लूका 6 的熱門經文

分享

दीया करा, त तुमून ले द्योलो। लोग तुमून नापेले चेपि-चेपि भेरन और हिला-हिला भरेन तुमार काखि में डाली जालो, क्याखिनकि जो नापेले तुम नापछा, उई नापेले तुमून खिन ले नापी जालो।

और भल आदिमी मन का भण्डार भटे भल बात निकलनान, और बुरा आदिमी मन का भण्डार भटे बुर बात निकलनान, क्याखिनकि आदिमी का मन में जो हुछो उई मुँख भटे निकलछो।

लेकिन तुम अपून दुश्मनून का दगाड़ ले प्रेम कर्या, उनेरि भलाई कर्या और वापिस पाना की आश नै राखभेरन कर्ज दीया, तभै तुमोरो ईनाम ले ठूलो होलो, और तुम महान परमेश्वर की संतान बनाई जॉला, क्याखिनकि उन बुर लोगून में दयालु छन जो धन्यवाद नै करना।

जसो तुमोरो पिता परमेश्वर दयालु छन उसीकैं तुम ले दयालु बँन्या।

तुम दुसरान में दोष जन लगा, तब परमेश्वर तुमूनमें ले दोष नै लगा। कैका खिलाफ न्याय जन करा, तब परमेश्वर तुमार खिलाफ ले न्याय नै कर। दुसरान माफ करला, तब परमेश्वर तुमून ले माफ करोलो।”

लेकिन मैं तुमूनथैं सुणन वालान थैं कुछूँ कि अपून दुश्मनून का दगाड़ ले प्रेम करा। जो तुमार दगाड़ दुश्मनी करनान, उनून खिन भलाई करा। जो तुमून श्राप दीनान उनुस आशीर्वाद दीया, जो तुमार दगाड़ बुरो बर्ताव करनान उनून खिन प्रार्थना करा।

दुसरान का दगाड़ ठीक ऊसो ब्यवहार करा जसो ब्यवहार की आश तुम अपून खिन करछा।

जो तुमार एक गाल में थप्पड मारछो, ऊस दुसोरो गाल ले फेर दीया, जो तुमोरो कुरता ल्योलो, त ऊस अपूनो भ्यार वालो कोट ले दी दे। जो कोई ले तुमूनथैं केले माँगछो, ऊस उ दीया। जो तुमोरो चीज छणुछ, उथैं उ वापिस जन माँगिया।

कोई ले निको रूख बुरो फल नै ल्यून और नै कोई बुरो रूख निको फल नै ल्यून।

हरेक रूख अपून फलून ले पछ्याणी जाछो, क्याखिनकि झील-झाड़िन भटे अंजीर नै तोड़ना और नै कंटीली झाड़िन भटे अंगूर तोड़ना।