Nk 9 的熱門經文

分享

Ve me nga jô'é wo ényiñ: Nalé ate me liti wo e ngule jam a na e jôé dam e katebane si ése.

Ane Nti a nga jô na: Kele e be Faraoñ a jô nye na: Avale di Nti, e Zamba Beébre a jô na: Su'u e bôte bam be ke bo ma ésaé.

Eyoñe ji nge me nga ye same wo wom a bibi wo a bim, ôkone betit, womien a bôte bôé, ô nga ye jañ e *si nyô.

ô lôô ayaa Nti da ye zu e be mimbam biyeme miôé mi ne e mefup; bikabela, bijakas, bekamel, mimbam mi ne menen a mi mi ne tyôtyoé, mbia bim a ye suan e be mie. Nti a ye ve nkandan e zañe mimbam ya Israél a mi ya Ejipte. Teke jôm éziñ ya biôm bise bôte ya Israél be bili ja ye jañ.

avale awolo di a akiti, ma ye noo mveñ meta'a é ne teke ajibi: Avale mveñe te e ngenan te tame noñ Ejipte ataté éyoñ Ejipte é nga téban a kui éyoñe ji. Bo'o na, mimbame miôé a jôm ése é ne énjôé e mefub bi bi asoé ya buni, amu meta'a ma ye ku bôt a betite yôp; ba ba ye yené e mefub a ba ba ye bo te tabe menda été, ba ye wu.

Ja ye veñesane mbuluk e si ya Ejipte ése a ve fe mot a meton njalan a avin e si ése ya Ejipte: e be bôt a e be betit. Ane be nga nyoñe ndub asub ôtita ya di a tebe asu Faraoñ; ane Môze a nga wua je yôp, ane é nga ve bôt a betit mot a meton njalan a avin e nyôl.