أيث-كولوس 3 的熱門經文

分享

صْبَارث اَك وَايَاوْيَا. مڒَا شَان يِجّن زَّايْوم غَارس شَان لْمُشْكِل إِي زَّايس غَا يشثْشَا خ ونّغْنِي، ئِتْخصَّا يجّن اَذ يسْمح إِ ونّغْنِي. مَامّش ذَاوم يغْفَر أَربِّـي إِ كنِّيو، أَمنِّي إِي غَا ثْسمْحم إِ يِوْذَان.

رزُّوْث س وُوْڒَاون نْوم ثِمسْڒَايِين نِّي يدْجَان ذݣ وجنَّا، مَاشِي ثِنِّي ذِي ثْمُوْرْث.

مَارَّا مِين تݣّم، تݣّم-ث س ڒْخَاضَر نْوم مَامّش ذَاس ثْخدّْمم إِ سِيذِيثْنغ مَاشِي إِ يرْيَازن.

إِذن كنِّيو ذ شَّعْب مُقدّس يخْضَر-يكنِّيو أَربِّـي ثْعِيزّم خَاس. لَابُد اَذَايْوم ثِيڒِي لْحَنَانَا ذ ڒْخِير ذ تَّوَاضُع ذ صّْبَر أُو مَارَّا بْڒَا تَّكبُّر.

اجّم اَوَاڒن ن لْمَسِيح اَذَايْوم زذْغن س مَارَّا لْبَرَكَا نْسن. س مَارَّا ڒفْهَامث يتْخصَّا يجّن اَذ يسفْهم ونّغْنِي، ئِجّن اَذ ينْهَا ونّغْنِي. غنّْجم س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا اَكِذس ثݣّم يجّن ن شُّكر ذݣ وُوْڒَاون نْوم إِ أَربِّـي. مَارَّا مِين تݣّم س وَاوَاڒن نِغ س لْحَسَانَاث، ئِتْخصَّا اَذ تݣّم مَانَايَا مَارَّا عْلَاحْسَاب يسم ن سِيذِيثْنغ عِيْسَى اَزَّايس تْشكَّرم أَربِّـي بَابَاثْنغ.

كْتَار مَارَّا زِي ثْمسْڒَايِين-أَ ثِيْنَا يتْخصَّا اَذ تسْخذْمم ڒمْحِبّث جَارَاوم مِينْزِي ڒمْحِبّث-أَ تَاس-د اَم يِجّن ن وسْغُوْن إِݣ يسْمُوْنن مَارَّا ثِمسْڒَايِين-أَ ذݣ يِشْتن.

إِذن فَا وَامِي تْوَاسْنكَّارم كنِّيو اَك لْمَسِيح أُو لَابُد اَذ ترْزُوْم س وُوْڒَاون نْوم ثِمسْڒَايِين نِّي يدْجَان ذݣ وجنَّا مَانِي يقِّيم لْمَسِيح غَار وفُوْسِي ن أَربِّـي.

اجّم ڒهْنَا ن لْمَسِيح اَذ يحْكم ذݣ وُوْڒَاون نْوم مِينْزِي كنِّيو ذ يجّن ن جْمَاعث يڒَاغَا-يَاوم-د اَڒ ڒهْنَا-يَا. كنِّيو عَاوذ شكَّرم أَربِّـي.

خ مَانَايَا نْغث مِين يدْجَان ذَايْوم ذِي طَّبِيعَا نْوم ن دُّنشْت-أَ يعْنِي لْفَسَاد ذ مِين يخنْزن ذ شّهْوث ذ ڒْخَاضَر اَعفَّان ذ طْمَاع إِݣ يدْجَان نتَّا اَم لْعِبَادَا ن لْأَصْنَام.

مِينْزِي زَعْمَا كنِّيو ثمُّوْثم، ثُوْذَارْث نْوم اَقَا ثْنُوْفَّر اَك لْمَسِيح ذِي أَربِّـي.

وَلَكِن ڒخُّو ثِمسْڒَايِين نِّي يتْخصَّا اَخَاوم ثنْت ثسْبعّْذم قَاع يعْنِي اَعصَّاب ذ وغْضَاب ذ شَّرّْ ذ ڒْبَاطڒ ذ وَاوَاڒن يعفَّانن إِي ثقَّارم س وقمُّوْم نْوم.

وَار سْخرِّيقم شَا خ وَايَاوْيَا ڒَاحقَّاش ثْبدّْڒم طَّبِيعَا نِّي نْوم تُوْغَا غَارْوم قْبڒ ذَايس يخَرْوِيضن وَاهَا. ڒخُّو كنِّيو ثݣِّيم يجّن ن طَّبِيعَا نّغْنِي ذ جْذِيذ عَاذ تْذوَّاڒ-د ذ جْذِيذ، ڒْمَعْرِيفَا نّس اَم صِّفث ن لْخَالِق نّس.

آي يرْيَازن، حِبّم ثِمْغَارِين نْوم وَار يدْجِي اَكِسنْت تْوَاقْسْحم.

آي يحنْجِيرن، طَاعم إِ لْوَالِدِين نْوم ذِي مَارَّا ثِمسْڒَايِين مِينْزِي مَانَايَا يتْعجِيب-اَس إِ سِيذِي أَربِّـي.

آ ثِمْغَارِين، طَاعنْت إِ يرْيَازن نْكنْت مِينْزِي مَانَايَا إِݣ يدْجَان ذ لْمَعْقُوْل زِي أَربِّـي.