لُوقا 6 的熱門經文

分享

أَنْطُوا لِلنَّاسْ وَ اللّٰهْ يَنْطِيكُو. يَنْطِيكُو بِإِيدْ وَسِيعَةْ فِي إِيدَيْكُو وَ يُكُونْ وَزِنْ عَدِيلْ وَ كِيَالَةْ لَحَدِّي يِدَفِّقْ. اللّٰهْ يِكِيل لَيْكُو بِنَفْس الْمِكْيَالْ الْإِنْتُو تِكِيلُوا بَيَّهْ لِلنَّاسْ.»

«الْقَلِبْ هُو مِثِلْ مَخَزَنْ. وَ النَّادُمْ الْعَدِيلْ يُضُمّ كَلَامْ عَدِيلْ فِي قَلْبَهْ وَ الْكَلَامْ الْيَمْرُقْ مِنَّهْ عَدِيلْ. وَ النَّادُمْ الْفَسِلْ يُضُمّ كَلَامْ فَسِلْ فِي قَلْبَهْ وَ الْكَلَامْ الْيَمْرُقْ مِنَّهْ فَسِلْ. أَشَانْ الشَّيّءْ الْقَلِبْ النَّادُمْ مَلَانْ بَيَّهْ، دَا بَسْ الْيَمْرُقْ مِنْ خَشْمَهْ وَكِتْ يِحَجِّي.

«لَاكِنْ حِبُّوا عُدْوَانْكُو وَ سَوُّوا لَيْهُمْ الْخَيْر وَ دَيُّنُوهُمْ وَ مَا تَرْجَوْا مِنْهُمْ شَيّءْ وَ خَلَاصْ تَلْقَوْا أَجُرْ كَبِيرْ. وَ مِثِلْ دَا، تَبْقَوْا عِيَالْ اللّٰهْ الْعَالِي. هُو يِسَوِّي زَيْن لِلنَّاسْ الْفَسْلِينْ الْمَا يَشْكُرُوهْ.

أَرْحَمَوْا النَّاسْ مِثِلْ أَبُوكُو اللّٰهْ رَحِيمْ لِلنَّاسْ.

«مَا تِحَاكُمُوا النَّاسْ أَشَانْ اللّٰهْ مَا يِحَاكِمْكُو إِنْتُو. مَا تَجْعَلَوْا النَّاسْ خَاطِيِّينْ أَشَانْ اللّٰهْ مَا يَجْعَلْكُو إِنْتُو خَاطِيِّينْ. سَامُحُوا النَّاسْ وَ اللّٰهْ يِسَامِحْكُو.

وَ عِيسَى قَالْ بَتَّانْ: «وَ لَاكِنْ أَنَا نُقُولْ لَيْكُو إِنْتُو التَّسْمَعَوْا كَلَامِي، حِبُّوا عَدُوكُو وَ سَوُّوا الْخَيْر لِلنَّاسْ الْيَكْرَهَوْكُو. وَ بَارُكُوا النَّاسْ الْيَلْعَنَوْكُو وَ أَسْأَلَوْا اللّٰهْ بِالْخَيْر فِي شَانْ النَّاسْ الْيِتَعُّبُوكُو.

وَ سَوُّوا لِلنَّاسْ الشَّيّءْ الْإِنْتُو ذَاتْكُو تِدَوْرُوا النَّاسْ يِسَوُّوهْ لَيْكُو.

كَنْ نَادُمْ دَقَّاكْ فِي شِدْقَكْ الْوَاحِدَةْ، أَنْطِيهْ الْآخَرَةْ كُلَ. وَ كَنْ نَادُمْ يِدَوْر يِشِيلْ جَلَّابِيّتَكْ، خَلَاصْ خَلِّي يِشِيلْ جَوَّانِيّتَكْ كُلَ. أَنْطِي لِأَيِّ نَادُمْ الْيَسْأَلْ مِنَّكْ شَيّءْ وَ النَّادُمْ الشَّالْ مِنَّكْ خُمَامَكْ مَا تَسْأَلَهْ مِنَّهْ.

«مَا فِي شَدَرَةْ عَدِيلَةْ التَّلْدَ عِيَالْ فَسْلِينْ. وَ بَتَّانْ مَا فِي شَدَرَةْ فَسْلَةْ التَّلْدَ عِيَالْ عَدِيلِينْ.

أَشَانْ النَّاسْ يَعَرْفُوا أَيِّ شَدَرَةْ مِنْ عِيَالْهَا. مَا يَلْقَوْا عِيَالْ جِمَّيْز فِي الشَّدَرَةْ الْعِنْدَهَا شَوْك. وَ مَا يِلَقُّطُوا عِنَبْ مِنْ أَنْدِرَيْسَةْ.