuh raso kha de, Krista nisi ni khlai hi musibo lab ja nang niya. 3Khrip Dara ni grao khe mani mane khlai hi bonsi lagai thao du kho thi hi, raso khlaiyaba si niha ang tharmai riphin du. 4Nisi Dara jang dormo jama baoyarao, Krista jang degao lai kha, ode khasaoma ni phrangbo nisi galai kha. 5Jing de, Bese ni dara ha lonma jang dormo ni asa ha jing jon du. 6Krista Jisu jang baosi jahi dong kha de, raso khlaiyaba ode khlaiyayaba bo musibo gibin jadaoya, thikhabo lonma jang khasaoma ha dangyaba de lab jama se.
7Grao gibi khe maniya mani khlai hi nisi hamsisi khai re, sere nisi khe dibin ba? 8Ebo de nisi khe longyaba Madai ni phrang niya. 9Humao gijisa jang hon pher khe bubim jang jathar ri du thiyaba lai se. 10Thikhabo, nisi baothai gibin ja nang niya thihi Gabra ha ang nisi ni gede lonma jang nisi khe asa deng du; nisi khe dibinyaba de asaba ja thing, bo bisar ha saja mai ma se.
11Thikhabo, daphlungrao, jodi ang duha sosi bo rasoyaba ni grao khe se ning ang thi khala, snadi jabani duha sosibo ang dukhu rijao hi dong ba? Olei se thikhala, Kross khayaba khe sjam kha mu. 12Nisi khe gaso suso khlaiyaba de dangkhlai ma ning ang nangjao du; bo jar khe phida khaojao thing!
13Daphlungrao, leng jaya mani khlai hi nisi longjaoya se; thikhabo, nisi leng jayayaba khe saomang ne khlai hi hajora yaowaiya hi, hamjaoma jang saosi jang saosi khusi danglai lah. 14Ning jar khe maya nang laba lai ning nini noharirao khe maya nang lah, thiyaba grao thaisi ha ning khrip Dara ni grao sothar du. 15Thikhabo, nisi saosi jang saosi khe hathai waihi nisi jilai khade, jamya mani khlai hi girik lai lah.
Bese ni bathai jang saomang ni bathai
16Ebo khe ang thi du, Bese ha dong lah, ode thikhase, saomang ni mijingma khe nisi maniya ma thi. 17Saomang de Bese ni nanglai mani khaja re, Bese bo saomang gede nanglai mani khaja re; nisi dangma baoyaba buthu khe nisi dangphuya mani ebo buthu de thalaiyayaba se. 18Bese jang langjao hi nisi dong khade, nisi Dara ni bakhla ha dongya.
19Saomang khusi dangyaba buthu de ragao sisi nujao du; bo de ebo buthu ning ja kha: Gaori, gusu, hamya mijingma, 20saokhuli khe khlimyaba, montro ringyaba, bangjaoyayaba, nam khormu, khaojiyaba, thamsi baigoyaba, jar khe se ning jajao layaba, raojao layaba, lonma gibin jayaba, 21hingsa, juh baola jayaba, juh lingthan ha baiyaba, oleiyaba buthu de eboni balam ha ang nisi khe thi du, ar sagang habo ang thi kha, olei khusi dangyarao de Madai ni raji khe mai nang niya.
22Thikhabo, Bese ni bathai de hamjaoma, khajama, milima, khah laoma, gasainma, hamma, lonma gnang, 23grao magainyaba, saiphuyaba, ebo buthu ning ja kha; ebo buthu khe hamya thiyaba musi Dara ha bo giri. 24Ode, Krista Jisu ni subung buthu de, saomang ni baothai mijingma buthu khe bubim jang kross ha bonsi dikpha kha. 25Bese ha jing thang hi dongba thikha de, jing Bese ha ning donglai nang. 26Badai laiya hi nisi hingsa jalaiya hi, jar khe degao laiyahi jing donglai nang.
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
GALATIA 5
5
Kristian ni sadhin khe dimkhao lah
1Leng jaya mane khlai hi Krista ning jing khe sadhin ja ri kha; odebani, ebo ha ning rao hi dong lah, leng ni jowal khe da thaophin si lah.
