Panagnaan 15 的熱門經文

分享

Na si Ibram siꞌ tu, lay na jaꞌ pitsayaꞌ ni palman Tuhan. Pag ndaꞌ Tuhan meꞌ looy, lay si Ibram initung meꞌ na intong.

Na paddus meꞌ looy, yaꞌ gi hallom, lay na baw si Ibram tinammuhan meꞌ Tuhan. Njawom pandapat na, yuk Tuhan niiya, “Ū Ibram, daa ko tawu ni oy maka oy na. Luu na pin situ ku ngagpangan kau. Maka buwanan ta du sina ko ladjikiꞌ mehe.”

Pus meꞌ looy, lay na baw si Ibram binoo meꞌ Tuhan pa poan maka yuk na, “Pahangad ko pilay pa taꞌ langit. Ndaun teꞌ bong taitung nu ga potean naa. Meꞌ naa du sina eka panubuꞌ nu bbos-bbos.”

Pag tampung Tuhan, “Saꞌ du bilay iya kapusakahan altaꞌ nu bbos-bbos, batan anakan na du sina mintu ko lalla. Boꞌ iya na du sina mintu koleꞌ pusaka nu.”

Pag-anu siꞌ, magpalman na baw Tuhan niiya, yuk na, “Ibram, daa ko ba tawu. Patahaꞌ ku du sina umu nu ngabut sampay nu toa laslas. Pag patoy nu ina mintu, njawom sannang atay jaꞌ ko. Sugaꞌ baan ta ko banahan, bbos-bbos lumangga jaꞌ sina siga panubuꞌ nu ni kasusahan mehe sasang da sampi ni lahat disu. Pinahata sina mintu sila ndooy, boꞌ bininsanaꞌ lagi meꞌ jama lahat looy njawom mpat hatus taun. Sugaꞌ pidjalaꞌ ku du sina mintu jama lahat looy ma bay mahata sila. Maka pag taabut jaꞌ ilay mintu palakka siga panubuꞌ nu mandooy, kaboo du sila pangaltaꞌ mehe.

Pag tampung si Ibram, “Papuꞌ ku, oy lay la paluntungan takoleꞌ ku ni ladjikiꞌ ma dean nu bong ga meꞌ tuu yaꞌ san luu anak ku? Bong itu amu-amu meꞌ tuu karuha ku ngabut sampay ku matoy, ilooy du mintu kapusakahan mimon altaꞌ ku yana tindog ku si Eliyesel. Boꞌ bangsa sarī lagi ya, jama man Damaskus.”

Maka ni waktu looy du siꞌ, lay na baw Tuhan bay nganjanjiꞌ ni si Ibram, yuk na, “Dean ku na sina mintu siga panubuꞌ nu mimon lahat tuu, labba man sōng ni bihing panggaan Ejip ngabut sampay pa Sōng Yupretes.

Na ga panubuꞌ nu ina mintu, sakayi da pabeleng pitu pa Kanan, noy paddus na mpat hatus taun looy siꞌ halloman da bay pinahata ni lahat looy siꞌ. Taabut masa looy ilay mintu, siga panubuꞌ nu pagantiꞌ na ni bangsa Amol ma maglahat ntuu ni Kanan. Ni masa looy ilay mintu, biddaꞌ na kalaatan bangsa Amol. Sangkon pidjalaꞌ ku na sina mintu sila. Sohoꞌ ku na sila pinalakka ni siga panubuꞌ nu. Sugaꞌ batnaa, layam-layam ku na doꞌ batan yaꞌ gi taabut timpu looy mintu man ku yaꞌ na katatas ngandaꞌ kalaatan da.”