1 KORINTH 14
14
Grao mithiyayaba ar Bese raothai riyaba
1Hamjaoma khasaoma khe riksai hi, bese gede jinis riyaba buthu khe hamsi ning nangjao lah; bo thanebo grao thiba blaiyaba ni raothai nangjao dao la kho! 2Grao mithiyayaba jang grao thiyaba de subung niha thiya, Madai niha se bo thi ba, bo grao thiyaba khe saosi bo buji phuya, bese jang grao makhao buthu khe bo thi ba. 3Thikhabo grao thiyaba de, subung buthu niha hamba khlaiyaba grao ja thing, sibringyaba grao ja thing, santi ni grao buthu khe se bo thi re. 4Grao mithiyayaba jang grao thiyaba de bo jar khe hamba slam ba se, thikhabo grao thiyaba de longjom khebo hamba slam du.
5Duha, nisi jamthar si khebo grao mithiyayaba buthu ha nisi grao thi mane nisi khe ang nangjao du; bo thanebo nisi grao thiphu mani nisi khe ar ang nangjao dao kho. Longjom khe hamba slam mani thiphla phuyaba giri khade grao thiyaba de grao mithiyayaba grao thiyaba thane bo dedao. 6Duha daphlungrao, nisi niha phai hi, grao mithiyayaba khe yaowai dada nisi niha grao thi lakha bo, grao bai phalang phuyaba ja thing, gyan ni gede ja thing, grao thiyaba gede ja thing, slingriyaba gede ja thing, nisi niha ang thiya khade nisi ne ang bedehe lab japhu ma?
7Jinis khurang majang, hang giriyaba, suphin jang seranda buthu sosibo ja thing, bonsi ni khurang khe bedehe haiger ma nang du bonsi ni khurang khe haigerya khade bonsi snadi rajab ba thihi sere mithi phu ma? 8Bibul khebo birili jang damya khade sere jbah ni khlai hi salai ma? 9Olei jasosi ning grao mithiyayaba jang nisi grao thiyaba khe buji phuya thikhade, nisi grao thiyaba khe bedehe bujai phu ma? Bar ha nisi thiba lai ja ma se. 10Lonsingya mani gijisa bo giri hi, habsao ha grao jadi gibin gibin gabang bang bi, ortho giriyaba masi bo giri. 11Bo grao ni ortho khe ang bujiya thikhade, bo thiyaba ni khlai hi, raji gibin ni subung ang jahi, bobo anthane khlai hi raji gibin ni subung jama se. 12Nisi bo olei jasosi se; bese gede jinis riyaba buthu khe nisi hamsi ning nangjao khade, longjom hamba slam mani khlai hi khrip jinis thane bo buthu khe yaowai dao lah.
13Odebani, grao mithiyayaba jang grao thiyaba khe thiphla phu mani raothai khe bo maiphu mani khlai hi bi la thing. 14Grao mithiyayaba jang ang bi ba ha, ani bese jang ang bi kha ning, ang baoyaba khe ang yaowai ba lab jaya. 15Ang snadi khlai ma kho? Ani bese jang ang bi hi, ang baoyaba buthu khe yaowai hibo ang bi ma se; ani bese jang bakhan ni rajabthai khe ang rajab hi, ang baoyaba khe yaowai hibo bakhan ni rajabthai khe ang rajab ma se. 16Ode niyakha de, bese jang khajama ni grao thi la khabo, baji ni subung dongphaba ha ning thiyaba ortho khebo bujiya kha la, ning khajama ni grao thiyaba ha bede Amen bo thiphu ma? 17Ning khajama ni grao thiba hamsi ning hamba ja la phu re, thikhabo gibin subung khe bo hamba slamdaoya.
18Nisi khrip thanebo grao mithiyayaba buthu ha ang bangdao hi grao thi bani Madai niha khajama ni grao khe ang thi du. 19Thikhabo, bikhoh ha de grao mithiyayaba graothai rjing ji thiba thane de, gibin subung buthu khe slingri phu mani khlai hi, ang baoyaba khe yaowai hi buji phuyaba graothai thai bowa thiba khe ang nangjao dao.
