Lc 5 的熱門經文

分享

Xlajw scuywj 'a eb', 'ix yaln 'a Simón 'ixtic: —Coyc 'a 'aj 'ay xab'l a'. 'Oj 'at eyac' 'ejm eyamlab' chay tic ta', xchi 'a 'a.

—Ach in Cuymal, jun 'ac'wl xcob' ca'lc qui yamn no q'uiq'ui, toxn may junc no xquij on̈. Palta yujn̈ej to ach tzala, 'oj 'at wac' 'ejm in yamlab' chay tic jun 'ejm xo, xchi Simón cha. Ax yic xya'n 'ejm eb' schim cha, man̈x jantcoc no chay 'ix yamchji. Ax schim eb' cha, xlaj n̈i'chj yol sat.

Ax Jesús, tz'at 'a 'aj may 'anma', ata tzleslwi.

'Ixta waj an tic, a eb' wach' sb'eyb'al snani, toc 'ay tzin 'och yuj eb', palta yuj wawtn eb' tznachj 'el yu'uj to maysch'olnil sb'eyb'al, yuj cha, in jawi, xchi Jesús.

Yic 'ix yiln Simón Pedro jun cha, 'ix 'em cumn 'a yojltac Jesús, 'ix yaln 'ixtic: —Mamin, mamtzac ej 'el a b'a 'a in tz'ey, yujto an tic caw 'ajmul in, xchi.

Yuj cha, xyaln Jesús 'ixtc 'a ewinac: —Q'uinloc 'ay junc 'a'm remel ticnec, a eb' wach' sc'ojol, ¿tom 'ay tz'och yuj eb'? Cojn eb' ya'ay, a eb' 'ay tz'och yu'uj.

Ax yic xc'och eb' yet' te barco chi 'a sti a', 'ix yactn can eb' smasnil tas 'ay 'a 'a, 'ix 'at eb' yet' Jesús.

A 'a jun 'el, yic 'ayc' Jesús 'a jun chon̈ab', 'ix jaw jun winc 'a 'a, caw ya'ay yuj lepra. Yic 'ix yiln win Jesús, 'ix 'em cumn win 'a yojltac. 'Ix tew 'och win 'a 'a, xyaln win 'ixtic: —Mamin, comnoc tzyal a c'ojol tzin ac' b'oxoc, xchi win 'a 'a. Yuj cha, 'ix stzayn 'och Jesús sc'ab' 'a winac, 'ix yaln 'ixtic: —Tzyal in c'ojol. Tic tzach wac' b'oxoc, xchi 'a winac. Xlajwn̈ej yaln jun cha, 'ix tacj can jun yab'il chi 'a winac.

Palta 'ix wach' pucl yab'xil Jesús 'a scal eb' 'anma'. Yuj cha, til wal eb' xlaj syam sb'a yic tz'ab'xni eb' 'a 'a. Tznib'n pax eb' tzlaj b'ox can sc'ojl yuj syailal.