Gḭ-Néje 50 的熱門經文

分享

Seḭ lé seḭ wɔjije-kwɔji raje səm majel. Nɛ Ala telee gə́ né gə́ maji mba karee to gin kaji lə dəwje bula to gə́ seḭ síje ne ɓogənè ya.

Jisəb ula dee pana: Ɓəlje el. See ma m’askəm taa tor Ala wa.

Bèe ndá ɓəlje el ŋga. Ɓasinè m’a kodo sí-seḭ gə ŋgan síje gə nésɔ ya. Bèe ɓa yeḛ ula dee ta gə́ kul gɔl dee ne.

Maji kar sí j’ulaje Jisəb togə́bè pajena: Ǝi! ar məəi oso lemsé dɔ majel gə́ ŋgakɔḭje ra səi’g ləm, gə dɔ kaiya ra dee’g ləm tɔ mbata deḛ ra səi majel tɔgərɔ ya! Jeḛ n’raje ndòo rɔi’g mba kari ar məəi oso lemsé dɔ kaiya’g lə kuraje lə Ala lə bɔbije lé! Loo gə́ yeḛ oo ta nee gə́ d’ulá lé ndá Jisəb no̰.

Jisəb ula ŋgakea̰je pana: M’a gə kwəi ŋga! Nɛ tɔgərɔ Ala a tɔs kəmee dɔ sí’g bao-bao ləm, yeḛ a kar sí ḭje mee ɓee’g neelé mba kawje mee ɓee gə́ yeḛ un ndia gə mba kar Abrakam, gə Isaak, gə Jakob kédé lé ya.

Jisəb ar ŋgalə Israɛl d’un ndu dee d’aree pana: Tɔgərɔ, Ala a kila kəmee dɔ sí’g ndá a kodoje siŋgarɔmje loo gə́ nee’g kawje ne nu ya.

Jisəb ra ləbee tɔl dəa dɔg (110) ɓa yeḛ wəi ɓəi. Deḛ ndèm kuma̰ rəa’g d’ilá mee sa̰duk-dubu-yoo’g mee ɓee gə́ Ejiptə tɔ.