20Daphlungrao, nisi ni baothai ansa lai da ja; phap ni balam ha nana gili lai ja lah, thikhabo baothai gede phura khrao ja lah. 21Dara ni laisi bajab ha de,
Grao gibin khlai hi yaowaiyaba subung buthu ar,
Raji gibin ni subung buthu ni khuh jang,
Ebo subung buthu niha de ang grao thima nang du;
Olei jang bo ani subungrao khna nang niya, Gabra thi du, thihi reb du.
22Odebani grao mithiyayaba buthu de lonyarao ni khlai hi sin niya, lonyayarao ni khlai hi se; thikhabo grao thiyaba de bo lonyayarao ni khlai hi sin niya, lonyarao ni khlai hi se.
23Odebani, longjom khrip subung githim lai hi, nisi jamthar si grao mithiyayaba jang grao thihi ho ho jaba ha, baji gede ni subung ja thing, lonyayaba subung buthu ja thing, hamsing phaikha la, bonsi nisi khe gibir thi nang niya? 24Thikhabo, khrip subung grao thikha de, lonyayaba ja thing, baji gede ni subung ja thing, hapsing phaiyaba ha khah khe khrip grao thiba ha dophajao hi, khrip subung de jar ni hamyathai khe bonsi ne tharmai ri ma se. 25Lonyayaba ni khasu ni grao makhao buthu khe khaikho nang; odese, bo subung de gonggalai hi Madai khe bo khlim nang, odehe Nisi ni bising ha Madai gibi gibiyaba dong! thihi bai ma se.
Madai bi ba ha majang sisi jama nang du
26Daphlungrao, nisi bojom jayaba ha, rajab mane dongyaba ja thing, sling ri mane dongyaba ja thing, grao baikhla mani ja thing, grao mithiyayaba jang grao jo ma nangthai ja thing, thiphla mani grao dongyaba ja thing, nisi niha dong khade, bedehe ja ma? Khrip jinis de longjom khe hamba slam mane dang ba ja thar thing. 27Asaba bo, grao mithiyayaba jang grao jo kha de, gini jang ja thing, gatham jang thiba ha, slai lai ba ja thing, bo ha subung saosi thiphla la thing. 28Thikhabo, thiphla ginyaba subung giri khade, longjom bojom jayaba ha phirik phirik dong lai kha la, jar jang Madai niha thi la thing. 29Grao thiyarao bo gini ja thing, gatham ja thing, grao thiba ha, subung gibin buthu de hamsisi khna la thing. 30Bede thikhade, bo khna mane khamyarao ni bising ha Madai ni phrang grao maiyaba dong khade, sagang ha thiyaba de phirik phirik dong la thing. 31Khrip subung bo slingphu mane ar khrip subung khe rao riphu mani khlai hi, nisi khrip bo saosi saosi nisi grao thiphu du. 32Grao thiyaba buthu ni bese buthu de grao thiyaba buthu ni bakhla hase bonsi dong ba. 33Bede thikhade, Madai de gaso suso khlaiyaba niya, milima ni Madai se thi.
Subung gatharrao ni longjom khrip ha bonsi dang ba lai, 34masainjikrao de longjom bojom jayaba buthu ha phirik phirik dong la thing. Bede thikhade bonsi grao thi mani hukhum ri ya. Dara jang bo thiba lai, bonsi gonggalai ma nang du. 35Bonsi mithiso ma nangjao khade, noh ha bonsi jar jarni basaithu khe sing lai la thing. Bede thikhade masainjik ni longjom ha grao thiba de lasisiyaba grao se.
36Niyakha la, Madai ni grao la nisi ni phrang baigo ba na somo? Niyakha la, nisi niha se ning sophai ba na? 37Asaba gorasali ja thing, bese ni subung ja thing, jar khe jar bao la khade, nisi niha ang grao reb hayaba khe Gabra grao riyaba se thihi tharmai la thing. 38Asaba bo ebo jinis khe maniya khade, bo khebo da mani thing.
39Odebani, ani daphlungrao, grao thima khe mijing lah, grao mithiyayaba buthu jang grao thiyaba khebo da magna lah. 40Thikhabo, khrip jamthar si majang sisi ar ragao sisi dang la thing.
