غَلاطِية 5 的熱門經文

分享

لَاكِنْ مِثِلْ الشَّدَرْ يَلْدَ عِيَالْ، دَاهُو عِيَالْ الرُّوحْ الْقُدُّوسْ هُمَّنْ الْمَحَبَّةْ وَ الْفَرَحْ وَ السَّلَامْ وَ الصَّبُرْ وَ الْقَلِبْ الْأَبْيَضْ وَ الْخَيْر وَ الْأَمَانْ وَ النَّفَسْ الْبَارِدْ وَ ثَبِّتِينْ النَّفْس. الْأَشْيَاءْ دَوْل، مَا فِي شَرْط وَاحِدْ ضِدُّهُمْ.

نُقُولْ لَيْكُو تَابُعُوا اللّٰهْ بِدَرِبْ الرُّوحْ الْقُدُّوسْ وَ مِثِلْ دَا، مَا تِتَابُعُوا شَهْوَاتْكُو الْفَسْلِينْ.

وَ كَنْ نِعِيشُوا بِقُدْرَةْ الرُّوحْ الْقُدُّوسْ، وَاجِبْ نُرُوغُوا بِقُدْرَةْ الرُّوحْ الْقُدُّوسْ.

وَ النَّاسْ الْبِقَوْا نَاسْ هَنَا الْمَسِيحْ عِيسَى خَطَّوْا شَهْوَاتْهُمْ الْفَسْلِينْ فِي الصَّلِيبْ وَ كَتَلَوْهُمْ.

وَ خَلَاصْ، الذُّنُوبْ الْيَجُوا مِنْ قَلِبْ الْإِنْسَانْ مَعْرُوفِينْ. هُمَّنْ الزِّنَى وَ الْخَبَاثَةْ وَ الْفَسَادْ وَ عِبَادَةْ الْأَصْنَامْ وَ السِّحِرْ وَ الْهُرَاجْ وَ الدُّوَاسْ وَ الْحُسُدْ وَ الْغَبِينَةْ وَ الْخِلَافْ وَ الْمُخَاصَمَاتْ وَ التَّفْرِقَةْ وَ الطَّمَعْ وَ السَّكَرْ وَ السَّفَاهَةْ وَ شَيّءْ آخَرْ الْمِثِلْهُمْ. نُقُولْ لَيْكُو مِثِلْ أَوَّلْ قُلْتَهْ لَيْكُو، النَّاسْ الْيِسَوُّوا الْأَشْيَاءْ دَوْل مَا يَوْرُثُوا شَيّءْ فِي مَمْلَكَةْ اللّٰهْ.

يَا أَخْوَانِي، اللّٰهْ نَادَاكُو أَشَانْ يِدَوْر إِنْتُو تِعِيشُوا فِي الْحُرِّيَّةْ. لَاكِنْ مَا تِسَوُّوا الْحُرِّيَّةْ دِي فُرْصَةْ لِتِتَابُعُوا شَهْوَاتْكُو الْفَسْلِينْ. أَخَيْر تَخْدُمُوا لِأَخْوَانْكُو بِمَحَبَّةْ.

أَشَانْ الشَّيّءْ الْيِرِيدَهْ قَلِبْ الْإِنْسَانْ شِقْ مِنْ الْيِرِيدَهْ الرُّوحْ الْقُدُّوسْ. وَ الشَّيّءْ الْيِرِيدَهْ الرُّوحْ الْقُدُّوسْ شِقْ مِنْ الْيِرِيدَهْ قَلِبْ الْإِنْسَانْ. الْإِتْنَيْن دَوْل يِدَّاوَسَوْا أَمْبَيْنَاتْهُمْ أَشَانْ يَدْحَرَوْكُو مِنْ الشَّيّءْ التِّدَوْرُوا تِسَوُّوهْ.

أَشَانْ كُلَّ شُرُوطْ التَّوْرَاةْ، زِبْدِتْهُمْ تِنْلَقِي فِي وَصِيَّةْ وَاحِدَةْ وَ هِي: <حِبّ أَخُوكْ مِثِلْ تِحِبّ نَفْسَكْ.>

خَلِّي مَا نِسْتَكْبَرَوْا وَ لَا نِزَّاعَلَوْا أَمْبَيْنَاتْنَا وَ لَا نِلْحَاسَدَوْا.

الْمَسِيحْ سَوَّانَا نَاسْ حُرِّينْ أَشَانْ نِعِيشُوا فِي الْحُرِّيَّةْ. أَقْعُدُوا ثَابْتِينْ فِي الْحُرِّيَّةْ وَ آبَوْا مَا تَبْقَوْا بَتَّانْ عَبِيدْ.