Matyu 26 的熱門經文

分享

No sliip. Kip wach an prie so unu no fies notn we wi kaaz unu fi sin. Kaaz iina unu aat unu waahn du wa rait, bot unu a jos piipl an dat mek unu wiik.”

Den im se tu dem se, “Mi aat evi so til mi fiil laik da presha ya a go kil mi. Tan ya-so an no bada go sliip pan mi.”

Jiizas go out likl forda an dash imself a grong, ton dong im fies an im prie. Im se, “Mi Faada, ef yu kyan dwi'it, du, tek da kop ya fram mi! Bot a no wa mi waahn stil, a wa yu waahn.”

Kaaz dis a mi blod. A da blod ya yuuz fi set op di nyuu plan we Gad mek wid unu. A da blod ya ron fi evribadi, so dem kyan get paadn fi dem sin.

Wen taim dem de de a nyam, Jiizas tek di bred, gi tangks an brok it gi im falara dem. Im se, “Tek dis an nyam it. Dis a mi badi.”

Den afta im tek di kop an gi tangks, im gi dem an se, “Aal a unu, jringk fram it.

Den im kom bak tu im falara dem an kom fain dem a sliip. Im se tu Piita se, “So unu kudn tan wid mi an kip wach fi wan owa — unu gaan gaan sliip?

Ier wa mi a se, mi naa jringk no muo wain til da die de kom wen mi jringk it wid unu wan nyuu wie iina mi Faada Kindom.”

Den Piita memba we Jiizas did se: “Bifuo di ruusta kruo, yu a-go se yu no nuo mi, chrii taim.” Piita go outsaid an im baal, an im baal, an im baal so til.

Git op! Mek wi go nou! Si ya no! Di wan we sel mi out kom nou!”

Den Jiizas se tu im se, “Put op bak yu suod! Kaaz enibadi we tek op suod fait, a suod a-go kil dem.