Aks 4 的熱門經文

分享

A onggl Jiizas wan kyan siev piipl, an a fi'im niem Gad gi piipl. Nobadi els iina di uol worl kyaahn siev yu.”

Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

So Laad, luk pan ou dem a chretn wi! Elp yu sorvant dem fi pred yu mesij an no fried a notn.

Jiizas a “ ‘di rakstuon we unu, di bilda, did fling we an we nou a di wan we a uol op di bildin.’

Wen dem si ou Piita an Jan tan op chrang fi wa dem biliiv an wen dem lorn se dem a did jos aadineri sumadi we neva go a no skuul go lorn, dem shak. Den dem si se di tuu a dem did nuo Jiizas an did waak wid im fi a gud wail.

Aal a di piipl we biliiv iina Jiizas a did wan iina dem aat an main. Nobadi neva se, ‘Notn mi av a fi mi wan.’ Bot dem shier aal wa dem av mongks dem wan aneda.