Yoana 16 的熱門經文

分享

Ndabhakeerya amangʼana gayo gonsego, naho mubhe na omurembe mumitima gyenyu, kwa okubha muringi munsi waani. Mukyaro munu murinyoora enyanko enjaru, nawe, mutoobhoha, kwa okubha oni nkihigiri ekyaro.”

Hanú ariija Omutima Omurabhu, aribhoorokererya obhuheene bhonsego. Atarigamba kwa obhutungi bhwaye omwene, nawe, arigamba ganú yeegwa na okubhakeerya ganú garimaahikana.

Okuhikira bhoonwego, mutarasabha kyokyonse ku Waryubha okutumira eriina ryani. Musabhe Waryubha, na bheenyu murinyoora. Kwa enjira iyo, murigendererya okubha na obhujomerwa bhukongʼu mumitima gyenyu.

“Ndabhakeerya obhuheene ega, m-bujomu kubheenyu oni ngye ku Taata. Nyoore ntaagye, Omubheeri urya atakutura okuuja kubheenyu. Nawe, hanú oni ndigya, ndimutuma kubheenyu. Hanú ariija, aribha arabhoorokya abhantu bhonsego ega, m-bakori bha obhusarya, na ega, oni m-muheene, kweki ega, Waryubha ariija okubhabhuturira ekiina.

Bheenyu bhonse musurumbeeri kwa eribhaga rinu. Nawe, ndiija kweki kubheenyu, mbe, murijomerwa mumitima gyenyu. Atariho omuntu unú ariruusya-ho obhujomerwa bhuyo mumitima gyenyu. Kweki hanú eribhaga riyo rihikiri, mutarimbuurya eringʼana ryoryonse. “Ndabhakeerya obhuheene ega, gonsego ganú murasabha kwa eriina ryani, Taata aribhahaana.

Ndabhakeerya obhuheene ega, bheenyu murikuura na okusurumbara, nawe, abhantu bha mukyaro munu bharijomerwa. Murisurumbara, nawe, obhusurumbaru bhwenyu bhurihunjura okubha obhujomerwa.