يوحنا 19 的熱門經文

分享

وَامِي يقَّاس عِيْسَى اَمَان نِّي، ينَّا: "ئِتْوَاكمّڒ!" ئِسَذَار اَزدْجِيف نّس، ئِسلّم بُوْحْبڒ نّس.

منْبَعْد إِ مَانَايَا يسّن عِيْسَى بلِّي كُڒْشِي يكْمّڒ، ينَّا: "أَقَايِي فُّوْذغ." س وَاوَاڒ نِّي يفّغ مِين د يُوْسِين ذِي لْكِتَاب.

وَامِي يࢲْرَا عِيْسَى يمّاس يبدّ اَكِذس ومحْضَار نِّي إِي خَاس يعِيزّن اَطَّاس، ينَّا-ٱس: "آ يمَّا، أَقَاث ذِين مِّيم!" ينَّا-ٱس عَاوذ إِ ومحْضَار نِّي: "أَقَات ذِين يمَّاش!" سّنِّي يُوْوِي-ت ومحْضَار نِّي غَار ثدَّارْث نّس.

وَامِي رُوْحن غَار عِيْسَى، وَار ذَاس رْزِين بُو يضَارن مِينْزِي ؤُفِين-ث يمُّوْث. وَلَكِن يجّن زِي ڒْعَسْكَار نِّي يشُوْكّ-يث غَار وغزْذِيس نّس س يِجّن ن وكشُّوْض ذَايس ثِيشّط ن وُوْزّڒ، ؤُزّْڒن-د زَّايس ذغْيَا يذَامّن ذ وَامَان اَطَّاس.

يوْقع مَانَايَا حمَا اَذ يكمّڒ مِين د يُوْسِين ذِي لْكِتَاب: <وَار زَّايس يتْرزِّي ؤُڒَا ذ يجّن ن يِيغس.> ثُوْسَا-د ذݣ يِجّن ن لْأَيَا نّغْنِي: <أَذ خْزَرن غَار ونِّي يتْوَاشُوْكّن.>

ئِفّغ عِيْسَى يَارْبُو صَّلِيب س يِيخف نّس يرُوْح غَار يِجّن ن ومْشَان قَّارن-اَس <أَمْشَان ن جُمْجُمَا.> س وَاوَاڒ ن يسْرَائِيلِيْين قّارن-اَس <ݣُوْلْݣُوْطَا.>

مُوْذن-اَس يجّن ن تَّاج ن يسنَّانن ݣِّين-اَس-ث خ وزدْجِيف نّس. ݣِّين خَاس اَسڒْهَام ذ اَزݣّوَاغ.