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
1 KORINTH 14
14
Grao mithiyayaba ar Bese raothai riyaba
1Hamjaoma khasaoma khe riksai hi, bese gede jinis riyaba buthu khe hamsi ning nangjao lah; bo thanebo grao thiba blaiyaba ni raothai nangjao dao la kho! 2Grao mithiyayaba jang grao thiyaba de subung niha thiya, Madai niha se bo thi ba, bo grao thiyaba khe saosi bo buji phuya, bese jang grao makhao buthu khe bo thi ba. 3Thikhabo grao thiyaba de, subung buthu niha hamba khlaiyaba grao ja thing, sibringyaba grao ja thing, santi ni grao buthu khe se bo thi re. 4Grao mithiyayaba jang grao thiyaba de bo jar khe hamba slam ba se, thikhabo grao thiyaba de longjom khebo hamba slam du.
5Duha, nisi jamthar si khebo grao mithiyayaba buthu ha nisi grao thi mane nisi khe ang nangjao du; bo thanebo nisi grao thiphu mani nisi khe ar ang nangjao dao kho. Longjom khe hamba slam mani thiphla phuyaba giri khade grao thiyaba de grao mithiyayaba grao thiyaba thane bo dedao. 6Duha daphlungrao, nisi niha phai hi, grao mithiyayaba khe yaowai dada nisi niha grao thi lakha bo, grao bai phalang phuyaba ja thing, gyan ni gede ja thing, grao thiyaba gede ja thing, slingriyaba gede ja thing, nisi niha ang thiya khade nisi ne ang bedehe lab japhu ma?
7Jinis khurang majang, hang giriyaba, suphin jang seranda buthu sosibo ja thing, bonsi ni khurang khe bedehe haiger ma nang du bonsi ni khurang khe haigerya khade bonsi snadi rajab ba thihi sere mithi phu ma? 8Bibul khebo birili jang damya khade sere jbah ni khlai hi salai ma? 9Olei jasosi ning grao mithiyayaba jang nisi grao thiyaba khe buji phuya thikhade, nisi grao thiyaba khe bedehe bujai phu ma? Bar ha nisi thiba lai ja ma se. 10Lonsingya mani gijisa bo giri hi, habsao ha grao jadi gibin gibin gabang bang bi, ortho giriyaba masi bo giri. 11Bo grao ni ortho khe ang bujiya thikhade, bo thiyaba ni khlai hi, raji gibin ni subung ang jahi, bobo anthane khlai hi raji gibin ni subung jama se. 12Nisi bo olei jasosi se; bese gede jinis riyaba buthu khe nisi hamsi ning nangjao khade, longjom hamba slam mani khlai hi khrip jinis thane bo buthu khe yaowai dao lah.
13Odebani, grao mithiyayaba jang grao thiyaba khe thiphla phu mani raothai khe bo maiphu mani khlai hi bi la thing. 14Grao mithiyayaba jang ang bi ba ha, ani bese jang ang bi kha ning, ang baoyaba khe ang yaowai ba lab jaya. 15Ang snadi khlai ma kho? Ani bese jang ang bi hi, ang baoyaba buthu khe yaowai hibo ang bi ma se; ani bese jang bakhan ni rajabthai khe ang rajab hi, ang baoyaba khe yaowai hibo bakhan ni rajabthai khe ang rajab ma se. 16Ode niyakha de, bese jang khajama ni grao thi la khabo, baji ni subung dongphaba ha ning thiyaba ortho khebo bujiya kha la, ning khajama ni grao thiyaba ha bede Amen bo thiphu ma? 17Ning khajama ni grao thiba hamsi ning hamba ja la phu re, thikhabo gibin subung khe bo hamba slamdaoya.
18Nisi khrip thanebo grao mithiyayaba buthu ha ang bangdao hi grao thi bani Madai niha khajama ni grao khe ang thi du. 19Thikhabo, bikhoh ha de grao mithiyayaba graothai rjing ji thiba thane de, gibin subung buthu khe slingri phu mani khlai hi, ang baoyaba khe yaowai hi buji phuyaba graothai thai bowa thiba khe ang nangjao dao.
