Juanasiup Aglangit 10 的熱門經文

分享

Tiglikti qaivakpuq tigligariaqturumalluni tuquraijumallunilu; uvangali tikippunga, inuusirmiglu ajuqsarnanngittumik piqaliqullungit.

“Uvanga paiqsijitsianguvunga. Paiqsijitsiaq inuusirminik tunisivuq siipiit pillugit.

Siipiqutima nipiga tusaqpaat, qaujimagakkit, malikpaanga.

Inuusirmik nungusuittumik tunisivigivakka, asiujuqarnianngilat, nalliannigluunniit aqsaaqtaunianngilanga taakkuninga pisimajanni.

Itiqtarviuvunga; nalliat uvakkut itituq, taanna piulijauniaqpuq, itirluni anilunilu niqiksalingmik nanisiniaqpuq.

Uvanga paiqsijitsianguvunga; nangminikka ilitarivakka ilitarijaullungalu taakkununga.

Ataataga tunisisimajuq uvannut taamakuninga, tamainnit anginiqpauvuq, kinamulluunniit Ataataga aqsaaqtaujunnanngilaq taakkuninga tigumiarninganik. Uvangalu Ataatalu atausiuvuguk.”

Suurlu Ataataup ilitaringmanga uvangalu Ataata ilitarigakku; inuusiralu tunivara siipiit pillugit.

Inuusinnik aqsaaqtaujunnanngilanga kinamulluunniit, nangminirli isumaqsurlunga tunirrutigivara. Pijunnarniqaqpunga tunirrutigilugu, pijunnarniqarivungalu amma utiqtillugu; tamatuminga taimaak Ataatama piqulauqpaanga pinasuaqullunga.”

Tavva Jiisusiup uqarvigikkanniliqpait, “Sulijumik uqautivassi, uvanga siipiit itiqtarvigivaanga.

Tilijausimatuinnaqturli paiqsijiunngittuq, nangminiqanngitturlu siipinik, amarurmik qailiqtumik takugami siipiit qimainnarlugit qimaavuq; amaruup siipiit angullugit siammaktippait.

“Sulijumik uqautivassi, nalliat itiqtarvikkut itinngittuq siipikkuvingmut asiagulli isiqtarviunngittukkut avalu majurlugu isiqtuq tigliktiulluni tiguuraijiuvuq piginngitaminik.