Jn 11 的熱門經文

分享

—An tic, 'a'm in pitzwc pax chamnac, 'aj q'uinl in paxi. Tzann̈j eb' tzin 'a'n 'och 'a sc'ojol, wach'xam 'oj cham eb', palta 'oj pitzwc pax eb'. Jantcn̈ej eb' pitznto, tzin ya'n 'och eb' 'a sc'ojol, may b'a'n̈ 'oj cham eb'. ¿Tzam a'ch jun tic 'a a c'ojol? xchi Jesús 'a 'ix.

—Tox xwal 'ayach, toto tzin a'ch wal 'a a c'ojol, 'oj el nab'n spoder Dios, xchi 'a 'ix.

A Jesús 'ix 'oq'ui.

Xlajw yab'n Jesús tas 'ix yalb't eb', 'ix yaln 'ixtic: —A jun yab'il cha, ma'oj cham win yuj 'a jun 'ejmn̈ej. 'Ix yamchj win yuj jun yab'il cha, sec 'oj sch'ox Dios to caw niwn yel'chi. Ax scheclj pax 'eli, to caw niwn wel'ch pax an Yunnaln Dios tic, xchi Jesús.

Xlajw yaln jun tzo'n̈ tic, caw 'ip 'ix 'awj cha'an̈: —Lázaro, 'eln̈ta, xchi. Ax win chamnc cha, 'ix 'el paxta. B'a'nto 'och jun tzo'n̈ nip 'a yoc yet' 'a sc'ab'. 'Ay pax jun xotn 'ejm 'a sti'. Yuj cha, xyaln Jesús 'ixtic: —Xuyc 'el jun tzo'n̈ nip tic 'aych 'a 'a, xchi 'a eb'.

Ax Jesús, an̈ja pitz'n 'och cusc'ojlal 'a 'a, yic 'ix c'och 'a 'aj mucn winac. A 'a yol jun q'uen olb'il, ata 'aych sniwnal winac. 'Aych can pax jun q'uen smacloc.

Xlajw yaln jun tic, 'ix yaln 'ixtc pax yuj Lázaro: —A jun qui wach'c'ojlec cha, to tzwayi, palta 'oj 'at in pitzl swayn̈ cha, xchi 'a eb'.