LUKA 7 的熱門經文

分享

Sam mpila kon, me kane batshiena ngwe: Ba ilolula imabe ma vuki maker yaa. Ya masong ulang-nu unde unen masong waa. Me muor nepengwe bamulolula sam ndam mabe ma iker nde, asisong ulang-nu ukia ulek. Yezu kutien i mukar kon: Mukar mema ilolula val mabe maya maankima maker yaa.

Yezu ku tshiena: i mukar ukie uya wa ubiela, ke i poloo!

Ku ying-na ku ndjo impi ku mar ku ndungwe kunka mikol mi waa Yezu nde ku teshia ulel impi ubola mikol minde i ntshang imii. Bonso ntshang inde ikie yaa uva ku mikol mi nde ku teshia ukwomna maa i ntshwee inde impi nde ku mapa bizi. Kundungwe nde ku mukuta mayi manshon andabin.

Me mamon menge mepikwa uya imon impi bo, ya tshien na lala layia mfumi mee abiba bior. Val mengayia mekane i bankumu ku so ume. Kana memba tieni mue: “Ke”! Aman uke; impi inasa: “Ya”! Aman uya. Impi kana menga tieni munketi mee: “Ker mulom wepe”, aman uker. Yezu iyui nde ndaa ikon, ku kem vuki val nde, kutimua kuwaa bar vuki bepe bekia milab, impi kutien: Meya tien ibieno, metuk umon ukie unen ngwe bo ata kwivuo labar ba Izayeli.

Kuvuna ukoon kaka, Yezu ikia biela bar vuki banga makal, banga undjolo; banga mpeve mube, nde ikia kang-na ba nkpi mii. Nde kupa ba ntomwa bawa Yowani mvutu nepengwe: “Kekabri nan Yowani ndaa yepengwe ngaya mon bieno ti ya yua bieno ba nkpi miyi ba mon diaka, banga mikol nga bokwa kaba lia, banga ukal umakin kaba bielwa, bankpi matue kaba yua, bankpi kaba marwa ku ukpa, ntshang indabin kabalong ku banga undjolo”.