Lc 6 的熱門經文

分享

'A'cn̈ej tas 'a eb' eyit 'anma'il, toto 'ixta', 'oj ya'n̈j pax Dios tas 'ayx jun xo. 'Icha junc tas tz'acn tz'aj yechtaxi, tzquilx 'ejmi, tzicb'tan̈xi, masnto tzq'ue ch'ucn sti', 'ixta 'oj yutc Dios ya'n tastc 'ayex. Yujto 'icha tzeyutj e b'a 'a eb' eyit 'anma'il, 'ixta 'oj ex yutc Dios jun xo.

A eb' wach' snab'en, wach' tzyutj eb' sb'eyb'al, yujto cojn tas wach' 'ay 'a snab'en eb'. Ax eb' maysch'olnil snab'en, maysch'olnil tzyutj eb' sb'eyb'al, yujto an̈j maysch'olnil 'ay 'a snab'en eb'. Yujto a tas 'ay 'a qui nab'en junjn on̈, a tzcala.

Palta ax xo tic, chamc'ojlejc eb' 'ajc'ojl yajch 'ayex. Wach'n̈j cab' tzeyutj e b'a. A yic tzeya'n junc tas majnil, man̈ e na', toto 'oj e chaxi. Toto 'ixta tzeyutj e b'a, caw niwn spac 'oj e cha'. Ax scheclj 'eli, to yunnal ex xo Dios, atn jun yel xo niwn yel'chi. 'In tzch'ox swach'c'ojlal pax 'a eb' maysch'olnil.

'O'ch cab' e c'ojl 'a eb' eyit 'anma'il, 'icha tzyutj qui Mam yo'ch sc'ojl 'ayex.

Man̈ e b'eyc'ojloc junc xo mach, toto 'ixta', ma'oj ex sb'eyc'ojloc Dios. Man̈ e comn aloc, to 'ay smul junc xo mach, toto 'ixta', ma'oj yal Dios to 'ay e mul jun xo. 'A'cn̈ej niwnc'ojlal, toto 'ixta', 'oj ex ya'n̈j pax niwnc'ojlal Dios jun xo.

Palta tzwaln pax 'ayx ax tzeya'ch e chicn 'a tas tzwala: Caw tze chamc'ojlej eb' 'ajc'ojl yajch 'ayex, wach' tzeyutj e b'a 'a eb' tzchichn 'och 'ayex. A eb' tzc'ann cot yowl sc'ojl Dios 'a eyib'an̈, ax xo tze c'an cot swach'c'ojlal Dios 'a yib'n̈ eb'. A eb' tzex b'uchni, tzex leslwi yuj eb'.

Toto tze nib'j caw wach' tzyutj sb'a eb' eyit 'anmal 'ayex, wach' tzeyutj e b'a 'a eb'.

Toto 'ay mach tzma'n junc spac'b'il e ti', tzeyac' jun pac' xo chi smac'a'. Toto 'ay mach tzto'n 'ec' e chumpa, tzeyac' pax e camx yico'oc. Tzann̈j eb' tzc'an junc tas 'ayex, tzeya'n̈j 'a eb'. Ax eb' tz'i'n 'ec' junc tas 'ayex, man̈x e c'anx 'ec' 'a eb'.

A jun tzo'n̈ snun te wach', may junc maysch'olnil sat tzyac'a. An̈jtona jun tzo'n̈ snun te maysch'olnil, may junc wach' sat tzyac'a.

Yuj sat junjn te', tz'ojcax 'eli, tas yaj junjn te'. Q'uinloc 'ay junc snun higo ticnec, ¿tom q'uix sat tzyac'a? Q'uinloc 'ay pax junc snun manzan, ¿tom tz'usp sat tzyac'a?