यूहन्ना 15 的熱門經文

分享

हमे अंगुरके लतके जुगुर छियै, तुहेंसब ठ्यारके जुगुर छैं। अगर कोय हमरामे रहतै, आर हमे ओकरामे रहबै ते, ऊ बहुते बढियाँ काम कर्तै, कहिनेकी हमर बिना तुहेंसब कुछु नैकरे सक्भैं।

तुहेंसब हमरामे र, आर हमे तोरासिमे रहबौ। जेरंके ठ्यार लतमे नैरहतै ते ऊ आपनहैं फल फराबे नैसक्तै, ओहिने करिके तुहेंसब कुछु बढियाँ नैकरे सकैछैं यदि तुहेंसब हमरामे नैरहभैं।

यदि तुहेंसब हमरामे रहभैं, आर हमर शिक्षा तोरासिमे रहतौ ते, तोरासिके जे इच्छा लागैछौ माँग आर हमे ओकरा तोरसिके लिए पुरा कर्बौ।

हमरा तुहेंसब नैचुन्लहैं छे, मगर हमे तोरासिके चुन्लियौ, आर तोरासिके नियुक्त कैलियौ छे, कि तुहेंसब जो आर बढियाँ काम कर आर तोरसिके बढियाँ काम सभे दिन रहौ। कहिनेकी तुहें हमर चेला छैं सेल्याके तुहेंसब जे कुछु भी हमर चेला हुऐके नातासे माँग्भैं, पिता तोरासिके देतौ।

आपन दोस्तके लिए आपन जान देना ही सबसे बडका प्रेम छै, एकरासे बडका प्रेम आर कुछु नैछै।

हरेक ठ्यार जे हमरासे जुड्ल छै आर फल नैफराबैछै ऊ ओकरा काटी दैछै, आर फल फराबेवाला सभेटा ठ्यारीके आरहौ बेसी फल फरै कहिके ऊ ओकरा साफ करैछै।

हमर आज्ञा यी छौ, कि जेरंके हमे तोरासिके प्रेम कैलियौ, तहुँसब एक दोसरसे ओहिने करिके प्रेम कर।

यदि तुहेंसब बहुते बढियाँ काम करैछैं ते, एकरद्वारा हमर पिताके महिमा प्रकट हैतै, आर एरंके तुहेंसब स्पष्ट करैछैं कि तुहेंसब हमर चेला छैं।

“हमे सच्चा अंगुरके लतके जुगुर छियै, आर हमर पिता किसानके जुगुर छै।

कोय आदमी हमरामे नैरहतै ते, ओकरा काटिके ठ्यारके जुगुर फेकि देल जैछै। जब ऊ ठ्यार सुखी जैछै ते, ओकरा जमा करिके जर्या देल जैछै।

हमे यी सभे बात तोरासिके सेल्याके कहैलियौ छे, कि तोरासिमे भी उहे आनन्द हौ जे आनन्द हमरामे छै। ताकी तुहेंसब पुरा आनन्दित भ्याजहैं।

अगर हमर आज्ञासिके पालन कर्भैं ते तुहेंसब हमर प्रेममे रहभैं, जेरंके हमे आपन पिताके आज्ञासब पालन कैलियै छे आर ओकर प्रेममे रहैछियै।

हमे तोरासिके यी आज्ञा देलियौ छे, ताकी तुहेंसब आपसमे एक दोसरसे प्रेम कर।”

यदि तुहेंसब यी संसारके आदमीसिके जुगुर हैतिहैं ते संसारके आदमीसब तोरासिके आपन आदमी कहिके प्रेम कर्तियौ। मगर तुहेंसब यी संसारसे सम्बन्ध नैराखैछैं। कहिनेकी तोरासिके संसारसे हमे चुन्लियौ, सेल्याके संसारके आदमीसब तोरासिके घृणा करैछौ।