20Daphlungrao, nisi ni baothai ansa lai da ja; phap ni balam ha nana gili lai ja lah, thikhabo baothai gede phura khrao ja lah. 21Dara ni laisi bajab ha de,
Grao gibin khlai hi yaowaiyaba subung buthu ar,
Raji gibin ni subung buthu ni khuh jang,
Ebo subung buthu niha de ang grao thima nang du;
Olei jang bo ani subungrao khna nang niya, Gabra thi du, thihi reb du.
22Odebani grao mithiyayaba buthu de lonyarao ni khlai hi sin niya, lonyayarao ni khlai hi se; thikhabo grao thiyaba de bo lonyayarao ni khlai hi sin niya, lonyarao ni khlai hi se.
23Odebani, longjom khrip subung githim lai hi, nisi jamthar si grao mithiyayaba jang grao thihi ho ho jaba ha, baji gede ni subung ja thing, lonyayaba subung buthu ja thing, hamsing phaikha la, bonsi nisi khe gibir thi nang niya? 24Thikhabo, khrip subung grao thikha de, lonyayaba ja thing, baji gede ni subung ja thing, hapsing phaiyaba ha khah khe khrip grao thiba ha dophajao hi, khrip subung de jar ni hamyathai khe bonsi ne tharmai ri ma se. 25Lonyayaba ni khasu ni grao makhao buthu khe khaikho nang; odese, bo subung de gonggalai hi Madai khe bo khlim nang, odehe Nisi ni bising ha Madai gibi gibiyaba dong! thihi bai ma se.
Madai bi ba ha majang sisi jama nang du
26Daphlungrao, nisi bojom jayaba ha, rajab mane dongyaba ja thing, sling ri mane dongyaba ja thing, grao baikhla mani ja thing, grao mithiyayaba jang grao jo ma nangthai ja thing, thiphla mani grao dongyaba ja thing, nisi niha dong khade, bedehe ja ma? Khrip jinis de longjom khe hamba slam mane dang ba ja thar thing. 27Asaba bo, grao mithiyayaba jang grao jo kha de, gini jang ja thing, gatham jang thiba ha, slai lai ba ja thing, bo ha subung saosi thiphla la thing. 28Thikhabo, thiphla ginyaba subung giri khade, longjom bojom jayaba ha phirik phirik dong lai kha la, jar jang Madai niha thi la thing. 29Grao thiyarao bo gini ja thing, gatham ja thing, grao thiba ha, subung gibin buthu de hamsisi khna la thing. 30Bede thikhade, bo khna mane khamyarao ni bising ha Madai ni phrang grao maiyaba dong khade, sagang ha thiyaba de phirik phirik dong la thing. 31Khrip subung bo slingphu mane ar khrip subung khe rao riphu mani khlai hi, nisi khrip bo saosi saosi nisi grao thiphu du. 32Grao thiyaba buthu ni bese buthu de grao thiyaba buthu ni bakhla hase bonsi dong ba. 33Bede thikhade, Madai de gaso suso khlaiyaba niya, milima ni Madai se thi.
Subung gatharrao ni longjom khrip ha bonsi dang ba lai, 34masainjikrao de longjom bojom jayaba buthu ha phirik phirik dong la thing. Bede thikhade bonsi grao thi mani hukhum ri ya. Dara jang bo thiba lai, bonsi gonggalai ma nang du. 35Bonsi mithiso ma nangjao khade, noh ha bonsi jar jarni basaithu khe sing lai la thing. Bede thikhade masainjik ni longjom ha grao thiba de lasisiyaba grao se.
36Niyakha la, Madai ni grao la nisi ni phrang baigo ba na somo? Niyakha la, nisi niha se ning sophai ba na? 37Asaba gorasali ja thing, bese ni subung ja thing, jar khe jar bao la khade, nisi niha ang grao reb hayaba khe Gabra grao riyaba se thihi tharmai la thing. 38Asaba bo ebo jinis khe maniya khade, bo khebo da mani thing.
39Odebani, ani daphlungrao, grao thima khe mijing lah, grao mithiyayaba buthu jang grao thiyaba khebo da magna lah. 40Thikhabo, khrip jamthar si majang sisi ar ragao sisi dang la thing.
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.