2Khna lah! Ang Paul nisi khe thi du, nisi bujuh raso kha de, Krista nisi ni khlai hi musibo lab ja nang niya. 3Khrip Dara ni grao khe mani mane khlai hi bonsi lagai thao du kho thi hi, raso khlaiyaba si niha ang tharmai riphin du. 4Nisi Dara jang dormo jama baoyarao, Krista jang degao lai kha, ode khasaoma ni phrangbo nisi galai kha. 5Jing de, Bese ni dara ha lonma jang dormo ni asa ha jing jon du. 6Krista Jisu jang baosi jahi dong kha de, raso khlaiyaba ode khlaiyayaba bo musibo gibin jadaoya, thikhabo lonma jang khasaoma ha dangyaba de lab jama se.
7Grao gibi khe maniya mani khlai hi nisi hamsisi khai re, sere nisi khe dibin ba? 8Ebo de nisi khe longyaba Madai ni phrang niya. 9Humao gijisa jang hon pher khe bubim jang jathar ri du thiyaba lai se. 10Thikhabo, nisi baothai gibin ja nang niya thihi Gabra ha ang nisi ni gede lonma jang nisi khe asa deng du; nisi khe dibinyaba de asaba ja thing, bo bisar ha saja mai ma se.
11Thikhabo, daphlungrao, jodi ang duha sosi bo rasoyaba ni grao khe se ning ang thi khala, snadi jabani duha sosibo ang dukhu rijao hi dong ba? Olei se thikhala, Kross khayaba khe sjam kha mu. 12Nisi khe gaso suso khlaiyaba de dangkhlai ma ning ang nangjao du; bo jar khe phida khaojao thing!
13Daphlungrao, leng jaya mani khlai hi nisi longjaoya se; thikhabo, nisi leng jayayaba khe saomang ne khlai hi hajora yaowaiya hi, hamjaoma jang saosi jang saosi khusi danglai lah. 14Ning jar khe maya nang laba lai ning nini noharirao khe maya nang lah, thiyaba grao thaisi ha ning khrip Dara ni grao sothar du. 15Thikhabo, nisi saosi jang saosi khe hathai waihi nisi jilai khade, jamya mani khlai hi girik lai lah.
Bese ni bathai jang saomang ni bathai
16Ebo khe ang thi du, Bese ha dong lah, ode thikhase, saomang ni mijingma khe nisi maniya ma thi. 17Saomang de Bese ni nanglai mani khaja re, Bese bo saomang gede nanglai mani khaja re; nisi dangma baoyaba buthu khe nisi dangphuya mani ebo buthu de thalaiyayaba se. 18Bese jang langjao hi nisi dong khade, nisi Dara ni bakhla ha dongya.
19Saomang khusi dangyaba buthu de ragao sisi nujao du; bo de ebo buthu ning ja kha: Gaori, gusu, hamya mijingma, 20saokhuli khe khlimyaba, montro ringyaba, bangjaoyayaba, nam khormu, khaojiyaba, thamsi baigoyaba, jar khe se ning jajao layaba, raojao layaba, lonma gibin jayaba, 21hingsa, juh baola jayaba, juh lingthan ha baiyaba, oleiyaba buthu de eboni balam ha ang nisi khe thi du, ar sagang habo ang thi kha, olei khusi dangyarao de Madai ni raji khe mai nang niya.
22Thikhabo, Bese ni bathai de hamjaoma, khajama, milima, khah laoma, gasainma, hamma, lonma gnang, 23grao magainyaba, saiphuyaba, ebo buthu ning ja kha; ebo buthu khe hamya thiyaba musi Dara ha bo giri. 24Ode, Krista Jisu ni subung buthu de, saomang ni baothai mijingma buthu khe bubim jang kross ha bonsi dikpha kha. 25Bese ha jing thang hi dongba thikha de, jing Bese ha ning donglai nang. 26Badai laiya hi nisi hingsa jalaiya hi, jar khe degao laiyahi jing donglai nang.
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.