Kenese 17 的熱門經文

分享

O le iva sefulu ma le iva o tausaga o Aperamo na fa‘aali mai ai le ALI‘I ‘iā Aperamo, ‘ua fa‘apea mai fo‘i ‘iā te ia, “O a‘u o le Atua e o‘u le malosi uma lava, ‘ia e savali i o‘u luma ma ‘ia sa‘o lau amio.

E lē toe vala‘auina lou igoa o Aperamo, a o le a igoa oe o Aperaamo, auā ‘ua ‘ou faia oe ma tupuga o nu‘u e tele.

“‘Ou te fa‘atumauina fo‘i o la tā feagaiga ma oe ma lau fānau, ‘iā latou tupulaga, pe a mavae atu oe, e fai ma feagaiga e fa‘avavau; ‘ia fai a‘u ma Atua ‘iā te oe ma au fānau pe a mavae atu oe.

“O a‘u nei, ‘ou te fai atu, fa‘auta, o ‘iā te i tā‘ua le feagaiga, e fai fo‘i oe ma tupuga o nu‘u e tele.

‘Ua fetalai mai le Atua: “E moni lava, e fānau mai sou atali‘i ‘iā Sara lau avā, ‘e te fa‘aigoa fo‘i ‘iā te ia o Isaako; ‘ou te fa‘atumauina fo‘i la ma feagaiga ma ia, ‘atoa ma ana fānau, pe a mavae atu o ia, o le feagaiga e fa‘avavau.

‘Ou te foa‘i fo‘i ‘iā te oe ma au fānau, pe a mavae atu oe, o le nu‘u o lo‘o e āumau ai, o le nu‘u uma lava lea o Kanana, e fai mo latou e fa‘avavau; e fai fo‘i a‘u mo latou Atua.”

‘Ona fa‘apa‘ū faō lea o Aperaamo, ‘ua ‘ata‘ata ma fa‘apea ifo i lona loto, “E fānau mai ‘ea se atali‘i i le tagata ‘ua selau ona tausaga? O Sara fo‘i e fānau ‘ea ia ‘ua iva sefulu ona tausaga?”

‘Ua fa‘apea mai fo‘i le Atua ‘iā Aperaamo, “O Sarai lau avā, ‘aua ‘e te toe vala‘auina lona igoa o Sarai a o Sara o lona igoa lea.

Tou te peritomeina fo‘i pa‘u o ‘outou tino, e fai ai fo‘i ma fa‘ailoga o la tatou feagaiga ma ‘outou.

‘Ae peita‘i o la‘u feagaiga ‘ou te fa‘atumauina lea ‘iā Isaako, o le a fānau mai e Sara ‘iā te oe i le fa‘apenei lava i le tausaga atalī.”

O lē ‘ua valu ona pō o ‘iā te ‘outou ‘ia peritomeina ia, o tane uma ‘iā ‘outou augatupulaga; o lē ‘ua fānau i le ‘āiga ma lē ‘ua fa‘atauina mai i tupe i tagata ‘ese uma lava, e lē o sau fānau ia. ‘Ia peritomeina lava o lē ‘ua fānau i lou ‘āiga, ma lē ‘ua fa‘atauina i au tupe; e i o ‘outou tino la tatou feagaiga o le feagaiga e fa‘avavau.